Արմինֆո. Հայաստանում գյուղատնտեսական ապահովագրության ինստիտուտի ներդրումն առաջնահերթ ուղղություն է, կապված կարկտահարության, երաշտի և զրտահարումների ռիսկերի հետ: Այս մասին ԱրմԻնֆո գործակալության թղթակցի հետ զրույցում այս մասին հայտարարել է ՀՀ գյուղատնտեսության ոխնախարար Ռոբերտ Մակարյանը:
Ըստ փոխնախարարի, առաջարկը ներկայացվել է կառավարությանը և կառավարության ծրագրի հաստատումից հետո կմշակվի իրականացվելիք միջոցառումների պլանը, նշել է Մակարյանը: «ներկայումս աշխատանքներ են տարվում տարբեր միջազգային կառույցների հետ, փորձի փոխանակման, ինչպես նաև ոլորտի զարգացման նպատակով միջոցների ներգրավման նպատակով»,-հայտարարել է փոխնախարարը:
Նախօրեին, պատասխանելով գյողատնտեսական ապահովագրության ներդրման մասին ԱրմԻնֆո-ի հարցին, գյուղնախարար Իգնատի Առաքելյանը հայտարարեց, որ նախաձեռնությունը ներառված է կառավարութան ծրագրում: Նրա խոսքով, նախատեսվում է պետության և գերմանական բանկի համամասնական մասնակցությունը: «Առաջարկի հավանության արժանանալուց հետո կգործարկվի պիլոտային ծրագիրը, իսկ ծրագիրը, հնարավոր է, որ ներդրվի հաջորդ տարի»,-նշել է նա:
Նշենք, որ այսօր օրենսդիրը հավանություն է տվել կառավարության ծրագրին:
Հիշեցնենք, որ սեպտեմբերի 29-ին, լրագրողների հետ զրույցում, գյուղատնտեսության նախարար Իգնատի Առաքելյանը հաղորդել էր, որ Հայաստանի համայնքներից մեկում նախատեսվում է իրականացնել գյուղատնտեսական ապահովագրության պիլոտային ծրագիր: «Եթե այն իրեն արդարացնի,ապա կլուծվի ֆերմերների բոլոր պրոբլեմների լուծումները, կապված հակակարկտային կայանների, վնասատուների և այլ բաների հետ»,-հայտարարել էր նախարարը, հավելելով, որ ապահովագրությունը կարող է փրկօղակ հանդիսանոլ ֆերմերների համար:
Դեռ 2011 թվականի մարտին նախկին վարչապետ Տիգրան Սարգսյանը հայտարարել էր, որ Հայաստանում գյուղատնտեսական ապահովագրության ներդրումը նպատակահարմար չէ, քանի որ Հայաստանի ագրոարդյունաբերական հատվածը հիմնականում կազմված է ոչ մեծ գյուղացիական ֆերմաներից, իսկ ֆերմերները չեն վճարի ապահովագրական վճարներ: Այնուամենայնիվ, Հայաստանում և Վրաստանում ագրոապահովագրության հայեցակարգի մշակման նպաակով KfW-ն հատկացրեց 400 հազար եվրո: 2014 թվականի վերջին գյուղնախարար Սերգո Կարապետյանը հայտարարեց, որ 2015 թվականին նախարարությունը, «Ինգո-Արմենիա» ապահովագրական ընկերության հետ համատեղ, նախատեսում է Վայոց Ձորում իրականացնել խոշոր եղջերավոր անասունների ապահովագրության պիլոտային նախագիծ, քանի որ այդ մարզում ավարտվել է խոշոր եղջերավոր անասունների գույքագրումը: Սակայն, 2015 թվականի նոյեմբերին «Ինգո-Արմենիա» ապահովագրական ընկերության գործադիր տնօրեն, ներկայիս առողջապահության նախարար Լևոն Ալթունյանն ԱրմԻնֆո-ին հայտարարեց, որ ծրագիրը դադարեցվել է: Նրա խոսքով, ընկերությունն այդ թեմային կվերադառնա, երբ «այդ ոլորտում ի հայտ կգա կոմերցիա և տնտեսապես հիմավորված գործունեություն: Հակառակ պարագայում, դա գործունեություն է, որով պետք է զբաղվեն գիտա-հետազոտական ինստիտուտները»:
Նշենք, որ Հայաստանում գործող ապահովագրական օրենսդրոթյունը թույլ է տալիս ներդնել գյուղատնտեսական ապահովագրության հետևյալ տեսակները, այդ թվում`բերքի ապահովագրություն, կենդանիների ապահովագրություն, ինչպես նաև գյուղատնտեսական շինությունների ապահովագրություն: