Երեթշաբթի, 15 Նոյեմբերի 2016 17:54

Արմինֆո. Հայաստանի կառավարությունը եվրաբոնդերի հերթական թողարկումը նախատեսում է մինչև 2020 թվականը: Ինչպես ԱրմԻնֆո-ի թղթակցին հայտարարել է ՀՀ ֆիանսների փոխնախարար Ատոմ Ջանջուղազյանը, եվրապարտատոմսերի հերթական էմիսիան դիտարկվում է երկրի պետական պարտքի հաջող կառավարման համատեքստում:

Հայաստանը 2013 թվականի սեպտեմբերի 19-ին առաջին անգամ է թողարկեց եվրոպարտատոմսերը: Էմիաիայի ծավալը կազմեց $ 700 մլն, մարման ժամկետը`7 տարի, իսկ եկամտաբերությունը`6.25%: Դրանով կառավարությունը ժամկետից շուտ մարեց Ռուսաստանից վերցրած $ 500 մլն վարկը: Հիմնական  անդերռայթերն էին` Deutsche Bank AG, London Branch, HSBC Bank plc և J.P.Morgan Securities plc: Ըստ ֆինանսների նախարարության տվյալների, թողարկումից հետո պարտատոմսերի նկատմամբ պահանջարկը մի քանի անգամ գերազանցեցդ թողարկման ծավալը, հասնելով $ 3 մլրդ-ի: Ընդ որում, եկամտաբերությունը 2013-ի սեպտեմբերին նվազեց 6.25% -ից մինչև 5,85-5,8%, կազմելով մոտ $ 56 մլն:

$500 ծավալով սուվերեն պարտամսերի երկրորդ տրանշը, 10 տարի ժամկետով և 7.5% եկամտաբերությամբ, տեղի ունեցավ 2015 թվականի մարտի 19-ին: Մուտքերը կազմեցին $487 մլն.: Գումարի մի մասը` $205 մլն.-ը ուղղվեց առաջին էմիսիայի գնմանը, որի մարումը նախատեսված է մինչև 2020 թվականը: Մնացած գումարը փոխանցվեց ՀՀ գանձապետարանին և երկրի բյուջետային համակարգին: Ըստ փորձագետների, դա, ըստ էության, ամենամեծ պարտքն էր, որը երբևէ ներգրավել էր երկրի կառավարությունը:

Ըստ Ատոն Ջանջուղազյանի, եվրապարտատոմսերի երկրորդ թողարկումն ամենահաջողվածն էր: Փոխնախարարը վստահ է, որ եթե չլիներ $200 մլն-ի գնումը 2015 թվականին, Հայաստանի պետպարտքի սպասարկումը 2020 թվականին կկազմեր $921 մլն., և նույնքան գումար էլ անհրաժեշտ է ուղղել 2016 թվականի հոկտեմբերի 31-ի դրությամբ կուտակված պետպարտքի սպասարկմանը, իսկ $921 մլն.պլյուս $200 մլն-ն «իսկական մղձավանջ է դարձել է բյուջեի համար»: Միևնույն ժամանակ, եվրապարտատոմսերի հերթական թողարկման համար անհրաժեշտ է ընտրել ճիշտ պահը: Եթե այդ պահին պարտքի և ՀՆԱ հարաբերակցությունը կազմի 90%, ապա եկամտաբերության հարցը կլինի վտանգի տակ: Եվ հակառակը, դրական մակրոտնտեսական ցուցանիշների ապահովման դեպքում պարտքը կտրամադրվի ավելի ցածր տոկոսներով: Ըստ փոխնախարարի, ուսումնասիրելով շուկան, կարելի է ընտրել տեղաբաշխման հարմար պահը, անհրաժեշտ ծավալը և հնարավոր ուղիները:

Նշենք, որ ՀՀ կենտրոնական բանկի տվյալներով, հայկական եվրապարտատոմսերի գործարքների ծավալը երկրորդային շուկայում 2015 թ. կազմեցին 110.36 մլն դոլար, միջին եկամտաբերությունը`6.46%: Ընդ որում, 2015 թվականի սկզբին հայկական  պարտատոմսերն ընդհանուր առմամբ թանկացան, եկամտաբերությունը կազմեց 6-6,4%, իսկ տարեվերջին արժեզրկվեցին մինչև 7%: 2016-ի սկզբին, Հայաստանում  դոլարի փոխարժեքի աճի ֆոնի վրա, արժեզրկման միտումները պահպանվեցին 7% մակարդակում: Սակայն, մինչև մարտը, ազգային արժույթի ամրապնդման համատեքստում, եվրոպարտատոմսերն սկսեցին թանկանալ, միջին եկամտաբերությունը կազմեց 6,44%: Ապրիլի 5-ին Bloomberg գործակալությունը նշեց, որ Հայաստանի եվրապարտատոմսերի մարման գինը մինչև 2020 թվականն Ադրբեջանի կողմից սանձազերված ապրիլյան պատերազմի երկրորդ օրն ընկան, իսկ եկամտաբերությունն աճեց 16 կետով, մինչև 6.52%: Միևնույն ժամանակ, ընթացիկ տարվա սկզբից եվրապարտատոմսերի և պետական ​​պարտատոմսերի եկամտաբերությունը նվազեցին`անկախ ապրիլյան իրադարձություններից: