Արմինֆո. Հայաստանը ձգտում է զարգացնել դեղին պանրի արտադրությունը: Այս մասին դեկտեմբերի 2-ին կայացած մամուլի ասուլիսում հայտարարել է ՀՀ գյուղատնտեսության փոխնախարար Արմեն Հովհաննիսյանը:
Ըստ նրա, դեղին պանրի արտադրությունն անհրաժեշտ է ավելացնել, հաշվի առնելով ռուսական շուկան: Հակառուսական պատժամիջոցների սահմանման շրջանում եվրոպական երկրները դադարեցին պանիր մատակարարել ռուսական շուկաներին: Ստեղծվեց ճեղքվածք, որը, ինչպես նշել է փոխնախարարը, հայ արտադրողը չկարողացավ լրացնել: Հայաստանի պանիր արտադրողները, ցավոք, չկարողացան բավարարել ռուսական սպառողների պահանջները», - ասել է նա:
Ըստ փոխնախարարի, մոտ տասը օր առաջ Գեղարքունիքի մարզում բացվել է նորագույն ձեռնարկություն, որն զբաղվում է եվրոպական պանիրների արտադրությամբ, կոոպերատիվ հիմունքներով: Նոր տեխնոլոգիաների ներդրման միջոցով Հայստանը, ըստ փոխնախարարի, ամենայն հավանականությամբ համապատասխան տեղ կզբաղեցնի Ռուսաստանի պանրի շուկայում:
Հիշեցնենք, որ 2010 թվականի սեպտեմբերին ՀՀ կառավարությունը 7,2 մլն դրամ հատկացրեց Հայկական զարգացման գործակալությանը «Հայկական պանիր» ՓԲԸ-ին ֆինանսական աջակցություն ցուցաբերելու նպատակով: «Հայկական պանիր» ընկերությունը գրանղվել է 2009 թ. և հանդիսանում է 50/ 50% պետական մասնակցությամբ մասնավոր ընկերություն, ի դեմս Զարգացման հայկական գործակալության և Պանրագործների ասոցիացիայի: Նորաստեղծ ընկերության նպատակն էր ձևավորել մեխանիզմներ ու մարկետինգային ծրագրեր, որոնք կխթանեն հայկական պանրի արտահանումը` պետության աջակցությամբ:
Սակայն, 2012 թվականի վերջին ծրագիրը սառեցվեց: Այն ժամանակ Հայկական զարգացման գործակալությազն ղեկավար Ռոբերտ Հարությունյանը հայտարարեց, որ հայկական պանրի արտահանման կազմակերպման համար Հայաստանում չկա որակյալ հումք: Նա նշել էր, «Հայկական պանիր» ընկերության շրջանակներում Ռուսաստան է արտահանվել է 25 տոննա պանիր: 2011 թվականին 20 տոննո պանիր է արտահանել «Դուստր Մարիաննա» ընկերությունը, որի տնօրեն Տիգրան Վարդանյանն ԱրմԻնֆո-ի թղթակցին հաղորդել էր, որ ուղարկվել են փորձնական խմբաքանակներ, բայց տրանսպորտային ծախսերը թանկ են, դրա համար էլ հայկական ապրանքները չեն դիմանում մրցակցությանը: Ավելին, Հարությունյանը հիշեցրել էր, որ 2009 թվականին, երբ ստեղծվում էր «Հայկական պանիր» ընկերությունը, հայկական պանրի արտահանման ծրագրի արժեքը կազմում էր 280 մլն.դրամ: Այդ միջոցները նախատեսվում էին օգտագործել մարկետինգային հետազոտությունների և այլ նման միջոցառումների կազմակերպման նպատակով, բայց կառավարությունը գումար չհատկացրեց, վախենալով անարդյունավետ օգտագործումից: Այնուամենայնիվ, ըստ փորձագետների գնահատականների, Հայաստանն ի վիճակի տարեկան Ռուսատսան արտահանել մինչև 80 000 տոննա պանիր:
Ալեքսեյ Մելնիկով. ՀԿԵ-ն թողունակության բավականին լուրջ պաշար ունի
Հայաստանում դոլարային հիփոթեքի արգելքը՝ սպառողի շահերի պահապան թե բանկային շահերի լոբբինգ. Կարեն Զաքարյան
Ինչպես է փոխվել միջին աշխատավարձ ստացող քաղաքացու կենսամակարդակը վերջին տարում
ԵԱՏՄ երկրներ ավտոմեքենա վաճառելիս ՊԵԿ-ի տեղեկանքները չեղարկվել են
Հայաստանի տնտեսությունն անառողջ է. տնտեսագետն առաջարկում է առկա խնդիրների լուծման եղանակներ
ԱԶԲ պատվիրակությունն այցելել է Հյուսիս-Հարավ ճանապարհային միջանցքի Սիսիան-Քաջարան հատված
Հայաստանի բանկերի միության խորհրդի նախագահ է ընտրվել Մհեր Անանյանը