Արմինֆո. Վարչապետ Կարեն Կարապետյանն այսօր կառավարությունում հանդիպել է Հայաստանի Հանրապետության 10 խոշոր հարկ վճարող կազմակերպությունների ղեկավարներին՝ լսելու նրանց գործունեությանը խոչընդոտող խնդիրները և կառավարությունից սպասվող այն քայլերը, որոնք բարենպաստ պայմաններ կստեղծեն հետագա զարգացման համար:
Ինչպես ԱրմԻնֆո գործակալությանը տեղեկացվել է ՀՀ կառավարության մամուլի ծառայությունից, խոշոր հարկատուները, խոսելով իրենց հուզող խնդիրներից, բարձրաձայնել են հարկային գերավճարների մեծ չափերին, հարկային և մաքսային վարչարարության պարզեցմանը, մաքսազերծման ժամկետների կրճատմանը, մրցակցային դաշտին վերաբերող և այլ հարցեր:
Անդրադառնալով գերավճարների խնդրին՝ վարչապետը նշել է, որ հաջորդ տարի պետք է համատեղ աշխատել ՀՀ կառավարությանն առընթեր պետական եկամուտների կոմիտեի հետ՝ կազմելով որոշակի ժամանակացույց: «Պարզ է՝ մենք այդ խնդիրը պետք է լուծենք: Մենք մյուս տարի սեփական եկամուտների բավական ագրեսիվ աճ ենք նախատեսել: Եթե սեփական եկամուտների աճի ժամանակ մենք նաև դնում ենք գերավճարների նվազեցում, պատկերացնում եք, չէ՞, ինչքա՞ն ենք դնում աճը, մաթեմատիկորեն ասած: Եթե մենք ասում ենք՝ այսքան տոկոս մուտքերի աճ պետք է լինի, և միևնույն ժամանակ մենք գերավճարը պետք է մաշեցնենք, ստացվում է, որ բազիսային մուտքերը պետք է ավելի շատ աճեցնենք», - ասել է կառավարության ղեկավարը:
Ի պատասխան հարցի, թե դիզվառելիքի շուկայում մրցակցության աշխուժացման արդյունքում խոշորագույն ներկրող ընկերություններն աշխատում են զրոյական շահույթով՝ վարչապետ Կարապետյանը նշել է, որ մրցակցային դաշտն ինքն իրեն կկարգավորի: Հանրային ծառայություններ մատուցող խոշոր կազմակերպություններն էլ բարձրացրել են ենթակառուցվածքների բարելավման և նորմատիվային դաշտի հետ կապված խնդիրներ: Քննարկվել են նաև խոշոր հարկ վճարող ընկերությունների գործունեության ընդլայնմանը, արտադրական ծավալների ավելացմանը, տնտեսության հետագա զարգացմանը վերաբերող մի շարք հարցեր:
Կառավարության ղեկավարն առաջարկել է շահագրգիռ գերատեսչությունների հետ համատեղ ձևավորել հարթակ՝ բարձրացված խնդիրներն ավելի մանրամասն քննարկելու, մշտական կապի մեջ լինելու և պետություն-մասնավոր հատված երկխոսությունը զարգացնելու համար:
Հիշեցնենք, որ 2017 թվականի բյուջեի նախագծով հարկային եկամուտների նախատեսված են - 1.135 տրլն. դրամ կամ ՀՆԱ-ի 21%-ի չափով, ինչը կազմում է 0.3% -ով գերազանցում է 2016-ի ցուցանիշը (2016-ին` 1.129 տրլն դրամ, 2015-ին `1.065 տրլն.դրամ, 2015 թ.): Բյուջեի եկամուտները 2017 թվականին կկազմեն 1.210 տրլն դրամ (մոտ $ 2.55 մլրդ): Հարկային եկամուտները կկազմեն բյուջեի ընդհանուր եկամուտների 93.8%-ը: Մասնավորապես, մուտքերը եկամտահարկից կկազմեն 347.2 մլրդ դրամ, շահութահարկից - 134,2 մլրդ դրամ, ակցիզային հարկից - 63,6 մլրդ.դրամ, մաքսային տուրքերից - 53.6 մլրդ.դրամ, բնապահպանական վճարումներից - 32.7 մլրդ.դրամ, լիցենզիոն վճարներից և շրջանառությնա հարկերից - 24.3 մլրդ դրամ, հաստատագրված վճարներից - 3.3 մլրդ.դրամ, նպատակային սոցիալական վճարումներից - 14.3 մլրդ դրամ:
Ըստ ՀՀ Ազգային վիճակագրական ծառայության տվյալների, 2016 թվականի հունվար-հոկտեմբերին բյուջետային եկամուտների կառուցվածքում հարկերը և տուրքերը տարեկան հաշվարկով աճել են`93.6% -ից մինչև 94.4%, բացարձակ արտահայտությամբ կրճատվելով 0,2%, մինչև 878.8 մլրդ դրամ (նախորդ տարվա աճը` 0,3%): Մասնավորապես, մուտքերը մաքսային տուրքերից նվազել են 12.7%, եկամուտներն ավելացված արժեքի հարկից նվազել են 10.7%, շրջանառության հարկից մուտքերն աճել են 28.6%, մուտքերը շահութահարկից աճել են 23.8%, ակցիզային հարկից - 18.2%: Բացի այդ, մի քանի անգամ ավելացել են եկամուտները եկամտահարկից - 4.6%, հաստատագրված վճարներից - 1,6% և մուտքերը պետական տուրքերից - 1.5%:
Հայաստանի տնտեսությունն անառողջ է. տնտեսագետն առաջարկում է առկա խնդիրների լուծման եղանակներ
Հայաստանի բանկերի միության խորհրդի նախագահ է ընտրվել Մհեր Անանյանը
Հայաստանի միակ մրցակցային առավելության՝ գիտության մեջ ներդնելու փոխարեն Հայաստանի իշխանությունները ֆինանսավորում են ուժայիններին. տնտեսագետ