Հայաստանի տուրօպերատորները հանդես են գալիս ԱԱՀ մասին օրենքին դեմ, նոր Հարկային օրենսգրքի շրջանակներում

Արմինֆո. Եթե չվերացվի ԱԱՀ մասին օրենքը, որը հարկային բեռ է հանդիսաոնւմ Հայաստանի տուրօպերատորների համար, ապա կառավարական հատվածի հետ հետագա երկխոսությունը կորցնում է իմաստը: Նոյեմբերի 16-ին ՀՀ տնտեսական զարգացման և ներդրումների նախարար Սուրեն Կարայանի և նախարարության Զբոսաշրջության պետական կոմիտեի նախագահի ժամանակավոր պաշտոնակատար Զարմինե Զեյթունցյանի հետ հանդիպման ընթացքում նման կարծիք է հայտնել Ներգնա տուրօպերատորների միության տնօրեն Կարինե Դավոյանը, տուրինդուստրիայի զարգացմանը իրավական դաշտն անվանելով ոչ ադեկվատ:

Ի պատասխան նախարար Կարայանը խնդրել է հարցը քննարկել այդ թեմայով առանձին հանդիպման շրջանակներում, իսկ այսօրվա հանդիպումը նվիրել պրոբլեմների բացահայտմանը և մոտեցումների, ինչպես նաև  ուղղությունների սահմանմանը, որոնք կիրականացվեն զարգացման ընդհանուր ծրագրի շրջանակներում: Միևնույն ժամանակ, նախարարն համագործակցության և աջակցության պատրաստակամություն է հայտնել, հանձնարարելով ամեն ամիս կազմակերպել նման հանդիպումներ: «Մենք հատուկ կարևորոմ ենք պետություն-մասնավոր հատված ձևաչափով երկխոսությանը, որը կօգնի սահմանել ոլորտի զարգացման հիմնական ուղղությունները: Մենք տրամադրված ենք ագրեսիվ, քանի որ տուրիզմն այն ոլորտներից մեկն է, որն ապահովում է կայուն տնտեսական աճ»,-ընդգծել է նա:

Իր հերթին, Զբոսաշրջության պետական կոմիտեի նախագահի ժամանակավոր պաշտոնակատար Զարմինե Զեյթունցյանը նշել է, որ հետագայում հանդիպումներ կկազմակերպվեն բոլոր նրանց հետ, ովքեր ինչ-ինչ կերպ կապված են տուրինդուստրիայի հետ, մասնավորապես, հյուրանոցային բիզնեսի, ավիադրամարկղների, միջոցառումների կազմակերպման ներկայացուցիչների հետ: «Զբոսաշրջությունը կառավարության կողմից սահմանվել է որպես տնտեսության զարգացման ռազմավարական ոլորտ, ինչի համար էլ ստեղծվեց տուրիզմի գծով Կոմիտեն: Մենք պետք է համապատասխանեցնենք 21 դարի մարտահրավերներին, և մեր աշխատանքով երաշխավորենք ոչ միայն տուրիստական հոսքերի ավելացումը, այլ նաև բարելավենք բնակչության կենսամակարդակը, ներգրավելով ներդրումներ և ապահովելով կայուն տնտեսական աճ»,-հայտարարել է նա:

ԱրմԻնֆո գործակալության հետ զրույցում Ներգնա տուրօպերատորների միության տնօրեն Կարինե Դավոյանը հայտարարել է, որ ԱԱՀ մասին օրենքն ուղղակիորեն ազդում է դեպի Հայաստան տուրիստների ներհոսքին: Նրա խոսքով, դեպի Հայաստան տուրիստական փաթեթներ ձեռք բերողների թիվը միջին հաշվով կրճատվել է 30%: Եթե չհաջողվի փոխել Հարկային օերնսգիրքը, ապա տուրօպերատորներն էլ ստիպված կլինեն բարձարցնել փաթեթների գները, ինչն ավելի կկրճատի տուրիստների հոսքերը, նկատել է Կ.Դանիելյանը: «Ըստ պաշտոնական տվյալների, տարվա 9 ամիսներին հանրապետություն է այցելել ավելի քան 1 մլն.տուրիստ: Բայց պետք չէ մոռանալ, որ իրականում այդ ցուցանիշն ավելի փոքր է, քանի որ այդ միլիոնի մեջ են մտնում նաև նրանք, ովքեր Հայաստան են ժամանում աշխատանքային նպատակներով և որոշ ժամանակ մնում իրենց ազգականների մոտ, այլ ոչ թե ձեռք բերում տուրիստական փաթեթներ»,-ընդգծել է նա:

Ըստ ՀՀ Ազգային վիճակագրական ծառայության տվյալների, 2016 թվականի հունվար-սեպտեմբերին հանրապետություն է ժամանել 1 969 010.2 զբոսաշրջիկ, տարեկան աճը` 3,6%: Իսկ հանրապետությունից հաշվետու ժամանակահատվածում զբոսաշրջության նպատակով մեկնել է 903 541 մարդ, տարեկան աճը`3%: