Ուրբաթ, 25 Նոյեմբերի 2016 19:13

Արմինֆո. Հայաստանի Եվրոպական բիզնես ասոցիացիան (ԵԲԱ) լսումներ է կազմակերպել նոր Հարկային օրենսգրքի կիրառման հարցերի թեմայով, որը մասնակիորեն ուժի մեջ է մտնում 2017 թվականից, և ամբողջովին`2018-ից:

Ինչպես հանդիպման մասնակիցներին հայտարարել է Հայաստանում ԵԱՀԿ գրասենյակի տնտեսական ծրագրերի ղեկավար Մաթիաս Լխտենբերգը (Matthias Lichtenberger), անհրաժեշտ է հասարակության մեջ ակտիվացնել բանավեճերը նոր Հարկային օրենսգիքրի կիրառման թեմայով, ինչպես նա Հայաստանի գործարար շրջանակներին ներկայացնել  նորամուծությունների վերաբերյալ որակապես նոր տեղեկատվություն: Նա նշել է, որ ԵԱՀԿ Երևանյան գրասենյակը զորակցում է բարեփոխումներին, որոնք իրականացվում են Հայաստանի տնտեսության տարբեր ոլորտներում`էներգետիկայում, տրանսպորտում, ենթակառուցվածքներում, և պատրաստ է աշխատել հարկային վարչարարության պրոբլեմը թեթևացնելու ուղղությամբ:

Ելույթ ունենալով բանավեճում, ՀՀ Պետեկամուտների կոմիտեի հարկային քաղաքականության և դիսցիպլինար ծրագրերի վարչության ղեկավար Արման Պողոսյանը նշել է, որ նոր հարկային օրենսդրությունը հավաքված է մեկ Հարկային օրենսգրքում և էապես նվազեցնում է անորոշությունը բիզնեսում, քանի որ բացառում է անհամապատասխանությունը և խառնաշփոթը, ինչն առկա էր նախկինում, երբ հարկային օրենսդրությունը հիմնված էր բազմաթիվ իրավական փաստաթղթերի և ակտերի վրա, որոնք հաճախ հակասում էին միմյանց: Նրա խոսքով, Օրենսգրքում ամրագրված են բիզնեսի համար կարևոր քայլեր, կապված երկարաժամկետ ներդրումային ծրագրերի իրականացման ընթացքում ԱԱՀ վերադարձի հետ, քանի որ, փաստորեն, սառեցվում էին ներդրողների միջոցները: Վերացվել է նաև շահույթի դիմաց կանխավճարը, որն այժմ կչափվի ոչ թե անցյալ տարվա շահույթի, այլ նախորդ եռամսյակի հասույթի 2%-ի հիման վրա, ինչպես նաև վերացվում են ծախսերի գծով սահմանափակումները, եթե դրանք անհրաժեշտ են բիզնեսի վարմանը:

Այնուամենայնիվ, ԵԲԱ անդամները, որոնք հիմնականում ներկայացնում են օտարերկրյա կազմակերպությունների և ընկերությունների, իրենց դժգոհությունն են հայտնել դիվիդենտների գծով դիֆերենցացված հարկի ներդրման կապակցությամբ, որն օտարերկրացիների համար կկազմի 10%, իսկ տեղացիների համար` 5%: Նրանք գտնում են, որ դա դիսկրիմինացիա է, ինչը չի նպաստում օտարերկրյա ներդրողների ներգրավմանը: ՊԵԿ ներկայացուցիչը, այնուամենայնիվ, փորձել է հանգստացնել ներկաներին, հայտարարելով, որ հիմնական ներդրող երկրների հետ Հայաստանն ունի առանձին միջպետական պայմանագրեր, որոնք ունեն առաջնահերթության ուժ, և որոնց համաձան`դիվիդենտների հարկումը տեղի կունենա ընդհանուր հիմունքներով:

Այնուամենայնիվ, բանավեճի ընթացքում նշվել է, որ Հարկային օրենսգիքը վատ է մշակված, որը, ըստ էությամբ, ուղղված է ոչ թե երկրի տնտեսության զարգացման խթանմանը, այլ պետբյուջեի համալրմանը, այսինքն, փաստաթուղթը հետապնդում է բացառապես ֆիսկալ նպատակներ: Դրա օրինակն է փաստաթղթի հեղինակների հրաժարվելը լիզինգային ծառայությունների զարգացման հարցերի լուծումից, որոնց արդիականության մասին երկրի գործարար հանրությունն արդեն երկար տարիներ խոսում է: Կարևոր է նաև ան փաստը, որ Հայաստանի ոչ մի հասարակական կազմակերպություն, որոնք ներկայացնում են խոշոր կամ փոքր բիզնեսը, դրական գնահատական չի տվել նոր ՀԸ-ին, որը մշակվել է նախորդ կառավարության պատերի ներսում: Օրենսգրքի շտապ ընդունումը պայմանավորված էր ԱՄՀ պահանջով, որը փաստաթղթի ընդունումը կապում էր 180 մլն.դոլար բյուջետային վարկի տրամադրման պայմանի հետ: Նոր կառավարության ղեկավարությունը գտնում է, որ ՀԸ-ն պետք է ժամանակի հետ հայեցակարգորեն  կատարելագործվի: