Չորեքշաբթի, 16 Նոյեմբերի 2016 13:51
Նաիրա Բադալյան

Ռիչարդ Միլս. Հանքարդյունաբերության ոլորտն իրական հնարավորություններ ունի Հայաստանի համար

Ռիչարդ Միլս. Հանքարդյունաբերության ոլորտն իրական հնարավորություններ ունի Հայաստանի համար

Արմինֆո. Նոյեմբերի 16-ին ՀՀ-ում ԱՄՆ դեսպանատունը ՀՀ տնտեսական զարգացման և ներդրումների նախարարության,  ՀՀ էներգետիկ ենթակառուցվածքների և բնական պաշարների նախարարության ու ԷյչԷսԲիՍի բանկի հետ համատեղ կազմակերպել էր մեկօրյա բիզնես-համաժողով՝ կենսունակ  հանքարդյունաբերության հարցերի շուրջ: Համաժողովի նպատակը կապերի ձևավորումն էր Հայաստանի հանքարդյունաբերողների ու ամերիկյան հայտնի ընկերությունների միջև, որոնք առաջարկում են այնպիսի ապրանքներ ու ծառայություններ, որ մեծացնում են հանքարդյունաբերության արդյունավետությունը, աշխատողների անվտանգությունը և օգնում բնապահպանական հարցերում: Ինչպես ԱրմԻՆֆո-ին հաղորդեցին ԱՄՆ դեսպանատան մամուլի ծառայությունից, համաժողովին մասնակցել են 7 ամերիկյան առաջատար ընկերությունների և 35 հայկական հանքարդյունահանող ընկերությունների ներկայացուցիչներ:

 

Համաժողովը միտված էր Միացյալ Նահանգների և Հայաստանի միջև առևտրային բնույթի հարաբերությունների ամրապնդմանը՝ Հայաստանի հանքարդյունահանողներին ներկայացնելով առաջատար ամերիկյան ընկերություններին, իսկ ամերիկյան ընկերություններին հնարավորություն ընձեռելով ներկայացնել տեխնոլոգիաների ասպարեզում իրենց նորագույն տեսականին:

 

«Հանքարդյունահանումը, եթե կատարվում է պատասխանատու ու թափանցիկ կերպով և միջազգային բնապահպանական ու սոցիալական ամենաբարձր նորմերին համահունչ, կարող է լինել հաջող և շահավետ   ներդրում Հայաստանի ժողովրդի համար: Կենսունակ հանքարդյունահանումը՝ նորագույն տեխնոլոգիաների ու սարքավորումների կիրառմամբ անվտանգ կլինի անքարդյունաբերության աշխատողների համար ու հնարավորություն կտա ապահովելու Հայաստանի բնության պահպանությունը», - ասել է դեսպան Միլսն իր բացման խոսքում: 

 

Մեկօրյա այս համաժողովի ընթացքում ամերիկյան ընկերությունները կարողացել են պատկերացում կազմել ՀՀ կառավարության ու տեղի գործարարների նպատակների ու գերակայությունների մասին, ինչպես նաև ծանոթանալ բազմակողմ ֆինանսական հաստատությունների և բիզնես դաշտի հիմնական դերակատարների տեսակետներին:

 

«Այսօր մեր ուշադրության կենտրոնում հանքարդյունաբերության ոլորտն է, քանի որ ինչպես գիտեք, դա Հայաստանի տնտեսության առաջատար ճյուղերից մեկն է, որը զգալի մասնաբաժին ունի երկրի ՀՆԱ-ում և արտահանման մեջ: Այս ոլորտն իրական հնարավորություններ ունի Հայաստանի համար, իսկ այդ հնարավորությունները սոսկ թղթի վրա ամրագրված գաղափարներ չեն. կան հաջող անքարդյունաբերությամբ զբաղվող ձեռնարկություններ, որոնք արդեն գործում են և ձգտում ընդլայնել իրենց գործունեությունը: Մենք ուզում ենք, որ նրանք աճ ունենան և միաժամանակ պահպանվի երկրի բնական գեղեցկությունը, ներդրումներ կատարվեն այն համայնքներում, որտեղ արդյունահանում են իրականացնում, և ապահովվի աշխատուժի պաշտպանվածությունը», - հայտարարել է  դեսպան Միլսը:

 

Իրենց ապրանքներն ու ծառայությունները ներկայացնելու համար Հայաստան ներկայացուցիչներ էին գործուղել 7 ամերիկյան կորպորացիաներ՝ Մոդյուլար մայնինգ սիսթեմզ, Ջեներալ էլեքթրիկ, Կատերպիլար/Զեպպելին, ԱյԲիԷմ, Հանիվել, Տեռա սորս գլոբալ և Դոու: Մեկօրյա համաժողովի ընթացքում եղել են նաև զեկուցումներ ՎԶԵԲ-ի Հայաստանյան գրասենյակի, ԷյչԷսԲիՍի բանկի, Լիդիան ինթերնեյշնլի և ՀՀ կառավարության պաշտոնյաների կողմից:

 

Ավելացնենք, որ 2016 թվականի հունվար-սպետեմբեր ամիսներին Հայաստանի արդյունաբերական արտադրանքի ծավալը նախորդ տարվա նույն ժամանակահատվածի համեմատ ավելացել է 7,1%-ով (մեկ տարվա վաղեմության 4,8% աճի դիմաց)` կազմելով 1 տրլն դրամ: Որպես դինամիկայի արագացման հիմնական դրայվեր ավանդաբար հանդես է գալիս հանքարդյունաբերության ոլորտը: 2016 թվականի հունվար-սեպտեմբեր ամիսներին 2015 թվականի նույն ժամանակահատվածի համեմատ հանքարդյունաբերության և բաց հանքերի մշակման ոլորտում արձանագրվել է  13,7% աճ (մեկ տարվա վաղեմության 40,5% աճի դիմաց)` մինչև 188.4 մլրդ դրամ: 2015 թվականի հունվար-դեկտեմբեր ամիսներին հանքարդյունաբերության ճյուղի ծավալը կազմել է 221,2 մլրդ դրամ`  50,4% տարեկան աճով: Հայաստանի ՀՆԱ-ում այդ հատվածը մեկ տարում ապահովել է 5032,1 մլրդ դրամ կամ ՀՆԱ 4,4%:

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ
Ներմուծեք թվանշաններն     


Նորություններ
iDram
btn

Արտ. փոխարժեքները
24.09.2020
RUB6.28-0.08
USD485.32-0.10
EUR565.06-3.56
GBP618.490.36
CAD362.13-2.35
JPY46.06-0.18
CNY71.34-0.06
CHF524.33-3.70



Փնտրել ըստ օրերի

Պետական պարտատոմսեր

Issue volume

10 billion

Volume of T-bills for placement

200 million

Volume of submitted competitive applications

200 million

Volume of satisfied bids

200 million

Yield at cut-off price

 5.8314%

Maximum yield

 5.8314%

Мinimum yield

 5.8314%

Weighted average yield

 5.8314%

Number of participants

2

The maturity date of T-bills

03.02.2020

ArmEx

 

СПРОС (Покупка)

USD

Средневзв. Цена

482,00

ПРЕДЛОЖЕНИЕ (Продажа)

  USD

Средневзв. Цена

-

СДЕЛКИ

USD

Цена откр.

482,00

Цена закр.

482,00

Мин. Цена

482,00

Макс. Цена

482,00

Ср/взв. Цена

482,00

-0,16

Кол-во сделок

1

Объем (инвал.)

200 000

0бъем (драм)

96 400 000