Արմինֆո. «Գազպրոմ Արմենիաե ՓԲԸ-ում տեղի ունեցած կարգավարական խորհրդակցության ժամանակ Վարչության նախագահ-Գլխավոր տնօրեն Հրանտ Թադևոսյանը համալիր հարցադրումներ է ներկայացրել Ընկերության ընթացիկ գործունեության, ֆինանսա-տնտեսական գործունեության, մատուցվող ծառայության որակի բարձրացման, ընկերության աշխատակիցների մասնագիտական որակավորման բարձրացման, ինչպես նաև կազմակերպչական մի շարք այլ հարցերի հետ կապված:
Հատուկ ուշադրություն է հրավիրվել գազի սպառման սեզոնային ծանրաբեռնվածության պայմաններում հանրապետության գազամատակարարման համակարգի օբյեկտների պատրաստվածության հարցին: Նշվել է, որ ընկերության կողմից տարվող աշուն-ձմեռ նախապատրաստական աշխատանքները մաքսիմալ պետք է ապահովեն բաժանորդների հուսալի և անվտանգ գազամատակարարումը: Տրվել են հանձնարարականներ` կատարման համապատասխան ժամկետներով:
«Գազպրոմ Արմենիա» ՓԲԸ հանդիսանում է «Գազպրոմ» ՀԲԸ 100-տոկոսանոց դուստր ընկերություն: «Գազպրոմ Արմենիա» ՓԲԸ ապահովում է Հայաստանի Հանրապետության ներքին շուկայում բնական գազի մատակարարումն ու իրացումը:Գազափոխադրման համակարգում Ընկերության կողմից սպասարկվող մայրուղային գազատարերի և գազատար-ճյուղավորումների ընդհանուր երկարությունը կազմում է 1685 կմ:
RUB | 4.27 | 0.00 |
USD | 394.46 | -0.25 |
EUR | 425.62 | -1.93 |
GBP | 497.65 | -0.91 |
CAD | 290.11 | -0.27 |
JPY | 26.06 | -0.05 |
CNY | 54.57 | -0.05 |
CHF | 435.72 | -0.13 |