ՀԾԿՀ ղեկավար. Բնակչության սոցիալապես անապահով խավերի համար կսահմանվեն էլեկտրաէներգիայի ավելի ցածր սակագներ

Արմինֆո. Հայաստանի Հանրային ծառայությունները կարգավորող հանձնաժողովը, ձեռնամուխ լինելով սպառողների համար էլեկտրաէներգիայի սակագների վերանայմանը, օգտվել է իր օրենսդրական իրավունքից, նոյեմբերի 7-ին ՀՀ խորհրդարանում լրագրողներին հայտարարել է Հանձնաժողովի ղեկավար Ռոբերտ Նազարյանը:

Ինչպես պարզաբանել է Նազարյանը, ջերմային կայանների համար սակագների վերանայման վերաբերյալ լիզենզավորված անձի (Գազպրոմ Արմենիայի) հայտն ստանալուց հետո, ինչպես նաև ելնելով համակարգի ֆինանսական կայունության ապահովման անհրաժեշտությունից, Ռեգուլյատորն իրավունք ունի իր նախաձեռնությամբ սկսել  ծառայությունների սակագների վերանայման գործընթացը, ծառայությունների, որոնք տրամադրվում են երկրի էլեկտրաէներգետիկ համակարգի ընկերությունների կողմից, որոնք արտադրումն են էլեկտրաէներգիա, վերջնական սպառողին տրամադրելով համապատասխան ծառայություններ:

ՋԷԿ-երի համար 100 խոր.մետր գազի սակագների 15 դոլար իջեցման պայմաններում, ըստ Նազարյանի, առաջացել է նաև էլեկտրաէներգիայի սակագների վերանայման անհրաժեշտություն, համապատասխանեցնելով այն գազի գործող սակագներին: Միևնույն ժամանակ, ՀԾԿՀ-ն դժվարացել է ավանել, թե որքանով կիջնի սակագինը, քանի որ գնագոյացման վրա ազդում են նաև այլ գործոններ, մասնավորապես, նոր ֆինանսական տարվա մեկնարկը և հաջորդ տարվա էլեկտրաէներգիայի արտադրության ծավալները, ինչպես նաև կատարված որոշակի ներդրումները:

«Մենք արդեն գրավոր տեղեկացրել ենք բոլոր ընկերություններին, որ սկսել ենք վերանայման գործընթացը և առաջարկել ենք ներկայացնել իրենց պրոբլեմները, որպեսզի մենք կարողանանք հաշվարկել սակագինը»,-հայտարարել է Նազարյանը: Միևնույն ժամանակ, Հանձնաժողովի ղեկավարը հիշեցրել է, որ վարչապետի հանձնարարությամբ կձևավորվի առանձին սպառողական խումբ, որի համար ավելի էապես կիջնեն էլեկտրաէներգիայի սակագները: 15-20 օրում ՀԾԿՀ-ն նախատեսում է տեղեկություններ ստանալ էներգետիկ ընկերություններից, իսկ մինչև դեկտեմբերի վերջը վերանայել և հաստատել էլեկտրաէներգիայի սակագները, որոնք ուժի մեջ կմտնեն փետրվարի 1-ից:

Հիշեցնենք, որ նոյեմբերի 4-ին ՀԾԿՀ-ն հայտարարեց էլեկտրաէներգիայի սակագների վերանայման գործընթացի մեկնարկի մասին`«Գազպրոմ Արմենիա» ընկերության հայտն ստանալուց հետո, որն առաջարկում էր բազային սակագներն իջեցնել 5.2-6%, ինչպես նաև ձևավորել սպառողների նոր արտոնյալ խմբեր: «Գազպրոմ Արմենիան» առաջարկում է ամսական մինչև 10 հազար խմ սպառում ունեցողների համար գազի սակագինն իջեցնել մինչև 139 հազար դրամ (292 դոլար), 10 հազար խմ և ավելի սպառում ունեցողների համար`242.1 դոլար, ընդ որում, յուրաքանչյու հաջորդ հազար խմ-ն նրանց համար կարժենա 212 դոլար: Սակայն այդ արտոնությունները չեն տարածքվի ավտոլցակայանների, բյուջետային կազմակերպությունների և ՋԷԿ-երի վրա: Բացի այդ, ընտանեկան կամ սոցիալական նպաստ ունեցող սպառողները, որոնք տարեկան սպառում են մինչև 600 խմ գազ, հազար խմ գազի դիմաց կվճարեն 100 հազար դրամ (մոտ 210 դոլար): Ջերմոցային տնտեսությունների համար նոյեմբերի 1-ից մինչև մարտի 31-ը գազի գինն առաջարկվում է սահմանել 212 դոլար 1000 խմ դիմաց: «Գազպրոմ Արմենիան» խոսք է տալիս անհատական կարգով քննարկել գազի գինը նոր խոշոր սպառողների համար: Էլեկտրաէներգիայի սակագնի վերջին վերանայումը տեղի էր ունեցել 2016 թվականի հունիսի 24-ին: Այն ժամանակ ՀԾԿՀ-ն որոշեց վերջնական սպառողի համար սակագինն իջեցնել 2.58 դրամով կամ 5.9%: 2016 թվականի օգոստոսի 1-ից ցերեկային սակագինը սահմանվեց 46.20 դրամ, իսկ գիշերային սակագինը` 36.20 դրամ: Այնուամենայնիվ, գազի և էլեկտրաէներգիայի սակագները շարունակում են մնալ ամենաբարձրը տարածաշրջանում: Իր նշանակումից անմիջապես հետո վարչապետ Կարեն Կարապետյանը հայտարարեց գազի և էլեկտրաէներգիայի սակագների վերանայման անհրաժեշտության մասին: Վարչապետը կոչ արեց հավասարակշռել սակագների ազդեցությունը բնակչության սոցիալապես անապահով խավերի համար, ինչպես նաև ապահովել սակագների խթանիչ ազդեցությունը բիզնեսի զարգացման վրա, հատկապես գյուղատնտեսության և վերամշակման արդյունաբերության ոլորտներում: