Արմինֆո. Հայաստանի արտարժույթի միջբանկային շուկայի ծավալը նոյեմբերի 14-18-ը 6 անգամ ավելացել է` մեկ շաբաթ առաջ գրեթե 2 անգամ անկումից հետո: Դրան զուգընթաց ներբանկային շուկայում դիտվել է արտարժույթների առք/վաճառքի տարբեր ուղղվածության դինամիկա, եվրոյով գործարքների էական աճ և ռուբլով գործարքների նկատմամբ հետաքրքրության աճ: Արդյունքում, ընթացիկ շաբաթ շարունակվել է դոլարի նկատմամբ դրամի արժեզրկումը` 477-ից մինչև 479 դրամ/դոլար, դիտվել է երժևորում եվրոյի նկատմամբ` 520-ից մինչև 509,5 դրամ/1եվրո, իսկ ռուբլու նկատմամբ դրամը պահպանել է իր դրքերը 7.4 դրամ/1ռուբլի մակարդակում: Մինչ այդ, հունվար-սեպտեմբերին, դրամը դոլարի նկատմամբ արժևորվել էր 482-ից մինչև 474 դրամ/դոլար մակարդակ, եվրոյի նկատմամբ արժեզրկվել էր 529-ից մինչև 532 դրամ/եվրո մակարդակ, իսկ ռուբլու նկատմամբ` 6.9-ից մինչև 7.5 դրամ/1ռուբլի մակարդակ, ինչից հետո հոկտեմբերին դիտվել է դոլարի նկատմամբ դրամի արժեզրկում մինչև 476 դրամ/1դոլար, եվրոյի նկատմամբ արժևորում մինչև 521 դրամ/1եվրո` ռուբլու նկատմամբ դիրքի պահպանմամբ 7.5 դրամ/1ռուբլի մակարդակում: Արտարժույթի բորսայական հարթակը տարեսկզբից հազվադեպ է գործել – մեկական գործարք մարտ-մայիս ամիսներին, մասնավորապես, մարտին`100 հազ.դոլար, ապրիլին` 2950 հազար դոլար և մայիսին`800 հազար դոլար, որից հետո կրկին հաջորդել է լռություն: Իսկ Կենտրոնական բանկը հունվար-օգոստոս ամիսներին արտարժույթի շուկայում դոլար է գնել ապրիլին (2.4 մլն.դոլար), հունիսին (50.2 մլն.դոլար) և օգոստոսին (19.8 մլն դոլար), և վաճառել է հունվարին (53.1 մլն.դոլար), փետրվարին (41.5 մլն.դոլար):
Ինչպես ԱրմԻնֆո գործակալությանը հաղորդել են ՀՀ կենտրոնական բանկի մամուլի ծառայությունից, արտարժույթի միջբանկային շուկան նոյեմբերի 14-18-ը ընկած ժամանակահատվածքում ավելացրել է ամենօրյա ծավալները, առավելագույն ծավալն արձանագրելով երեքշաբթի և ուրբաթ օրերին` 3-3.5 մլն դոլար, իսկ նվազագույնը` չորեքշաբթի` 900 հազար դոլար: Ընդհանուր հաշվով, մեկ շաբաթում արտարժույթի միջբանկային շուկայի շաբաթական ծավալը կազմել է 10.750 մլն դոլար (մեկ շաբաթ առաջ 1.8 մլն դոլարի դիմաց), միջին կշռված փոխարժեքը ձևավորելով 479.55 դրամ/1դոլարի մակարդակում (նախորդ շաբաթ` 478.57 դրամ/1դոլար): Դրան զուգահեռ, ներբանկային շուկայում դոլարի առքի ծավալի աճի տեմպերը դանդաղել են մինչև 5,9%` մեկ շաբաթվա վաղեմության 8,8%-ից. իսկ եվրոյի գնման դինամիկան կտրուկ է փոխվել է` 7,9% անկումից մինչև 64% աճ: Հաշվետու շաբաթվա ընթացքում դոլարի վաճառքի ներբանկային գործառնությունների անկումն արագացել է 6,8%-ից մինչև 11%, ինչի ֆոնին կտրուկ արագացել է ոեվրոյի վ աճառքի աճը` 18,6%-ից մինչև 67,8%: Ընդ որում ռուբլիով գործարքներում այդ ժամանակահատվածում արձանագրվել էառքի դինամիկայի բարելավում10,7% անկումից մինչև 10,4% աճ, իսկ ռուըբլու վաճառքի աճն արագացել է 2%-ից մինչև 10,4%: Արդյունքում` գնվել է 77.8 մլն.դոլար 478.15 դրամ/1դոլար միջին փոխարժեքով, 11.5 մլն.եվրո 515.07 դրամ/1եվրո փոխարժեքով և 947.1 մլն ռուբլի 7.28 դրամ/1ռուբլի միջին փոխարժեքով, և վաճառվել է 72.7 մլն.դոլար, 479.71 դրամ/դոլար միջին փոխարժեքով, 19.3 մլն.եվրո, 517.12 դրամ/եվրո միջին փոխարժեքով և 498.5 մլն. ռուբլի, 7.37 դրամ/ռուբլի միջին փոխարժեքով:
Աղբյուրի համաձայն, նախորդ շաբաթ (նոյեմբերի 7-12-ը) Հայաստանի բանկերի կողմից տրամադրվել են 44.7 մլրդ դրամի և 49.8 մլն դոլարի վարկեր: Շաբաթական դինամիկան դրսևորել է դրամային վարկերի անկման շարունակում, դոլարային վարկերի թրենդի բարելավման պայմաններում: Մասնավորապես, դրամով տրամադրված վարկերի ծավալն նվազել է 18,7%-ով, իսկ դոլարով տրամադրված վարկերի ծավալն աճել է 11,4%-ով, մինչդեռ մեկ շաբաթ առաջ արձանագրվել է համապատասխանաբար 37,5% և 19% անկում:
Հիշեցնենք, որ 2015 թվականին արտարժույթի մանրածախ շուկայում դրամը դոլարի նկատմամբ 477 դրամից թուլացավ մինչև 482 դրամ/դոլար մակարդակ, եվրոյի նկատմամբ` 571,5-ից մինչև 529 դրամ / եվրո մակարդակ, իսկ ռուսական ռուբլու նկատմամբ` 8.2-ից մինչև 6.9 դրամ/ռուբլի մակարդակ: Ընդ որում, դեկտեմբերին 14-28-ը Կենտրոնական բանկը գրեթե ամեն օր միջամտում էր շուկային: Դրամի արժեզրկումային տրամադրությունները դիտվում էին երկրի արտաքին առևտրի շրջանառության անկմանը զուգահեռ (մոտ 20.6%), այդ թվում, ներմուծումը կրճատվեց մոտ 26.5%, արտահանումը` մոտ 3.9%, իսկ դեպի Հայաստան դրամական փոխանցումների ներհոսքը կրճատվեց ավելի քան 30%, և այդ ամենը տեղի է ունենում բնակչության առանց այն էլ ցածր վճարունակության և երկրի տնտեսական ցածր ակտիվության պայմաններում: 2016 թվականից Հայաստանի արտարժույթի մանրածախ շուկայում ՀՀ դրամը ԱՄՆ դոլարի նկատմամբ կրկին սկսվեց արժեզրկվել, փետրվարի 12-ին դոլարի նկատմամբ արժեզրկվելով մինչև 496 դրամ/դոլար մակարդակ, բայց մարտին սկսեց ամրապնդվել և մարտի 25-ին հասավ 482 դրամ/դոլար մակարդակ, ընդամենը դանդաղեցնելով եվրոյի և ռուբլու նկատմամբ արժեզրկումը: Ընդհանուր առմամբ, 2016 թվականի առաջին կիսամյակում դրամը դոլարի նկատմամբ ամրապնդվեց` 482 դրամ/դոլարից մինչև 477 դրամ/դոլար մակարդակ: Հուլիսին դրամը դոլարի նկատմամբ սկսեց ամրապնդվել միայն երրորդ տասնօրյակից, ամրապնդվելով 476 դրամ/դոլար մակարդակում, հետագայում վերադառնալով 477 դրամ/դոլար մակարդակ: Օգոստոսին դրամը դոլարի նկատմամբ ամրապնդվեց 475 դրամ/դոլար մակարդակում մնալով այդ դիրքում նաև սեպտեմբերի սկզբին, որից հետո արժևորումը շարունակվեց: Սեպտեմբերի 30-ի դրությամբ դրամը դոլարի նկատմամբ ամրապնդվեց 474 դրամ/դոլար, եվրոյի նկատմամբ` 532 դրամ/եվրո մակարդակներում, իսկ ռուբլու նկատմամբ արժեզրկվեց մինչև 7.5 դրամ/ռուբլի մակարդակ: Հոկտեմբերին դրամը դոլարի նկատմամբ արժեզրկվել է մինչև 476 դրամ/դոլար, եվրոյի նկատմամբ արժևորվել է մինչև 521 դրամ/1եվրո` ռուբլու նկատմամբ դիրքերը պահպանելով 7.5 դրամ/1ռուբլի մակարդակում: Նոյեմբերի 18- դրությամբ դոլարի նկատմամբ դրամն արժզրկվել է մինչև 479 դրամ/1դոլար, եվրոյի նկատմամբ արժևորվելով մինչև 509,5 դրամ/1եվրո, ռուբլու նկատմամբ`մինչև 7,4 դրամ/1ռուբլի:
Ալեքսեյ Մելնիկով. ՀԿԵ-ն թողունակության բավականին լուրջ պաշար ունի
Հայաստանում դոլարային հիփոթեքի արգելքը՝ սպառողի շահերի պահապան թե բանկային շահերի լոբբինգ. Կարեն Զաքարյան
Փաշինյանի կառավարությունը ոչ մի առնչություն չունի տնտեսական աճի հետ. Սուրեն Պարսյան
ԵԱՏՄ երկրներ ավտոմեքենա վաճառելիս ՊԵԿ-ի տեղեկանքները չեղարկվել են
Հայաստանի տնտեսությունն անառողջ է. տնտեսագետն առաջարկում է առկա խնդիրների լուծման եղանակներ
ԱԶԲ պատվիրակությունն այցելել է Հյուսիս-Հարավ ճանապարհային միջանցքի Սիսիան-Քաջարան հատված
Հայաստանի բանկերի միության խորհրդի նախագահ է ընտրվել Մհեր Անանյանը