Արմինֆո. ՀՀ կառավարությունը մտադրվել է մինչև 2020 թվականը 38% կրճատել սպառումն առաջնային էներգիայի ոլորտում: Այս մասին նոյեմբերի 23-ին կայացած մամուլի ասուլիսում լրագրողներին հայտարարել է ՀՀ էներգետիկ ենթակառուցվածքների և բնական պաշարների փոխնախարար Հայկ Հարությւոնյանը, ներկայացնելով ոլորտի առաջնահերթություններն ու առաջիկա բարեփոխումները, որոնք բխում են կառավարության ծրագրից:
Ըստ փոխնախարարի, նախարարությունը կառավարության հաստատմանն է ներկայացրել «Էներգախնայողության ազգային ծրագիրը», որի 2-րդ փուլը նախատեսում է մինչև 2018 թվականը հստակ միջոցառումներ, որտեղ, առաջին փուլի համեմատ, ամրագրված են ավելի հավակնոտ նպատակներ – հասնել առաջնային էներգիայի սպառման մոտ 38% կրճատմանը: «Դա ոչ միայն գազի, էլեկտրաէներգիայի, այլ նաև դիզելային վառելիքի, բենզինի, քարածուխի սպառման կրճատում է: Այսինքն, այն ամենը, ինչն օգտագործվում է որպես վառելիք»,-պարզաբանել է նա: Ըստ Հարությունյանի, ծրագրով նախատեսվում են համալիր միջոցառումներ, որոնց իրականացմանը կմասնակցեն երկրի բոլոր պետական գերատեսչությունները:
Ավելի վաղ ԱրմԻնֆո գործակալության հետ հարցազրույցում Հայկ Հարությունյանը տեղեկացրել էր, որ էներգախնայողության ազգային ծրագրի շրջանակներում արդեն հաջողվել է 2 անգամ գերակատարել պլանը էներգախնայողությնա ոլորտում, չնայած, որ նախատեսվում էր գերակատարել 3,3%: Այդ արդյունքների հիման վրա մշակվեց մինչը 2020 թվականի ծրագիրը: Ըստ փոխնախարարի, ծրագիրը ցույց է տալիս, որ արդյունավետ քաղաքականության հիմնական երաշխիքը ճիշտ ֆինանսական գործիքի առկայույթունն է:
Նշենք, որ ՎԶԵԲ-ը գործարկել է «Էներգակրեդիտ» ծրագիրը, որն ուղղված է էներգետիկ ռեսուրսների սպառման բարելավմանը ՓՄՁ ոլորտում, տեղական ընկերություններում և տնային տնտեսութոյւններում: Նախագիծն ընկերութոյւններին և տնային տնտեսություններին թույլ կտա անցում իրականացնել դեպի ավելի արդյունավետ և բարձր արդյունավետ օբյեկտներին, որոնք, վերջին հաշվով, զգալի արդյունքներ կրձանագրեն և կնպաստեն էլեկտրաէներգիայի ծախսերի կրճատմանը: Ծրագրին մասնակցում են` HSBC Բանկ Հայաստանը, Ամերիաբանկը, ԱԿԲԱ-Կրեդիտ Ագրիկոլ Բանկը, ԱԿԲԱ Լիզինգը, Ինեկոբանկը, ՍԵՖ Ինթերնեյշնլ ընկերությունը և ԱրմՍվիսԲանկը:
Վարդան Արամյան. Հայաստանի տնտեսությունը գերտաքացած է: Պահանջվում են արագ և ոչ պոպուլյար լուծումներ՝ այն սառեցնելու համար
Ինչու՞ խոշոր ենթակառուցվածքային նախագծերը տեղից չեն շարժվում. մասնագետի կարծիքը
Հայաստանի միակ մրցակցային առավելության՝ գիտության մեջ ներդնելու փոխարեն Հայաստանի իշխանությունները ֆինանսավորում են ուժայիններին. տնտեսագետ
Հայաստանի գնաճը սոցիալական աղետ է. տնտեսագետ