Lydian Armenia. EITI ստանդարտները միջազգային ներդրողների հետաքրքրությունը կբարձրացնեն Հայաստանի լեռնահումքային ոլորտի ընկերությունների նկատմամբ

Արմինֆո. Հայաստանի միացումը EITI (Extractive Industries Transparency Initiative – Թափանցիկության նախաձեռնությունը լեռնահումքային ոլորտներում) նախաձեռնությանը լրացուցիչ ինդիկատոր կդառնա երկրի համար, մասնավորապես, ներդրումների ներգրավման առումով: Նոյեմբերի 25-ին ԱրմԻնֆո գործակալության թղթակցին նման կարծիք է հայտնել «Լիդիան Արմենիա» ընկերության կայուն զարգացման գլխավոր մենեջեր և EITI ստանդարտների ներրդրման գծով շահառուների խմբի անդամ Արմեն Ստեփանյանն աշխատանքային խմբի Երևանում կայացած առաջին պաշտոնական նիստում:

Ըստ Ստեփանյանի, «Լիդիան Արմենիա» ընկերությունը ողջունում է նախաձեռնությանը միանալու ուղղությամբ ՀՀ կառավարության ձեռնարկած գործընթացը: Ըստ ընկերությնա ներկայացուցչի, EITI ստանդարտներիր ներդրման շրջանակներում Հայստանում ստեղծված միասնական եռակողմ հարթակը կարող է լավագույն գործիքը դառնալ քաղաքացիական հասարակության, գործարար շրջանակների և երկրի կառավարության միջև երկխոսության ձևավորման համար:

Բացի այդ, ըստ փորձագետի, Նախաձեռնության ստանդարտների ներդրումը լրացուցիչ խթան կհանդիսանա խոշոր միջազգային ընկերությունների համար, որոնք հետաքրքրված են ավելացնելու իրենց ներդրումային պորտֆելը, ներդրումներ կատարելով հայկական լեռնահումքային ոլորտի ընկերություններում:

EITI-ն հանդիսանում է կառավարության, ընկերությունների, քաղաքացիական հասարակության, ներդրողների և միջազգային կազմակերպությունների կոալիցիան: Այն ստեղծվել է 2002 թվականին, Անգլիայի նախկին վարչապետ Տոնի Բլեերի նախաձեռնությամբ: Նախաձեռնության նպատակն է` կառավարման թափանցիկության բարձրացումը և որակի բարելավումն արդյունահանող ոլորտներում, հաշվետվությունների պարբերական հրապարակման, ստանդարտներին պահպանման և ինստիտուցիոնալ կարողությունների ամրապնդման միջոցով: Ինչպես ցույց է տալիս համաշխարհային փորձը, հանքարդյունաբերական ընկերությունները միայն շահում են ավելի շատ թափանցիկությունից, հավասար և կանխատեսելի տնտեսական հարաբերությունների զարգացման շնորհիվ:

Նշենք, որ բրիտանական Lydian International Ltd ընկերությունն այսօր Հայաստանում իրականացնում է արդյունաբերական ամենախոշոր՝ Ամուլսարի ոսկու հանքավայրի շահագործման նախագիծը՝ 370 մլն դոլար ընդհանուր արժեքով: Ընթացիկ տարվա օգոստոսին տեղի ունեցավ նախագծի մեկնարկի պաշտոնական արարողությունը, որը նախատեսում է շինարարության և հանքավայրի իրացման սկիզբը: Ամուլսարի հանքավայրի շահագործման ժամկետը կկազմի 10 տարի և 4 ամիս, նախատեսվում է տարեկան արդյունահանել 200 հազար ունցիա ոսկի (մոտ 10 մլն. տոննա հանքանյութ): Մեկ ունցիայի ծախսը միջին հաշվով կազմում են 585 դոլար, իսկ ոսկու կորզման ընդհանուր ցուցանիշը – 87%: Ամուլսարի 370 մլն.դոլար արժեքով ծրագրի շրջանակներում կատարվող շինարարության ընթացքում կստեղծվի 1300 աշխատատեղ (շինարարական աշխատանքները կընթանան մոտ 2 տարի), իսկ հանքավայրի շահագործման ամբողջ ընթացքում կստեղծվի 650-700 աշխատատեղ: