Արմինֆո. Կառավարության պահուստային ֆոնդից 108.25 մլն դրամ գումար կհատկացվի ՀՀ խաղողագործության և գինեգործության հիմնադրամին: Համապատասխան որոշման նախագիծն ընդունվել է կառավարության դեկտեմբերի 22-ի նիստում: Ինչպես հայտարարել է գյուղնախարար Իգնատի Առաքելյանը, հիմնադրամի միջոցների համալրումը հնարավորություն կստեղծի իրականացնել մի շարք անհետաձգելի միջոցառումներ և ծրագրեր՝ ուղղված ոլորտի կայունությանը և զարգացմանը:
ՀՀ խաղողագործության և գինեգործության հիմնադրամն ստեղծվել է 2016 թվականի հունիսի 23-ին` կառավարության որոշմամբ: Հիմնադրամի գործունեությունը նպատակաուղղված է գինեգործական արտադրանքի որակի բարձրացմանն առնչվող խնդիրների լուծմանը` ներքին և արտաքին շուկայում դրա մրցունակությունն ապահովելու համար: Այն կիրականացնի հայկական գինեգործության բրենդի բարելավմանը նպատակաուղղված միջոցառումներ:
Նախօրեին մամուլի ասուլիսում Հայաստանի գինեգործների միության ղեկավար Ավագ Հարությունյանը նշել է, որ միջազգային ասպարեզում Հայաստանը լրջորեն չի ընկալվում` որպես գինի արտադրող երկիր, լուրջ վերաբերմունքի արժանանում են ակտիվ արտահանման քաղաքականություն վարող երկրները: Նրա ասելով, օրինակ, հարևան Վրաստանը շահեկան վիճակում է` հզոր պետական աջակցության շնորհիվ, որը Հայաստանում բացակայում է:
Պաշտոնական վիճակագրության համաձայն, նախորդ տարի երկրում գինու արտադրության ընդհանուր ծավալը նվազել է 4%-ով` հասնելով 5931,9 հազար լիտրի: Միևնույն ժամանակ, Մաքսային ծառայության տվյալներով, 2015 թվականին Հայաստանից գինու արտահանումը կրճատվել է 31,5%-ով` 2 120,7 հազար լիտրից մինչև 1 451,6 հազար լիտր: Ընդ որում, արտահանվող գինու մաքսային արժեքը 2015 թվականին կազմել է 4,1 մլն դոլար` 2014 թվականի 6,3 մլն դոլարի դիմաց: Ինչ վերաբերում է արտահանման հիմնական շուկային` Ռուսաստանին, ապա այնտեղ հայկական գինու մատակարարումները նախորդ տարի կազմել են ընդամենը 1 150,6 հազրա լիտր (2,9 մլն դոլարի)` նախորդ տարվա 1 713,8 հազար լիտրի (շուրջ 4,4 մլն դոլար) դիմաց: Ճիշտ է, այն բանից հետո, երբ հայ արտահանողները բախվեցին ռուսական շծուկայի խնդիրներին, շուկաների դիվերսիֆիկազման առումով իրավիճակն զգալիորեն բարելավվել է: Տեղի արտադրողներն սկսել են աստիճանաբար մեծացնել իրենց ներկայությունը նոր շուկաներում, և այժմ մեր գինիները վաճառվում են այնպիսի երկրներում, ինչպես` Ճապոնիան, Գերմանիան, Անգլիան, ավելանում են մատակարարումներն ԱՄՆ և այլն:
Միևնույն ժամանակ, ռուսական ռուբլու արժեզրկմամբ պայմանավորված բացասական միտումները շարունակվում են: Չնայած այն հանգամանքին, որ Հայաստանից գինու արտգահանումը 2016 թվականի առաջին կիսամյակում նախորդ տարվա նույն ժամանակահատվածի համեմատ ավելացել է 24,7% ` մինչև 779,9 հազար լիտր, գներն այնքան ցածր են, որ շատ արտադրողներ արտադրանքն իրացնում են վնասով, պարզապես, ռուսական շուկայում իրենց տեղը չկորցնելու համար: Ընդ որում, Մաքսային ծառայության տվյալներով, Ռուսաստան արտահանվող հայկական գինու մաքսային արժեքը 2016 թվականի հունվար-հունիս ամիսներին կազմել է 1,8 մլն դոլար` նախորդ տարվա նույն ժամանակահատվածի 1,2 մլն դոլարի դիմաց:
Ալեքսեյ Մելնիկով. ՀԿԵ-ն թողունակության բավականին լուրջ պաշար ունի
Հայաստանում դոլարային հիփոթեքի արգելքը՝ սպառողի շահերի պահապան թե բանկային շահերի լոբբինգ. Կարեն Զաքարյան
Ինչպես է փոխվել միջին աշխատավարձ ստացող քաղաքացու կենսամակարդակը վերջին տարում
ԵԱՏՄ երկրներ ավտոմեքենա վաճառելիս ՊԵԿ-ի տեղեկանքները չեղարկվել են
Հայաստանի տնտեսությունն անառողջ է. տնտեսագետն առաջարկում է առկա խնդիրների լուծման եղանակներ
ԱԶԲ պատվիրակությունն այցելել է Հյուսիս-Հարավ ճանապարհային միջանցքի Սիսիան-Քաջարան հատված
Հայաստանի բանկերի միության խորհրդի նախագահ է ընտրվել Մհեր Անանյանը