Արմինֆո. Ամերիաբանկը մտադիր է մինչև տարեվերջ մեծացնել իր վարկային պորտֆելը ներկայիս 858 մլն.դոլարից հասցնել մինչև 1 մլրդ.դոլարի: Այս մասին նոյեմբերի 25-ի մամուլի ասուլիսում հայտարարել է Ամերիաբանկի կորպորատիվ հաճախորդների գծով տնօրենը Գագիկ Սահակյանը:
Նրա խոսքով, վարկային պորտֆելի աճը սեպտեմբերի 352,3 մլրդ.դոլարից մինչև ներկայիս 410 մլրդ.դոլարը խոսում է այն մասին, որ մատուցվող ծառայությունների որակը և հաճախորդների հետ աշխատելու մոտեցումները բավականին մրցակցային են, ինչը թույլ է տալիս աճեցնել վարկային պորտֆելը որակի բարելավմանը զուգահեռ:
ԱրմԻնֆո-ի հետ զրույցում Սահակյանը հայտարարել է, որ հաջորդ տարի Ամերիաբանկը շուկայի առաջատարը կլինի վարկավորման գծով, ապահովելով ավելի տպավորիչ ծավալ: Ըստ նրա, դա առաջին հերթին պայմանավորված կլինի սպասվող տնտեսական աճով, նոր նախագծերի գործարկումով և բանկի մասնաբաժնի մեծացումով շուկայում:
Միևնույն ժամանակ, Գ. Սահակյանը նշել է, որ բանկը մտադիր է ակտիվորեն շարունակել զարգացնել վարկավորումը և մշակել արտոնյալ պայմաններ, պարզեցնելով վարկային համաձայնագրի ձևակերպման ընթացակարգերը: Այսպես, ըստ նրա, եթե ընկերությունը համապատասխանում է Ամերիաբանկի չափանիշներին, ապա նրանք կկարողանան օգտվել հատուկ առաջարկից`2% ցածր տոկոսադրույքերից և վարկային առավելագույն սահմանաչափից`1 մլրդ դրամ:
Անշարժ գույքի գրավադրմամբ վարկերի գծով Ամերիաբանկը նախատեսում է հետևյալ առավելությունները`վարկերը կարող են տրամադրվել է ինչպես առանց վարկունակության գնահատման, այնպես էլ գնահատումով: Առաջին դեպքում հաճախորդը վարկն ստանում է մինչև գույքի 30% արժեքի իրացվելիության սահմաններում,իսկ երկրորդ դեպքում այդ շեմը կարող է հասնել 60%-ի: Բացի այդ, պարզեցվել է վարկի ձևակերպման ընթացակարգը, այսուհետ այն կարելի է ձևակերպել մեկ հիմնական համաձայնագրով, որ իհիման վրա ձևակերպվում է նաև գրավադրման ապահովումը և սահմանվում վարկային սահմանաչափը: Ըստ Սահակյանի, դա թույլ կտա հաճախորդներին մեկ տարվա ընթացքում օգտվել բանկի տարբեր ծառայություններից, առանց վարկունակության լրացուցիչ գնահատման:
Ըստ ԱրմԻնֆո գործակալության` Հայաստանի Բանկերի Ֆինանսական Վարկանիշի, Ամերիաբանկը 2016 թվականի հոկտեմբերի 1-ի դրությամբ շուկայի առաջատարն է վարկային ներդրումների գծով`352,3 մլրդ դրամ ($ 742,5 մլն, տարեկան աճը`21,4%), որի ավելի քան 87% կամ 306.8 մլրդ դրամը ($ 646,6 մլն) ուղղվել է երկրի տնտեսությանը, տարեկան աճը` 22.4%: Բանկի հիփոթեքային վարկավորումն ավելացրել է տարեկան կտրվածքով` 10.8%, մինչև 18,6 մլրդ դրամ կամ $ 39.3 մլն, այս ցուցանիշով տեղ գրավելով առաջատարների եռյակում: 2016-ի 9 ամիսներն Ամերիաբանկը եզրափակել է 3,5 մլրդ դրամ ($ 7.4 մլն) զուտ շահույթով, այս ցուցանիշով նույնպես հանդիսանալով շուկայի առաջատարը: