Արմինֆո. ՀՀ տնտեսական զարգացման և ներդրումների նախարար Սուրեն Կարայանը հանդիպել է Եվրահանձնաժողովի Հարևանության և ընդլայնման հարցերով Գլխավոր Տնօրինության ներկայացուցիչների հետ: Պատվիրակության կազմում էին ԵՀ Հարևանության և ընդլայնման հարցերով Գլխավոր Տնօրինության Հայաստանի, Ադրբեջանի, Բելառուսի և Արևելյան գործընկերության հարցերով բաժնի ղեկավար Վասիլիս Մարագոսը, Արտաքին հարաբերությունների եվրոպական ծառայության Արևելյան գործընկերության երկկողմ բաժնի ղեկավարի տեղակալ Ադրիանո Մարտինսը, ՀՀ-ում ԵՄ պատվիրակության ղեկավար, դեսպան Պյոտր Սվիտալսկին և գրասենյակի այլ ներկայացուցիչներ:
Ինչպես ԱրմԻնֆո-ին հաղորդեցին գերատեսչության մամուլի ծառայությունից, նախարար Կարայանն իր խոսքում նշել է, որ կարևորում է ԵՄ-ի հետ համագործակցությունը և ակնկալում է այդ համագործակցության արդյունավետ շարունակությունն ու հետագա զարգացումը: Անդրադառնալով 2017-2020թթ. ԵՄ կողմից Հայաստանի Հանրապետությանը տրամադրվելիք աջակցությանը` նախարարը ներկայացրել է աջակցության առաջնային նախընտրելի ուղղությունները, հատկապես կարևորելով բիզնես միջավայրի և ՓՄՁ քաղաքականության, ինչպես նաև առևտրի դյուրացման ուղղությունները: Վերջիններս հատկապես կարևորվել են ՀՀ կառավարության կողմից ձեռնարկված տնտեսական բարեփոխումների համատեքստում, որոնք ուղղված են ՀՀ տնտեսությունում ներդրումների աճին, արտահանման խթանմանը, ՓՄՁ-ների միջազգայնացմանը և դրանց համար ֆինանսական հասանելիության բարելավմանը և արդյունքում՝ կայուն տնտեսական աճի ապահովմանը:
Վասիլիս Մարագոսը կարևորել է ՀՀ-ԵՄ նոր շրջանակային համաձայնագրի շուրջ ընթացող բանակցությունները` երկկողմ համագործակցության խորացման տեսանկյունից: Նա բարձր է գնահատել ՀՀ տնտեսական զարգացման և ներդրումների նախարարության դիրքորոշումը` 2017-2020թթ. Հայաստանին տրամադրվելիք աջակցության ուղղությունների վերաբերյալ: Վ. Մարագոսը կարևորել է նաև Փարիզում Եվրասիա Մրցունակության ծրագրի շրջանակներում անցկացվող Տնտեսական համագործակցության և զարգացման կազմակերպության (ՏՀԶԿ) «Եվրասիական շաբաթ» նախաձեռնությունն ու դրա շրջանակներում իրականացվող համագործակցությունը:
Նախարարի առաջին տեղակալ Գարեգին Մելքոնյանը, արդյունավետ գնահատելով Հայաստանում ՏՀԶԿ-ի գործունեությունը, ընդգծել է հայկական կողմի շահագրգռվածությունը «Եվրասիական շաբաթ» նախաձեռնության շրջանակներում համագործակցության շարունակականության վերաբերյալ և նշել, որ նախորդ տարիներին նախաձեռնության աշխատանքներին հայկական կողմից ակտիվ մասնակցություն է ցուցաբերվել:
Հանդիպման ընթացքում կարևորվել է նաև 2017թ. մեկնարկելիք Սևծովյան ավազանի երկրների անդրսահմանային համագործակցության ծրագրի նոր շրջափուլը:
Ողջ հույսն արտաքին գործոններն են, կամ՝ ինչու է Հայաստանի պետբյուջեն սկսել ճաքեր տալ
Հայաստանում արժեթղթերի թողարկմանն ու վարկանիշավորմանն աջակցության պետական ծրագրից օգտվել է ընդամենը երկու ընկերություն
Փորձագետ. Հարավային Կովկասում պետք է ձևավորվի միասնական շուկա ՝ առանց ռազմավարական գործընկերների
Չեխիան կարող է զբաղվել Երեւանի մետրոպոլիտենի արդիականացմամբ
Երևանը փորձում է անգլոսաքսոնական շեֆերին ցույց տալ Իրանի հետ տնտեսական համագործակցությունն էապես կրճատելու իր պատրաստակամությունը. Քաղաքագետ
"Նաիրի Ինշուրանս" ապահովագրական ընկերությունը հանդես է եկել "ԷՖԵՍ" ԱԸ անհիմն ինքնագովազդի դեմ