Արմինֆո. Գազի սակագների վերանայման մասին որոշումն ընդունվել է բացառապես քաղաքական նկատառումներով: Այս մասին նոյեմբեր ի 8-ին լրագրողներին հայտարարել է Հայ ազգային կոնգրեսի անդամ, տնտեսագետ Վահագն Խաչատրյանը:
Ըստ փորձագետի, էլեկտրաէներգիայի սպառումը 9 ամիսներին կրճատվել է 7%: Նույն իրավիճակն է տիրում նաև գազի սպառման ոլորտում, որը 2015 թվականին կրճատվել է 100 մլն.խ.մ-ով, իսկ 2016-ին կկրճատվի 60-100 մլն.խ.մ-ով, նշել է փորձագետը: Ընկերության հիմնավորումները, որ սակագների իջեցոմով կավելանան սպառման ծավալները, նույնպես չեն դիմանում քննադատությանը:
Ըստ փորձագետի, սպառման ծավալների նվազումը կապված է միգրացիայի և բնակչության կրճատման, այլ ոչ թե գազի բարձր սակագնի հետ: Նրա խոսքով, եթե ՀԾԿՀ և Գազպրոմը հնարավոր վերանայման մասին հայտարարեին 2016 թվականի հունվարի 1-ից, երբ վերանայման համար, իրոք, կային օբյեկտիվ գործոններ – էներգակիրների համաշխարհային գների 2.5 անգամ նվազումը և ռուբլու արժեզրկումը, ապա կարելի էր հավատալ ընկերության «բարի մտադրություններին»: Բայց այսօր, ըստ փորձագետի, այդ քայլն արդեն ուշացած է, ոչ ճշմարտացի և քաղաքականապես մոտիվացված: «Միակ ենթադրությունը, որը կարող է դրվել վերանայման գործընթացի նախաձեռնության պատառների վերլուծության հիմքում – առաջիկա ընտրություններն են»,-հայտարարել է նա:
Փորձագետը կիսվել է իր մտահոգություններով: Ըստ մոտավոր հաշվարկների, հայտարարել է նա, սակագնի նախատեսվելիք իջեցման մեջ Գազպրոմ Արմենիան կկորցնի 14-15 մլրդ.դրամ: «Հնարավոր է, որ ընտրություններից հետո, հաջորդ տարվա կեսերին, ՀԾԿՀ-ն հայտարարի, որ ընկերությունը հայտ է ներկայացրել սակագինը դեպի բարձրացում վերանայելու մասին, քանի որ կրում է վնասներ»,-հայտարարել է Խաչատրյանը: Նա նշել է, որ չի հավատում «բարի Ձմեռ պապիկներին» և ռուսաստանյան Գազպրոմի պատրաստկամությանը` սակագնի իջեցման հետ կապված բոլոր ռիսկերն իր վրա վերցնելու առումով: «Նման նվերները կարող են վատ վերջանալ – ինչպես 2014 թվականին, երբ Հայաստանը Ռուսաստանից ստանում էր էժան գազ, բայց հետո պարզվեց, որ պարտք է 300 մլն.դոլար`տարբերությունը»,-հիշեցրել է Խաչատրյանը:
Նրա կարծիքով, իշխանությունը հավանաբար վերլուծել է բնակչության հրատապ խնդիրները և որոշել ընտրությունների նախաշեմին սիրաշահել բնակչությանը: «Նրանք տեսնում են, թե ինչին են մարդիկ արագ արձագանքում – բենզին, շաքար, բանան, ավտոկայանատեղեր, դրա համար էլ որոշել են ինչ-որ ժամանակով դրանք ուղղել: Բայց այդ ամենը շատ է նման նախընտրական քարոզարշավի»,-եզրափակել է Խաչատրյանը:
Հիշեցնենք, որ «Գազպրոմ Արմենիա» ընկերությունը, ըստ իր կողմից հրապարակված հայտի, առաջարկում է ամսական մինչև 10,0 հազար խորանարդ մետր սպառում ունեցող սպառողներին վաճառվող յուրաքանչյուր հազար խորանարդ մետր բնական գազի սակագինը` 139 հազար դրամ (292 դոլար): Ամսական 10,0 հազար խորանարդ մետր և ավելի սպառում ունեցող սպառողներին առաջարկվում է 242.1 դոլար, իսկ վաճառվող յուրաքանչյուր հազար խորանարդ մետր բնական գազի դիմաց` 212 դոլար: Ընդ որում, արտոնությունները չեն տարածվի ավտոլցակայների, բյուջետային կազմակերպությունների և ՋԷԿ-երի վրա: Բացի այդ, ընտանեկան կամ սոցիալական նպաստի իրավունք ունեցող սպառողներին (նոր սպառողական խումբ) տարեկան մինչև 600 խորանարդ մետր բնական գազի համար՝ վաճառվող յուրաքանչյուր հազար խորանարդ մետր բնական գազի սակագինը 100000 դրամ՝ ներառյալ ավելացված արժեքի հարկը: Նախորեին ՀԾԿՀ հայտարարեց, որ ռուսաստանյան «Գազպրոմ» ընկերություն, իր վրա է վերցնում գազի սակագնի իջեցման հետ կապված բոլոր ռիսկերը: