Երկուշաբթի, 7 Նոյեմբերի 2016 18:09

Արմինֆո. Beeline-ը «Հայրենիքի դարպասներե սոցիալական հասարակական կազմակերպության հետ համատեղ սահմանամերձ գյուղերի երեխաների և պատանիների համար կազմակերպեցին շրջայց Beeline-ի Կապի թանգարան, Հաճախորդների սպասարկման կենտրոն, ինչպես նաև Երևանի «Թումոե ստեղծարար տեխնոլոգիաների կենտրոն։

Շրջայցը կազմակերպվեց Beeline-ի, «Հայրենիքի դարպասներե ՀԿ–ի և «Թումոե ստեղծարար տեխնոլոգիաների կենտրոնի համատեղ ծրագրի շնորհիվ, որի շրջանակում ավելի քան 70 երեխա Տավուշի մարզի 12 սահմանամերձ համայնքներից 2015թ–ից ի վեր այցելում են Դիլիջանում գտնվող  «Թումոե կենտրոն և մասնակցում անիմացիայի, ֆիլմերի, խաղերի ստեղծման, կայքերի մշակման և գրաֆիկական դիզայնի դասընթացների։

Beeline Կապի թանգարանում աշակերտները ծանոթացան Հայաստանում կապի զարգացման պատմությանը, մեր երկրում ներդրված կապի ժամանակակից տեխնոլոգիաներին,  ինչպես նաև հայ կապավորների կյանքի հետաքրքիր էջերին։ Պատանիները նաև ծանոթացան ընկերության հաճախորդների սպասարկման կենտրոնի օպերատոների աշխատանքներին։

«Beeline–ը շարունակում է իրականացնել այնպիսի ծրագրեր, որոնք օգնում են երիտասարդներին իրենց ուժերով փոխել կյանքը դեպի ավելի լավը։ Այսօր դուք կբացահայտեք Հայաստանում կապի զարգացման պատմության մասին շատ հետաքրքիր փաստեր, կիմանաք հայ կապավորների գործած սխրանքների մասին և գործնականում կծանոթանաք օպերատորների աշխատանքներին։ Վստահ եմ, որ այսօրվա ծրագիրը կօգնի ձեր ապագա մասնագիտության ընտրության հարցումե, - նշել է Հայաստանում Beeline-ի Գլխավոր տնօրեն Անդրեյ Պյատախինը:

«Գաղտնիք չէ, որ պատանիներն ու երիտասարդները երկրի ապագան են ու նաև ներկան: Մենք շատ ենք փորձել և փորձում սահմանամերձ գյուղերում ինչ-որ բան անել, բայց ոչ ոք դա չի կարող անել ավելի լավ, քան այդ գյուղերում մեծացած և ապրող երիտասարդները: Դրա համար շատ կարևոր է նրանց տալ հնարավորություն նոր բաներ սովորել և օգնել սովորածն օգտագործել ի շահ իրենց և իրենց գյուղերի: Մի հին ասացվածք կա` եթե մեկ տարվա պլաններ ես կապում` ծառ տնկիր, եթե հարյուր տարվա` երիտասարդներին կրթություն տուրե, - նշել է «Հայրենիքի դարպասներե սոցիալական հասարակական կազմակերպության նախագահ Արման Հայրապետյանը:

Հյուրերը շրջեցին Երևանում գտնվող «Թումոե կենտրոնում, ծանոթացան ուսանողների և նրանց աշխատանքների հետ։ «Մենք շատ ենք կարևորում այս ծրագիրը և ցանկանում ենք, որ երեխաները մեր կենտրոնում ձեռք բերեն հնարավորինս շատ գիտելիքներ և հմտություններ։ Այն կօգնի նրանց ընդլայնել իրենց աշխարհայացքը, բացահայտել իրենց ներուժը, ինչպես նաև կօգնի  ժամանակակից մասնագիտություններ ձեռք բերելու հարցումե,– նշել է «Թումոե ստեղծարար տեխնոլոգիաների կենտրոնի հաղորդակցության բաժնի ղեկավար Զառա Բուդաղյանը։

Նշենք, որ Beeline-ը և «Հայրենիքի դարպասներե սոցիալական հասարակական կազմակերպությունը համագործակցում են 2013 թ.-ից ի վեր և «Հայրենիքի դարպասներե ծրագրի շրջանակում իրականացրել են «Երկու օր հեքիաթումե և նվերներ «Երվանդաշատ գյուղի երեխաներինե ծրագրերը` ուղղված սահմանամերձ գյուղերի սոցիալական խնդիրների լուծմանը: 2014 թ. համագործակցության շրջանակում Տավուշի մարզի Չինարի և Ոսկեպար սահմանամերձ գյուղերում կառուցվել են խաղային ու սպորտային հրապարակներ: Իսկ 2015 թ. «Սահմանամերձ գյուղերի երեխաները Թումոյումե ծրագրի շրջանակում 6 ամիս շարունակ յուրաքանչյուր շաբաթ Տավուշի մարզի 6 սահմանամերձ գյուղերի երեխաներ այցելեցին Դիլիջանում գտնվող Թումո ստեղծարար տեխնոլոգիաների կենտրոն: