Երեթշաբթի, 22 Նոյեմբերի 2016 17:29

Արմինֆո.Հայաստանի համախառն միջազգային պահուստները, 2016 թվականի առաջին կիսամյակում տեղի ունեցած 11.7% կրճատումից հետո աճել են 16.2%, մինչև $ 1,822 մլրդ: Ըստ ՀՀ ԿԲ տվյալների, պահուստների կառուցվածքում $ 1,821 մլրդ կազմել են արտարժույթով արտաքին ակտիվները, իսկ $ 0,4 մլն – SDR մասնաբաժինը ԱՄՀ-ում: Արտարժույթով արտաքին ակտիվները 2016 թվականի առաջին կիսամյակում տեղի ունեցած 12% անկումից հետո 3-րդ եռամսյակում աճել են 16,6%, իսկ SDR- ի մասնաբաժինը ԱՄՀ-ում I կիսամյակի 96.6% աճից հետո 3-րդ եռամսյակում կրճատվել են 93%:

 

2016 թվականի հունվար-սեպտեմբերին Համախառն համախառն միջազգային պահուստներն աճել են 2.6%, արտարժույթով արտաքին ակտիվների 2,8% աճի շնորհիվ, իսկ SDR մասնաբաժինը ԱՄՀ-ում նվազել է 86.2%: Համախառն միջազգային պահուստները տարեկան կտրվածքով աճել են 12,1%, նմանատիպ աճ են արձանագրել նաև արտարժույթով արտաքին ակտիվները, իսկ SDR մասնաբաժնը ԱՄՀ-ում մնացել է անփոփոխ: Համեմատության համար նշենք, որ 2015 թվականի 3-րդ եռամսյակում Հայստանի համախառն միջազգային պահուստներն աճել էին 5,2%, պայմանավորված արտարժույթով արտաքին ակտիվների նույնանման աճով, իսկ ԱՄՀ մասնաբաժնի SDR- ում նվազել է 60%:

 

Նշենք, որ 2015 թվականին Հայաստանի համախառն միջազգային պահուստներն աճել են 19.2% և կազմել $ 1,775 մլրդ: Դրանց կառուցվածքում արտարժույթով արտաքին ակտիվները 2015 թվականին աճել են 27.6% և կազմել $ 1,175 մլրդ: SDR մասնաբաժինը ԱՄՀ կառուցվածքում կազմել է $ 2.9 մլն., կրճատվելով մեկ տարում 53.2%: 2014 թվականին Հայստանի համախառն միջազգային պահուստները կրճատվել են 33,9%, մինչև $ 1,489 մլրդ, որոնց կառուցվածքում արտաքին ակտիվները նվազել են 42.7%, մինչև $ 920,9 մլն, իսկ SDR- ի մասնաբաժինը ԱՄՀ-ում աճել է 3,3 անգամ, մինչև $ 6.2 մլն:

 

Հիշեցնենք, որ բանկային ոսկու մասնաբաժինը Հայաստանի համախառն միջազգային պահուստներում զրոյացվել է 2003 թվականի դեկտեմբերին: