Արմինֆո. Ներդրողների կողմից «Դվին» հյուրանոցի արդիականացման նոր ծրագիր է ներկայացվել: Այդ մասին այսօր ԱԺ ամբիոնից հայտարարել է ՀՀ Պետական գույքի կառավարման վարչության ղեկավար Արման Սահակյանը:
Նրա խոսքով, ներկայումս կառավարության կողմից քննարկվող ծրագրի ընդհանուր արժեքը կկազմի $100 մլն: Ծրագրի հաստատման դեպքում ակտիվ շինարարական աշխատանքները կվերսկսվեն: Արման Սահակյանն ընդգծել է, որ ավելի վաղ հայտարարված՝ ներդրումների $16 մլն գումարը խիստ անբավարար է ծրագրի իրականացման համար:
Ինչպես ավելի վաղ հայտնել է ԱրմԻնֆո-ն, 2019 թվականին Երևանում «Դվինե հյուրանոցի տեղում կհայտնվի լյուքս դասի նոր 5-աստղանոց հյուրանոց: Նոր հյուրանոցահամալիրի ներդրումային մախագիծը մայիսի 5-ին արժանացել է ՀՀ կառավարության հավանությանը: Ինչպես ավելի վաղ հաղորդել էր ՀՀ Պետական գույքի կառավարման վարչության ղեկավար Արման Սահակյանը, ըստ ներդրումային ծրագրի, որը ներկայացրել է «Կովկասյան կոմերցիոն ՍԻ Սի Ջի խումբըե, 55 հազար քմ ընդհանուր տարածքով հյուրանոցային համալիրի վերանորոգման աշխատանքները նախատեսվում է ավարտել 2019 թվականին: 2016 թվականի դրությամբ շինարարությունում արդեն ներդրված է 16 մլն. դոլար: Ընթացիկ տարում ներդրումները կկազմեն 20 մլն.դոլար, 2017-ին` 10 մլն.դոլար, իսկ 2018-ին` 40 մլն.դոլար: Ա.Սահակյանը տեղեկացրել է, որ հաշվի առնելով համալիրի մեծ տարածքը, հյուրանոցային համարները կլինեն ավելի ընդարձակ: Բացի այդ, ինչպես հայտարարել է Սահակյանը, համալիրը կընդգրկի նաև այլ շինություններ, մասնավորապես, առանձին «Բազմաֆունկցիոնալ բնակելի համալիրե («Apartments Plazaե) – բազմահարի շինությունը, որտեղ կլինեն առնվազն 60 «լյուքսե դասի բնակարաններ: Շենքի տանիքում կլինի ուղղաթիռների վայրեջքի համար նախատեսված հրապարակ: Նախատեսվում է ստորգետնյա 330 տեղանոց և վերգետնյա 50 տեղանոց ավտոկայանատեղի շինարարություն: Նոր հյուրանոցը կունենա 184 համար, այդ թվում` 89 ստանդարտ համարներ, 20 լյուքս համարներ, 51 ակումբային և 12 լյուքսային համարներ, 10 մեծ լյուքս համարներ և 2 նախագահական համարներ: Կգործեն նաև SPA-սալոն, լողավազան, ֆիտնես կենտրոն, ռեստորաններ, ակումբներ, խանութներ, բիզնես և կոնֆենանս-դահլիճներ: Հյուրանոցում կգործի էլիտար կազինո, համապատասխան լիցենզիայով, նշել է Սահակյանը: Կստեղծվի 400 նոր աշխատատեղ:
Հիշեցնենք, որ 2003 թվականին հյուրանոցը 3 մլն.դոլարով վաճառվեց «Կովկասյան կոմունիկացիոն խումբե ընկերությանը: Գնորդը խոստացավ 5 տարիների ընթացքում կառուցել 5-աստղանոց հյուրանոց, իսկ ներդրումների գումարը պետք է կազմեր 10 մլն. դոլար: Սակայն, «Դվինե հյուրանոցի արդիականացման ժամկետները մի քանի անգամ երկարաձգվեցին, այդ թվում`մինչև 2016 թվականը: Ընդ որում, նոր պայմանագրով ներդրումների գումարն ամրագրված էր` 13.6 մլն.դոլար: Ըստ ՀՀ Իրավաբանական անձանց պետռեգիստրի տվյալների, «Կովկասյան կոմունիկացիոն խումբե ընկերությունը գրանցվել է 2002 թվականի հունվարի 14-ին: Հիմնադիրնեն են`Հռիփսիմե Թովմասյանը և Զուրաբ Չիգոգիձեն: