Հայաստանում թանկարժեք մետաղների գներն սկսել են աճել

Արմինֆո. Հայաստանում թանկարժեք մետաղների գներն աճել են 0.5%, (նախորդ շաբաթ`1.1% անկում): Ընդ որում, բոլոր մետաղների գներն սկսել են գնալ դեպի վեր, բացառությամբ պալադիումի, որը չորրորդ շաբաթ անընդմեջ էժանանում է:

Ինչպես ԱրմԻնֆո գործակալությանը տեղեկացվել է ՀՀ ֆինանսների նախարարությանն «Թանկարժեք մետաղների և թանկարժեք քարերի պետական ​​գանձարան» գործակալությունից, հոկտեմբերի 31-ից նոյեմբերի 6-ը սահմանվել են թանկարժեք մետաղների հետևյալ գները` մեկ գրամ ոսկու վաճառքի գինը - 19398,63 դրամ (շաբաթվա աճը` 0.5%), արծաթ – 269.69 դրամ է (շաբաթական աճը`0.5%), պլատինիում – 14649.98 դրամ (շաբաթվա աճը` 2.4%), պալադիում - 9568,59 դրամ (շաբաթվա անկումը`1.5%):

Տարեսկզբից թանկարժեք մետաղները Հայաստանում թանկացել են 14.5%, մասնավորապես, ոսկին` 16.5%, արծաթը` 22.2%, պլատինը` 8.3%, իսկ պալադիումը` 10.9%: