Արմինֆո. Հայաստանի արդյունաբերության աճը 2016 թվականի արդյունքներով կկազմի 6-7%: Այս մասին դեկտեմբերի 22-ին, կառավարության նիստից հետո, լրագրողներին հայտարարել է ՀՀ տնտեսական զարգացման և ներդրումների նախարար Սուրեն Կարայանը: Նրա խոսքով, տարվա արդյունքներով աճ կարձանագրվի նաև ծառայությունների ոլորտում, ինչպես նաև արտահանման ծավալներում: Ընդհանուր առմամբ, նախարարը դրական է գնահատել երկրի տնտեսության տարեկան զարգացումը:
Ինչ վերաբերվում է Հայաստանի տնտեսական ակտիվության վերաբերյալ Ազգային վիճակագրական ծառայության կողմից վերջերս հրապարակված ցուցանիշներին, որոնց համաձայն, ըստ նախնական տվյալների, 2016 թվականի հունվար-նոյեմբերին տնտեսությունը տարեկան կտրվածքով աճել է ընդամենը 0.6%: Կարայանը նկատել է, որ հայտարարված ցուցանիշը պայմանավորված էր գյուղատնտեսության ոլորտի տվյալների ճշգրտումով:
Միևնույն ժամանակ, Կարայանը դրական է գնահատել Հայաստանի անդամակցությունը ԵԱՏՄ-ին, ինչպես նաև վարչապետի 100-օրյա աշխատանքի արդյունքները: «Հայաստանի անդամությունը ԵԱՏՄ-ին արդեն տալիս է դրական պտուղներ, արտահանումը դեպի ԵԱՏՄ երկրներ արձանագրել է աճ: Ինչ վերաբերվում է վարչապետի աշխատանքին, ապա դրական տեղաշարժերի մասին կարող եմ վկայել ոչ միայն ես: Մասնավոր հատվածը նույնպես վկայում է, որ շուկայում հայտնվել են նոր դերակատարներ, նոր ներդրողներ»,-նշել է նախարարը: Բայց նա ձեռնպահ է մնացել անվանել այդ ներդրողների անունները և ակնկալվող ներդրումների ծավալները, նշելով, որ այդ հարցին պատրաստ կլինի պատասխանել միայն նրանց հետ բանակցությունների ավարտից հետո:
Հիշեցնենք, որ տնտեսական ակտիվության ցուցանիշը Հայաստանում, ըստ նախնական վիճակագրության, այս տարվա հունվար-նոյեմբերին տարեկան կտրվածքով աճել է ընդամենը 0,6%, տեղեկացրել է ՀՀ ազգային վիճակագրական ծառայությունը: Հարկ է նշել, որ տնտեսական ակտիվության աճն սկսեց դանդաղել տարվա երկրորդ կիսամյակում: Այնպես, 6 ամսվա արդյունքներով տնտեսական ակտիվության աճը կազմել էր 4.8%, հունվար-հուլիսին` 3%, հունվար-օգոստոսին`2,4%, հունվար-սեպտեմբերին`1,6%, հունվար-հոկտեմբերին`0.4%: Բայց նոյեմբերին տնտեսական ակտիվության աճը վերականգնվեց, և այդ ամսում, անցյալ տարվա նոյեմբերի համեմատ, այդ ցուցանիշն աճել է 2,3%: 2016 թվականի 11 ամիսների ընթացքում տնտեսական ակտիվության աճ են արձանագրել երեք ոլորտներ`արդյունաբերության, առևտրի և ծառայությունների ոլորտները: Այսպես, հաշվետու ժամանակաշրջանում տրվել է 1 285.6 մլրդ դրամի արդյունաբերական արտադրանք, տարեկան կտրավծքով աճը`6,8%, ծառայությունների ոլորտում աճը կազմել է 7.8%, մինչև 1 141,9 մլրդ դրամ, իսկ ներքին առևտրի շրջանառությունը կազմել է 0,3%, մինչև 1 944,1 մլրդ դրամ: Միևնույն ժամանակ, գյուղատնտեսական արտադրանքի ծավալը կազմել է ավելի քան 836.1 մլրդ դրամ (անկումը`6.1%), իսկ շինարարության ծավալը`. 320.1 մլրդ դրամ (անկումը` 10,9%):
Հայաստանի արտաքին առևտրաշրջանառության ծավալը 2016-ի հունվար-նոյեմբերին կազմել է մոտ $ 4 576.3 մլն., ավելանալով նախորդ տարվա նույն ժամանակահատվածի համեմատ մոտ 8%: Ըստ վիճակագրության, նոյեմբերին, հոկտեմբերի համեմատ, սպառողական գներն աճել են 1%, իսկ նախորդ տարվա նոյեմբերի համեմատ նվազել 1.4%: 2016 թվականի հունվար-հոկտեմբերին Հայաստանից արտահանումը կազմել է 698 մլրդ. դրամ կամ $ 1 մլրդ 454 մլն., ինչը գրեթե 20% բարձր է (դոլարային արտահայտությամբ) 2015-ի նույն ժամանակահատվածի ցուցանիշից: Որոշակի աճ արձանագրվել ԵԱՏՄ և ԱՊՀ երկրների հետ Հայաստանի ապրանքաշրջանառության ծավալներում: 2016 թվականի հունվար-հոկտեմբերին ընդհանուր ծավալը կազմել է մոտ $ 1 218.4 մլն դոլար (մասնաբաժինը`30%, իսկ աճը`9.8%), ընդ որում, առևտուրը Ռուսաստանի հետ կազմել է մոտ $ 1 076.8 մլն. (13.4% աճ), Ուկրաինայի հետ`$ 87.5 մլն դոլար (անկումը`17,5%), Բելառուսի հետ`$ 29,8 մլն դոլար (12.2% աճ), Ղազախստանի հետ`$ 5.8 մլն (55,4% աճ), Թուրքմենստանի հետ`մոտ $ 10,7 մլն (անկումը`29.4%): Համեմատության համար նշենք, որ առևտրի ծավալը ԵՄ երկրների հետ 2016-ի հունվար-հոկտեմբերին կազմել է մոտ $ 978,3 մլն. (մասնաբաժինը`24,1%, աճը`0.7%), իսկ մյուս երկրների հետ առևտրի ծավալը կազմել է $ 1 870 300 000 (մասնաբաժինը`46%, աճը`6,6%):
Միևնույն ժամանակ, ըստ տնտեսագետ Թաթուլ Մանասերյանի, Հայաստանի միակ երկիրն է, որը ավելացրել է արտահանումը դեպի շուկա Եվրասիական տնտեսական միության շուկաներ: «Արտահանումը Հայաստանից դեպի ԵԱՏՄ երկրներ պարենի ոլորտում աճել է 1.6 անգամ, գյուղատնտեսական արտադրանքը` 1.4 անգամ, տեքստիլը և կոշկեղենը`2.5 անգամ: Իսկ դա նշանակում է, որ Հայաստանը վերականգնում է իր տնտեսությունը: Այժմ ավելի արագ տեմպերով է ընթանում արտահանման աճը: Բացի այդ, Հայաստանն այն երկիրն է, որն ունի ՀՆԱ-ի աճի ամենամեծ ցուցանիշը: 2016-ի առաջին կիսամյակում այն կազմել է 2.8%, ինչն ավելի բարձր է, քան ԵԱՏՄ երկրների միջին ցուցանիշը», - ասել է Մանասերյանը: Նա հավելել է, որ շնորհիվ ԵԱՏՄ-ին անդամակցելու հետ կապված դրական գործընթացների, Հայաստանը բարելավել է իր ցուցանիշներն արտաքին առևտրի համաշխարհային վարկանիշում, 58-րդ տեղից բարձրանալով 29-րդ տեղ: