ԱՐԱՐԱՏԲԱՆԿԸ բաժնետոմսերի թողարկման հաշվին համալրել է ընդհանուր կապիտալը, հասցնելով այն 33 մլրդ.դրամի

Արմինֆո. ԱՐԱՐԱՏԲԱՆԿԸ բաժնետոմսերի թողարկման հաշվին համալրել է ընդհանուր կապիտալը 8.5 մլրդ.դրամոբ: Արդյունքում, բանկի կանոնադրական կապիտալն աճել է մինչև 16.8 մլրդ.դրամ, իսկ ընդհանուր կապիտալը կազմել է մոտ 33 մլրդ.դրամ, գերազանցելով 30 մլրդ.դրամի նորմատիվային շեմը:

Ինչպես ԱրմԻնֆո գործակալությանը տեղեկացվել է ԱՐԱՐԱՏԲԱՆԿԻ լրատվական ծառայությունից, թողարկման մասնակցել են բանկի երկու մեծամասնական բաժնետերերը` «Ֆլեշ» և Rural Impulse Fund II ընկերությունները: Արդյունքում, «Ֆլեշ» ընկերության բաժնեմասը կազմել է 72.73%, իսկ Rural Impulse Fund II-ի (բելգիական Incofin Investment Management - Incofin IM խմբի անդամ1) բաժնեմասը`8.58%: Երրորդ մեծասնական բաժնետիրոջ փայաբաժինը, ի դեմս ՎԶԵԲ-ի, իջել է մինչև 18.14% (մինչ այդ կզմում էր 25%+1 բաժնետոմս): Մինչ նշված թողարկումը «Ֆլեշ»-ի բաժնեմասը կազմում էր 64.24%, իսկ Rural Impulse Fund II ընկերությանը` 10%:

Ըստ ԱրմԻնֆո գործակալության`Հայաստանի Բանկերի Ռենկինգի, ԱՐԱՐԱՏԲԱՆԿԻ ընդհանուր կապիտալը 2016 թվականի հոկտեմբերի 1-ին կազմել է 24.1 մլրդ դրամ, տարեկան աճը`7.9%: Դրա կառուցվածքում կանոնադրական կապիտալը կազմել է 34,6% կամ 8,3 մլրդ դրամ, իսկ կուտակված շահույթը`53.1% կամ 12.4 մլրդ դրամ: 2016 թվականի 9 ամիսները բանկը եզրափակել է 732.8 մլն դրամ զուտ շահույթով, որից 406.5 մլն.դրամն ստացվել է երրորդ եռամսյակում, ապահովման եռամսյակային մոտ եռակի աճ:

Նշենք, որ 2017 թվականից Հայաստանի բանկերի ընդհանուր կապիտալի նվազագույն չափը սահմանվել է 30 մլրդ.դրամ: Բանկերի միավորման գործընթացն սկսվել է 2015 թվականից, երբ Հայստանում գործում էին 21 բանկեր: Այն ժամանակ ՊրոԿրեդիտ Բանկը միացավ Ինեկոբանկին, իսկ ԲՏԱ Բանկը` Հայէկոնոմբանկին: 2016 թվականի հոկտեմբերին Արդշինբանկի հետ միավորվելու մտադրությնա մասին հայտարարեց նաև Առէկսիմբանկ-Գազպրոմբանկի խումբը: Արդունքում, 2016 թվականի նոյեմբերի 21-ի դրությամբ գործող 18 բանկերից ընդհանուր կապիտալի նորմատիվն արդեն կատարել են 12 բանկեր: Դրանք են` Ամերիաբանկը, ԱԿԲԱ-Կրեդիտ Ագրիկոլ Բանկը, Արդշինբանկը, HSBC Բանկ Հայաստանը, ԻՆԵԿՈԲԱՆԿ, ՎՏԲ-Հայաստան Բանկը, Անելիք բանկը, Հայբիզնեսբանկը, Յունիբանկը, Կոնվերս Բանկը, ԱՐԱՐԱՏԲԱՆԿԸ, Արմսվիսբանկը, որոնց ընդհանուր կապիտալը տատանվում է 33-62 մլրդ դրամի սահմաններում: Մինչև 2017 թվականը Հայաստանում հավանաբար կմնան 17 բանկեր: