Արմինֆո. Հայաստանի սպառողական շուկայում 2016 թվականի հոկտեմբերին արձանագրվել 0.5% գնաճ, ինչը պայմանավորված է եղել ոչ պարենային ապրանքների 1.1%, պարենային ապրանքների`0.6% թանկացումներով, իսկ ծառայությունների սակագները մնացել են անփոփոխ: 2016-ի հունվար-հոկտեմբերին 3,1% գնանկումը պայմանավորված էր պարենային ապրանքների`5,3% և ոչ պարենային ապրանքների`2,4% էժանացումով, իսկ ծառայությունների սակագները նվազել են 0.7%: Ինչպես ԱրմԻնֆո գործակալությանը տեղեկացվել է ՀՀ Ազգային վիճակագրական ծառայությունից, սպառողական գների միջին ամսական անկումը հունվար-հոկտեմբերին կազմել է 0,3%, նախորդ տարվա 02.% անկման փոխարեն: 2016-ի հունվար-հոկտեմբերին 2015 թվականի հունվար-հոկտեմբերի համեմատ սպառողական գների ինդեքսը կազմել է 98.5%, այդ թվում, պարենային ապրանքներինը`96.5%, ոչ պարենային ապրանքներինը` 97.7%, իսկ ծառայությունների սակագներինը`102.1%, իսկ 2016-ի հոկտեմբերին, 2015-ի հոկտեմբերի համեմատ համապատասխանաբար կազմել են` 99,1%, 98,7%, 96,4% և 101.3%:
Ըստ վիճակագրության, պարենային ապրանքների շուկայում հոկտեմբերի գնաճը (0.6%, այդ թվում`ոգելից խմիչքը և ծխախոտը), հիմնականում պայմանավորված էր ձկնեղենի, բուսական և կենդանական ծագում յուղերի, ձվի, շաքարավազի և բանջարեղենի 0,7-6,2% թանկացումներով: 13 ուսումնասիրված ապրանքային խմբերից 9-ում հաշվետու ամսվա ընթացքում հայտնաբերվել գների 0,2-6,2% աճ, 3-ում`1,1-0,1% անկում, իսկ մեկ խմաբում գները մնացել են անփոփոխ: Մասնավորապես, բանջարեղենի խմբում հոկտեմբերին առավել զգալիորեն թանկացել են`լոլիկը - 53.5%, սմբուկը - 31.9%, կանաչ պղպեղը - 31,4%, վարունգը - 30.2%, սխտորը - 23.3%, կանաչ սոխը - 23.2%, կանաչին - 19,3% և կանաչ լոբին - 5,1%: Դրան զուգահեռ էժանացել են` գազարը - 21,3%, կաղամբը - 15.2%, սոխը - 13,7%, ծաղկակաղամբը - 12%, բազուկը - 11,8%, կարտոֆիլը - 5,8 %, սունկը - 0.3%: Մայրաքաղաք բանջարեղենը հոկտեմբերին թանկացել է 4,8%: Մրգերից հոկտեմբերին առավել լթանկացել են` սալորը - 47.6%, դեղձը - 34.3%, խնձորը - 17.9%, խաղողը - 7.9%, իսկ դրան զուգահեռ էժանացել են`նուռը - 51.1%, արքայախնձորը - 36.5%, կիտրոնը - 21.7%, նարինջը - 12.4%, տանձը - 9.2%, ձմերուկը - 5,1% և ընկույզը - 4,2%:
Շաքարավազ հոկտեմբերին թանկացել է 2,9% (տարեկան աճը`12,9%), ընդ որում, միայն մայրաքաղաքում - 2,6%: Ձուն հոկտեմբերին միջին հաշվով թանկացել է 0,9% (տարեկան աճը`14,1%), իսկ միայն մայրաքաղաքում - 0.8%: Ձկնեղենը հոկտեմբերին թանկացել է 0,7% (տարեկան անկումը`3.6%), պայմանավորված է իշխանի 1.1% թանկացումով: Բուսական և կենդանական ծագումով յուղերը հոկտեմբերին թանկացել են 0,7% (տարեկան անկումը` 2%), ինչը պայմանավորված էր կարագի 1.4% թանկացումով: Մսամթերքը հոկտեմբերին թանկացել է 0,2% (տարեկան անկումը`2.9%), մասնավորապես, խաշի ատրիբուտները թանկացել են 11.5%, նրբերշիկը - 2%, բաստուրման - 1,4%, երշիկը - 0.5%, իսկ դրան զուգահեռ էժանացել են`ոչխարի միսը - 1,2%, տավարի միսը - 1,1%, թռչնի միսը - 0,7%, հավի բուդը - 0,6%, խոզի միսը - 0.5%, առաջին տեսակի կիսաապխտած երշիկը - 0.5%: Կաթնամթերքը հոկտեմբերին թանկացել է 0,2%, խմիչքը և ծխախոտը`0.9% (կապված ծխախոտի 1,8% թանկացման հետ): Ալյուրը, հացը և ըմպելիքները հոկտեմբերին էժանացել են 1,1-0,1%, իսկ սուրճի, թեյի և կակաոյի գինը չի փոխվել:
Ոչ պարենային ապրանքների խմբում հոկտեմբերին գների 1.1% աճը հիմնականում պայմանավորված էր հագուստի և տրիկոտաժե ապրանքների - 6.4%, կոշկեղենի - 5.9%, կոսմետիկայի - 1.5%, գրենական պիտույքների և արվեստի գործերի - 1.1% թանկացումներով: 0.1-0.9% թանկացել են կենցաղային տեխնիկան, խոհանոցային սպասքը, գորգերը և զարդերը: Դրան զուգահեռ, 0.2-1% էժանացել են լվացող միջոցները, վառելիքը, դեղորայքը, կահույքը և այգեգործական գործիքները, իսկ տեքստիլի ու շինանյութերի գները չեն փոխվել: Բենզինը և դիզելային վառելիքը հոկտեմբերին համապատասխանաբար էժանացել են 3,2% և 1,7% (տարեկան էժանացումը` 14,7-20,8%), իսկ հունվար-հոկտեմբերին բենզինն էժանացել է 12,2%, իսկ դիզելային վառելիքը`19%: Ոչ պարենային ապրանքների ամենամեծ թանկացումն արձանագրվել է մայրաքաղաքում - 1.6%:
Ինչ վերաբերում է ծառայությունների սակագներին, ապա հոկտեմբերին դրանց անփոփոխ մնալու հետ միասին թանկացել են սակագները հանգստի կազմակերպման ոլորտում`0.4%, տրանսպորտի` 0.2%, մշակույթի` 0,1% ոլորտներում, իսկ էժանացել են ծառայություններն առողջապահության ոլորտում`0,5%,իսկ բնակարանային-կոմունալ ծառայությունների, հաղորդակցության, կրթության, հանրային սննդի, իրավական և բանկային ոլորտներում մնացել են անփոփոխ:
Նկատենք, որ Հայաստանի սպառողական շուկայում 2015-ի հոկտեմբերին արձանագրվել էր 0.4% գնանկում, ինչը պայմանավորված էր պարենային ապրանքների`1.4% էժանացումով, ոչ պարենային ապրանքների`1% թանկացումով և ծառայությունների սակագների 0.1% աճով: 2015-ի հունվար-հոկտեմբերին գնանկումը կազմել էր 2.4%, պայմանավորված պարենային ապրանքների 7.5% էժանացումով (բացառությամբ ոգելից խմիչքի և ծխախոտի), իսկ ոչ պարենային ապրանքները թանկացել էին 4.7%, ծառայությունների սակագները`1,2%: 2015-ի հունվար-հոկտեմբերին, 2014-ի հունվար-հոկտեմբերի համեմատ, սպառողական գների ինդեքսը կազմել էր 104.4%, այդ թվում, պարենային ապրանքներինը`104.1%, ոչ պարենային ապրանքներինը`105,9%, ծառայությունների սակագներինը`103.1%, իսկ 2015 թ. հոկտեմբերին 2014-ի հոկտեմբերի համեմատ, համապատասխանաբար կազմել են`101.9%, 99.4%, 105.8%, և 101,7%: Սպառողական գների միջին ամսական անկումը 2015-ի հունվար-հոկտեմբերին կազմել էր 0,2%, նախորդ տարվա 0.02%-ի փոխարեն:
Ալեքսեյ Մելնիկով. ՀԿԵ-ն թողունակության բավականին լուրջ պաշար ունի
Հայաստանում դոլարային հիփոթեքի արգելքը՝ սպառողի շահերի պահապան թե բանկային շահերի լոբբինգ. Կարեն Զաքարյան
Փաշինյանի կառավարությունը ոչ մի առնչություն չունի տնտեսական աճի հետ. Սուրեն Պարսյան
ԵԱՏՄ երկրներ ավտոմեքենա վաճառելիս ՊԵԿ-ի տեղեկանքները չեղարկվել են
Հայաստանի տնտեսությունն անառողջ է. տնտեսագետն առաջարկում է առկա խնդիրների լուծման եղանակներ
ԱԶԲ պատվիրակությունն այցելել է Հյուսիս-Հարավ ճանապարհային միջանցքի Սիսիան-Քաջարան հատված
Հայաստանի բանկերի միության խորհրդի նախագահ է ընտրվել Մհեր Անանյանը