Արմինֆո. Մեր այսօրվա խնդիրը Հայաստանի արդյունաբերական երկրի կարգավիճակի վերականգնումն է: Նոյեմբերի 30-ին կայացած մամուլի ասուլիսում այս մասին հայտարարել է «Հայրենական ապրանք արտադրողների միության» նախագահ Վազգեն Սաֆարյանը:
Իր կարծիքը նա հիմնավորել է արդյունաբերական արտադրության դրական դինամիկայով, ընդ որում`0.4% տնտեսական ակտիվության պայմաններում: Նրա խոսքով, հունվար-հոյտեմբերին արդյունաբերական հատվածն արձանագրեց 6.5% աճ, ապահովելով 1.1 տրլն. դրամ ծավալ: Սակայն, ակտիվության դանդաղում կա արտահանման ոլորտում, նշել է նա: «Ըստ վերջին տվյալների, Հայաստանի արտահանման ընդհանուր ծավալը գերազանցել է 1.4 մլրդ.դրամը, տարեկան աճը կազմել է 19.8%: Չի բացառվում, որ այս ծավալները տարեվերջին կհասնեն 1.6-1.7 մլրդ.դրամի, ինչը կարող է դառնալ մեր երկրի վերջին տարիների պատմական մաքսիմումը»,-նշել է Սաֆարյանը:
Նա նշել է, որ անհրաժեշտ է ստեղծել արդյունաբերության նախարարություն: «Քանի որ հանդիսանում ենք ԵԱՏՄ անդամ, ապա մեզ մոտ էլ պետք է ստեղծվի այդպիսի գերատեսչություն, ինչպես, օրինակ, Ռուսաստանում, Բելառուսում և Ղազախստանում: Էկոնոմիկայի նախարարության անվանափոխությունն այն չէ, ինչը մենք ակնկալում էինք: Մենք ակնկալում էինք, որ վարչապետը, այնուամենայնիվ, կդառնա արդյունաբերության գերատեսչության ստեղծման նախաձեռնողը, որը կբերի զգալի արդյունքների»,-հայտարարել է նա: Սակայն, ՀՆԱ կառուցվածքում, ցավոք, գերակշռում է գյուղատնտեսական ապրանքների արտահանումը, պարզաբանել է նա: «Աննախադեպ է դեպի ՌԴ գյուղատնտեսական ապրանքների արտահանումը, որը կազմեց 133 հազար տոննա, ինչը, իմ կարծիքով, գյուղնախարարության և արտադրողների համատեղ ջանքերի արդյունքն էր»,-նշել է Սաֆարյանը, հավելելով, որ ուշադրությունը պետք է կենտրոնացնել սարքավորումների արտադրության վրա: «Դա արտադրության այն հատվածն է, որտեղ Հայստանն ունեցել է առաջատար դիրքեր, և պետական ծախսերի կառուցվածքում 67-68% է կազմել հենց արդյունաբերական հատվածը, որտեղ մեքենաշինությունը կազմել է 26%: Այսօր այդ ցուցանօշը չի գերազանցում անգամ 1%-ը»,-մեկնաբանել է փորձագետը: Նա գտնում է նաև, որ անհրաժեշտ է զարգացնել ներքին կոոպերացիան: «Մենք պետք է կառավարությանը մղենք այն մտքին, որ արդեն անհրաժեշտ է անցում կատարել կիսաֆաբրիկատներից դեպի պատրաստի ապրանքների արտադրություն»,-ընդգծել է նա:
Պատասխանելով հայկական մեքենաշինության ապրանքների մրցակցային և պահանջված լինելու վերաբերյալ ԱրմԻնֆո գործակալության թղթակցի հարցին, Սաֆարյանը նշել է, որ «Ռոստեկ» կորպորացիայից ՀՀ նախագահի ստացած առաջարկի հիման վրա տնտեսական զարգացման նախարարությունը հանդիպումներ է անցկացնում մեքենաշինական ձեռնարկությունների ղեկավարների հետ, հայ արտադրողների հնարավորությունները գնահատելու համար: Նրա խոսքով, մեր ձեռնարկությունները ներարկումների կարիք ունեն, որպեսզի վերականգնեն արտադրական հզորությունները, դրա համար էլ ներդրումների հարցով այսօր բանակցություններ են ընթանում ՌԴ հետ, իսկ հայկական կողմը պարտքը կմարի պատրաստի արտադրանքի միջոցով: «Եթե պատասխանեմ մեկ խոսքով, ապա այո, հայկական մեքենաշինության արտադրանքը մեծ պահանջարկ ունի ռուսաստանյան շուկայում»,-եզրափակել է նա:
Ըստ ՀՀ Ազգային վիճակագրական ծառայության տվյելների, Հայաստանում տնտեսական ակտիվության աճը 2016 թվականի հունվար-հոկտեմբերին դանդաղել է մինչև 0.4%, նախորդ տարվա նույն ժամանակահատվածի 3.5% համեմատ: Արդյունաբերական արտադրանքի ծավալն աճել է 6,5%, մինչև 1.152 տրլն. դրամ, նախորդ տարվա 4,6% աճի փոխարեն: Մեքենաների և սարքավորումների համակարգչային տեխնիկայի, էլեկտրոնային, օպտիկական և էլեկտրական սարքավորումների արտադրության ծավալը հունվար-սեպտեմբերին կազմել է 11,5 մլրդ դրամ, տարեկան աճը`14,8%: Ավելին, միայն մեքենաների և սարքավորումների արտադրության գծով առաջին 9 ամիսների ընթացքում արձանագրվել է 4,4% անկում, մինչդեռ նախորդ տարի դիտվել էր 13,6% աճ: