ՎՏԲ-Հայաստան Բանկը առաջարկում է Բանկի կայքի միջոցով պատվիրել հաշիվների մասին տեղեկանքներ կամ քաղվածքներ

Արմինֆո. Այսուհետ ՎՏԲ-Հայաստան Բանկում կարելի է հեռահար եղանակով պատվիրել հաշվի մասին տեղեկանք և քաղվածք: Պատվիրել հաշվի գծով տեղեկանք կամ քաղվածք կարելի է Բանկի՝ www.vtb.am կայքի միջոցով, հարցման մեջ նշելով նաև հարմար ժամը և մասնաճյուղը՝ արդեն իսկ պատրաստի տեղեկանքը (օրինակ` դեսպանատուն ներկայացնելու համար և այլն) կամ քաղվածքը ստանալու համար:

Ինչպես ԱրմԻնֆո գործակալությանը տեղեկացվել է Բանկի մամուլի ծառայությունից, տեղեկանք կամ քաղվածք պատվիրելու համար հաճախորդին անհրաժեշտ է.

լրացնել օնլայն հայտը`Բանկի www.vtb.am կայքի «Պատվիրել օնլայն տեղեկանք/քաղվածք» բաժնում, ընտրել տեղեկանքի/քաղվածքի տեսակը, լրացնել հաշվի, քարտի կամ պայմանագրի համարը՝ կախված տեղեկանքի/քաղվածքի տեսակից, նշել տեղեկանքի կամ քաղվածքի ժամանակահատվածը/ժամկետը, նշել մասնաճյուղ այցելելու նախընտրելի ժամը, ընտրել մասնաճյուղը:

Աղբյուրի համաձայն, ծառայության սակագինը կազմում է 1000 ՀՀ դրամ, ի լրումն Բանկում գործող տեղեկանքների/քաղվածքների սակագներին: Գումարը կգանձվի հարցման մշակման պահին՝ միջնորդավճարի դուրսգրման համար հաճախորդի կողմից նշված հաշվից: Դրանից հետո հաճախորդը կարող է այցելել մասնաճյուղ հայտում նշված ժամին և անմիջապես ստանալ պատրաստի տեղեկանքը/քաղվածքը:

Հիշեցնենք, որ «ՎՏԲ-Հայաստան Բանկ» ՓԲԸ ՎՏԲ միջազգային ֆինանսական խմբի մասնակից է դարձել 2004 թվականի ապրիլին: Ներկայումս ռուսաստանյան խոշորագույն «ՎՏԲ Բանկ» ԲԲԸ հանդիսանում է «ՎՏԲ-Հայաստան Բանկ» ՓԲԸ 100% բաժնետոմսերի փաթեթի միանձնյա բաժնետերը; Բանկը հիմնական ցուցանիշների մի ամբողջ շարքով մշտապես ներառվում է ՀՀ բանկային համակարգի առաջատարների շարքում: Ներկա դրությամբ Բանկն ունի ամենալայն մասնաճյուղային ցանցը (67) ոչ միայն մայրաքաղաքում, այլև երկրի մարզերում: