Արմինֆո. Հայաստանը Ասիական զարգացման բանկից կստանա 30 մլն.դոլարի, իսկ Ֆրանսիական զարգացման գործակալությունից` 40 մլն.եվրոյի վարկային միջոցներ, որոնք կուղղվեն ենթակառուցվածքների ամրապնդմանը և Հայաստանի բյուջեի կարիքներին:
Ինչպես ՀՀ կառավարության նոյեմբերի 24-ի նիստում հայտարարել է ՀՀ ֆինանսների նախարար Վարդան Արամյանը, ԱԶԲ-ից ստացված վարկային միջոցները կուղղվեն ենթակառուցվածքենրի ամրապնդմանը, մասնավորապես, էներգետիկ հատվածի և քաղաքակային ճանապարհային ցանցերի զարգացմանը: ՖԶԳ միջոցները նախատեսված են բյուջետային ծախսերի մի մասը ծածկելու համար:
Նշենք, որ ըստ 2014-2018 թվականների ռազմավարության, ԱԶԲ-ն Հայաստանին կտրամադրի 500 մլն.դոլարի աջակցություն: Միջոցները կուղղվեն ենթակառուցվածքների, էներգետիկայի և սոցիալական ծառայությունների զարգացմանը: Տրանսպորտի ոլորտում ԱԶԲ-ն կշարունակի աջակցել Հյուսիս-Հարավ տրանսպորտային միջանցքի շինարարությանը, ինչպես նաև աղքատության բարձր մակարդակ ունեցող քաղաքների միջև կապերի ամրապնդմանը: Երկրի տարածաշրջանային համագործակցության և ինտեգրման նպատակով ԱԶԲ-ն կաջակցի Հայաստանը Վրաստանին միացնող ճանապարհների շինարարությանը: Բացի այդ, ԱԶԲ-ն կաջակցի աղքատության բարձր մակարդակ ունեցող քաղաքաների զարգացմանը, օգնելով տեղական կառավարման մարմիններին և տրամադրելով վարկեր, որոնք անհրաժեշտ են ենթակառուցվածքների արդիականացման համար, ներառյալ ջրամատակարարումը, ինչպես նաև քաղաքային ճանապարհների և կոշտ թափոնների կառավարումը: Ըստ բանկի փորձագետների, Հայաստանի մաշված էլեկտրաէներգետիկ ենթակառուցվածքները և հանքային վառելիքի ներմուծումից ուժեղ կախվածությունը թուլացնում են երկրի էներգետիկ անվտանգությունը: ԱԶԲ-ն մտադիր է աջակցել նաև վերականգնվող էներգիայի աղբյուրների զարգացմանը, ինչպես նաև էներգետիկ ենթակառուցվածքների վերականգնմանն ու զարգացմանը:
Նշենք, որ Հայաստանը միացել է ԱԶԲ-ին 2005 թվականին և գտնվում է խառը (արտոնյալ և սովորական) ֆինանսավորմամբ երկրների շարքում: ԱԶԲ-ն Հայաստանին աջակցում է աղքատության բարձր մակարդակ ունեցող քաղաքների կայուն զարգացման գործում, օգնելով տեղական իշխանություններին համակարգված ծրագրերի կառավարման և տրամադրելով ներդրումներ, որոնք անհրաժեշտ են ենթակառուցվածքենրի արդիականացման համար, այդ թվում`ջրամատակարման, էներգետիկայի, ինչպես նաև քաղաքային ճանապարհների և կոշտ թափոնների կառավարման ոլորտներում: Նշենք նաև, որ նոյեմբերի 18-ին վարչապետ Կարեն Կարապետյանի հետ կայացած հանդիպման ընթացքում Հայստանում Ֆրանսիայի դեսպան Ժան-Ֆրանսուա Շարպանտյեն հայտարարեց, որ Ֆրանսիայի զարգացման գործակալությունը պատրաստվում է Հայաստանում իրականացվել մոտ 40 մլն.դոլարի ծրագրեր: «Մի շարք ֆրանսիական ընկերություններ հետաքրքրված են զարգացնել իրենց գործունեությունը երկրում և այդ ուղղությամբ իրականացնում են համապատասխան աշխատանքներ», - ասել է դեսպանը:
Ալեքսեյ Մելնիկով. ՀԿԵ-ն թողունակության բավականին լուրջ պաշար ունի
Հայաստանում դոլարային հիփոթեքի արգելքը՝ սպառողի շահերի պահապան թե բանկային շահերի լոբբինգ. Կարեն Զաքարյան
Ինչպես է փոխվել միջին աշխատավարձ ստացող քաղաքացու կենսամակարդակը վերջին տարում
ԵԱՏՄ երկրներ ավտոմեքենա վաճառելիս ՊԵԿ-ի տեղեկանքները չեղարկվել են
Հայաստանի տնտեսությունն անառողջ է. տնտեսագետն առաջարկում է առկա խնդիրների լուծման եղանակներ
ԱԶԲ պատվիրակությունն այցելել է Հյուսիս-Հարավ ճանապարհային միջանցքի Սիսիան-Քաջարան հատված
Հայաստանի բանկերի միության խորհրդի նախագահ է ընտրվել Մհեր Անանյանը