Կարեն Կարապետյան. ՀՀ դիվանագիտական կորպուսը պատշաճ աշխատանք չի կատարում Հայաստանի ներուժն արտաքին աշխարհին ներկայացնելու ուղղությամբ

Արմինֆո. Այսօր Ազգային ժողովում միջազգային ասպարեզում Հայաստանի տնտեսական վարկանիշի բարձրացման հարցեր են քննարկվել «Հայաստանի արտաքին քաղաքականության տնտեսական բաղադրիչը» թեմայի շուրջ լսումների ժամանակ:

Ինչպես բացման խոսքում հայտարարել է վարչապետ Կարեն Կարապետյանը, ՀՀ դիվանագիտական կորպուսը պետք է հնարավորինս մեծացնի իր գործունեության տնտեսական ասպեկտը և արտասահմանում ձևավորի Հայաստանի վարկանիշ` որպես հուսալի տնտեսական գործընկերոջ: «Շեշտադրում պետք է արվի երկրի ներուժին ու հնարավորություններին արտաքին ներդրողների ծանոթացմանը, հայկական ապրանքների համար նոր արտասահմանյան շուկաների հայտնաբերմանը, դրսից կապիտալի ներհոսի խթանմանը», - հայտարարել է վարչապետը:

Նրա կարծիքով, այդ ամենն ավելի հասանելի է ԵԱՏՄ-ին երկրի անդամակցումից և Հայաստանի համար 180 մլն բնակչությամբ միասնական շուկայի բացումից հետո: Մյուս կողմից, նրա ասելով, Հայաստանն արդյունավետ համագործակցում է Եվրամիության հետ և միակ երկիրն է հետխորհրդային տարածքում, որն օգտվում է GSP+ համակարգի արտոնություններից:  Վարչապետը նաև նշել է, որ Հայաստանի մյուս շահավետ առանձնահատկությունն Իրանի հետ ընդհանուր սահմանն է, որը պատժամիջոցների վերացումից հետո ձեռք է բերել հատուկ ներդրումային գրավչություն: Վարչապետի հնամոզմամբ, հաշվի առնելով այդ ամենը, Հայաստանը դառնում է գրավիչ գործընկեր ինչպես ԵՄ, այնպես էլ ԵԱՏՄ երկրների ու Իրանի համար` դառնալով նրանց կապող կամուրջ:

Վարչապետը նշել է, որ Հայաստանի ծրագրերը ներառում են ԵԱՏՄ կառույցում հետագա ինտեգրում` Եմ հետ համագործակցության զուգահեռ զարագքցման ֆոնին: Նա նաև ընդգծել է արտաքին տնտեսական քաղաքականության գործառույթների որոշակիացման և դրա հիմնական խաղացողներին որոշելու անհրաժեշտությունը:   Կարապետյանը նշել է,  որ , հաշվի առնելով Հայաստանի մեկուսացումը, դիվանագիտական կորպուսը մեծ աշխատանաք պետք է տանի   Հայաստանի ներուժն արտաքին աշխարհին ներկայացնելու ուղղությամբ: Նա տարակուսանք է հայտնել, որ այժմ այդ ուղղությամբ պատշաճ աշխատանք է տարվում:

ԵԱՀԿ Երևանի գրասենյակի ղեկավար, դեսպան Արգո Ավակովն, իր հերթին, ընդգծել է, որ կառույցի հայկական առաքելությունը նույնպես մեծ ուշադրություն է հատկացնում երկրի տնտեսական զարգացման հարցերին, այդ նպատակով իրագործելով տարբեր ծրագրեր, որոնք նպատակաուղղված են ներդրումային մթնոլորտի բարելավմանն ու արտաքին ներդրումների ներգրավմանը, նպաստում են նաև ԵԱՀԿ հարթակում երկրի ներկայացմանն ու հայկական ապրանքների իրացման նոր շուկաների հայտնաբերմանը:

Ավակովը  նաև հաղորդել է, որ ԵԱՀԿ Երևանի գրասենյնակը 2017 թվականին մտադիր է իրականացնել գործարար մթնոլորտի բարելավմանն ու ներդրումների խթանմանը նպատակաուղղված ծրագրեր` շեշտադրում կատարելով մաքսային վարչարարության բարեփոխմանը հայ-իրանական սահմանին, ինչպես նաև` Հայաստանի միոջոցով ԵԱՏՄ և ԵՄ երկրների միջև համագործակցության խթանմանը:

«Ֆրիդրիխ Էբերտ» հիմնադրամի հարավկովկասյան տարածաշրջանի գրասենյակի տնօրեն Յուլիա Բլեզիուսը, մասնավորապես, ընդգծել է, որ տարբեր ինտեգրացիոն կառույցների հետ Հայաստանի համագործակցության փորձը կարող է ուսանելի լինել այլ երկրների համար: «Հայաստանի փորձը ցույց է տվել, որ պարտադիր չէ ընտրություն կատարել այս կամ այն կառույցի միջև, կարելի է արդյունավետորեն համագործակցել միանգամից մի քանիսի հետ: Հայաստանը հաջողությամբ ինտեգրման քաղաքականություն է վարում ԵԱՏՄ-ում, զուգընթաց զարգացնելով համագործակցությունը ԵՄ հետ` և  դա ղարաբաղյան հակամարտության լուծված չլինելու և Ադրբեջանի ու Թուրքիայի կողմից սահմանների փակ լինելու ֆոնին: