Երեթշաբթի, 13 Դեկտեմբերի 2016 13:05

Արմինֆո. Ազգային ժողովը դեկտեմբերի 13-ի արտահերթ նիստում վավերացրել է  2016 թվականի մայիսի 19-ին Երեւանում ստորագրված «Հայաստանի Հանրապետության կառավարության եւ Բելառուսի Հանրապետության կառավարության միջեւ 2000 թվականի հուլիսի 19-ի` «Հայաստանի Հանրապետության կառավարության եւ Բելառուսի Հանրապետության կառավարության միջեւ եկամուտների եւ գույքի կրկնակի հարկումը բացառելու եւ հարկումից խուսափելը կանխելու վերաբերյալ» համաձայնագրում փոփոխություններ եւ լրացումներ կատարելու մասին» արձանագրությունը:

Ինչպես հայտարարել է ֆինանսների փոխնախարար Արմեն Հայրապետյանը, վերը նշված համաձայնագրում փոփոխությունների անհրաժեշտությունը պայմանավորված էր 2000 թվականից ի վեր Հայաստանի օրենսդրությունում տեղի ունեցած  փոփոխություններով: Միևնույն ժամանակ, վավերացված փաստաթուղթը համապատասխանեցված է 2010 թվականին Տնտեսական համագործակցության և զարգացման կազմակերպության մշակած մոդելային հարկային կոնվենցիային: Փաստաթղթում կանոնակարգված են այնպիսի հասկացություններ, ինչպես` «ձեռներեցություն», «մասնագիտացված ծառայություն», «գործողության փաստացի վայր»: Փաստաթուղթը ենթադրում է, որ կողմերը կհամագործակցել բանկային գործի և ֆինանսական հաստատությունների վերաբերյալ տեղեկատվության փոխանակման գործում:

Փոխնախարարն ընդգծել է, ոչ Հայաստանի ու Բելառուըսի միջև ապրանքաշրջանառության սալդոն բացասական է: 2015 թվականին հայկական ապրանքների արտահանումը Բելառուս կազմել է 6,8 մլն դ ոլար, բելառուսական ապրանքների ներմուծումը` 27,7 մլն դոլար: Ընդ որում, վերջին երեք տարում դիկտվել է բելառուսական ապրանքների ներմուծման ծավալների նվազման միտում: Այսպես, 2013 թվականին դրանք կազմել են 40,9 մլն դոլար, 2014 թվականին` 30 մլն դոլար: «Ընդ որում, Հայաստանի տնտեսությունում բելառուսական ներդրումների ծավալներն աճում են», - նշել է փոխնախարարը` առանց որոշակի ծավալներ նշելու: Նա միայն հավելել է, որ Հայաստանը Բելառուս է արտահանում, հիմնականում, ոգելից խմիչքներ, բնական և թանկարժեք քարեր: Բելառուսից ներմուծվում է, հիմնականում, թուղթ, էլեկտրական մեքենաներ, փոխադրամիջոցներ և բնափայտ: