Երկուշաբթի, 31 Հոկտեմբերի 2016 17:02

Արմինֆո. ՎՏԲ-Հայաստան Բանկը և Masterсard միջազգային վճարային համակարգը ամփոփել են «Մեկնում ենք Մալդիվներ» համատեղ ակցիայի արդյունքները: Ինչպես ԱրմԻնֆո գործակալությանը տեղեկացվել է Բանկի մամուլի ծառայությունից, մրցանակների ամփոփիչ խաղարկությանը մասնակցել են ՎՏԲ-Հայաստան Բանկի  Cirrus®/Maestro®, MasterCard Standard® Gold և MasterCard® 100 առավել ակտիվ քարտապանները, որոնք 2016 թվականի հունիսի 15-ից սեպտեմբերի 15-ը ընկած  ժամանակահատվածում գնումների դիմաց վճարել են քարտերով (այդ թվում` ինտերնետ-խանութներում), 500,000 և ավելի դրամի սահմաներում:

Աղբյուրի համաձայն, մրցանակները խաղարկվել են 2016 թվականի հոկտեմբերի 29-ին ժամը 21:00-ին «Արմենիա TV» հեռուստաալիքի ուղիղ եթերում: Հաղթողները որոշվել են պատահական ընտրանքի մեթոդով: Խաղարկվել է Հայաստանում հանգստի 5 տուրիստական փաթեթ` երկու անձի համար, որոնց մրցանակակիրներն են դարձել`Լիլիթ Լազարյանը, Արտյոմ Խաչատրյան, Մարիա Սարգսյանը, Մարիետա Մելքոնյանը և Հրաչիկ Կաղինյանը, իսկ ակցիայի երջանիկ հաղթողն է դարձել Ռուդիկ Օհանջանյանը, որը ստացավ դեպի Մալդիվյան կղզիներ ճամփորդության երկու անձի ուղեգիր:

ՎՏԲ-Հայաստան Բանկը և Masterсard-ը պարբերաբար անցկացնում են մարքեթինգային արշավներ, որոնք ուղղված են անկանխիկ վճարումների խթանմանը և վճարային քարտերի ֆունկցիոնալության և հարմարավետության մասին սպառողների իրազեկման բարձրացմանը, և ամեն Բանկի ավելի մեծ թվով հաճախորդներ են մասնակցում ակցիային:

Ակցիային նախորդող ժամանակահատվածի համեմատ ակցիայի ընթացքում անկանխիկ շրջանառությունը տարբեր կատեգորիաների քարտերով աճել է 25%-ից մինչև 107%, ինչը հնարավոր է դարձել հաճախորդների ակտիվ մասնակցության շնորհիվ:

Ըստ ԱրմԻնֆո գործակալության` «Հայաստանի բանկերը քարտային բիզնեսում» վերլուծական տեղեկագրի, ՎՏԲ-Հայաստան Բանկ պլաստիկ շուկայի առաջատարն է ոչ միայն քարտերի քանակով, այլ նաև գործարքների ծավալներով: Այսպես, 2016 թվականի ապրիլի 1-ի դրությամբ բանկի ակտիվ քարտերի թիվը կազմել է 496,6 հազար, իսկ գործարքների ընդհանուր ծավալը 2015 թվականին գերազանցել է 210.3 մլրդ դրամը: Բանկը պլաստիկ շուկայի առաջատարն է նաև Visa քարտերով, որոնք 2016 թվականի ապրիլի 1-ին  կազմել են ավելի քան 418.2 հազար, տեղ զբաղեցնելով առաջատար եռյակում, իսկ MasterCard քարտերի թիվը կազմել է 78.3 հազար, որոնց թիվը 2016 թվականի առաջին եռամսյակում կտրուկ աճել է գրեթե 5 անգամ, իսկ Visa քարտերն աճել են 8.7%, արդյունքում, ՎՏԲ-Հայաստան քարտերի ընդհանուր թիվն ավելացրել է 23.8%, և որպես հետևանք, քարտերով գործարքների ծավալը տարեկան կտրվածքով ավելացել է 12.8%, հիմնականում, պայմանավորված բանկոմատներով կատարվող գործարքների 21.3% աճով: Բանկի ակտիվ քարտերի մեջ Visa քարտերը 2016-ի ապրիլի 1-ին կազմել են 84%: Նույն ամսաթվով Բանակն ուներ 157 բանկոմատ, որից 78-ը մայրաքաղաքում: Տարեկան կտրվածքով չփոխելով բանկոմատների ընդհանուր թիվը, բանկն էապես ընդլայնել է POS-թերմինալների իր ցանցը, 298 – ից մինչև 345-ի: Բացի այդ, ՎՏԲ-Հայաստան Բանկը և ԱԿԲԱ-Կրեդիտ Ագրիկոլ Բանկն ստեղծվել են բանկոմատների համատեղ ցանց, որը կազմված է ավելի քան 345 բանկոմատներից Հայաստանի ողջ տարածքում: Բանկոմատների թվով բանկն  զբաղեցնում է երկրորդ տեղը, իսկ սեփական POS-թերմինալների ցանցով տեղ է զբաղեցրել առաջատար տասնյակում:

Մինչև  2013թ. ՎՏԲ-Հայաստան Բանկը թողարկում և սպասարկում էր միայն VISA միջազգային քարտեր, ինչից հետո նույն տարվա սեպտեմբերից դառնալով MasterCard Worldwide միջազգային վճարային համակարգի լիիրավ անդամ,  ձեռնամուխ եղավ Cirrus/Maestro, MasterCard Standard և MasterCard Gold քարտերի թողարկմանն ու սպասարկմանը: Դրանից զատ բանկը սպասարկում է նաև ArCa լոկալ քարտեր: Բանկն ունի սեփական պրոոցեսինգ: ՎՏԲ-Հայաստան Բանկը VISA International և MasterCard Worldwide միջազգային վճարային համակարգերի լիիրավ անդամ է:

Հիշեցնենք, որ «ՎՏԲ-Հայաստան Բանկ» ՓԲԸ ՎՏԲ միջազգային ֆինանսական խմբի մասնակից է դարձել 2004թ. ապրիլին: «ՎՏԲ Բանկ» ԲԲԸ հանդիսանում է «ՎՏԲ-Հայաստան Բանկ» ՓԲԸ 100% բաժնետոմսերի փաթեթի միանձնյա բաժնետերը; Բանկը հիմնական ցուցանիշների մի ամբողջ շարքով մշտապես ներառվում է ՀՀ բանկային համակարգի առաջատարների թվի մեջ: Ներկա դրությամբ Բանկն ունի ամենալայն մասնաճյուղային ցանցը ոչ միայն մայրաքաղաքում, այլև երկրի մարզերում: