Հինգշաբթի, 22 Դեկտեմբերի 2016 19:39
Նաիրա Բադալյան

ՀՀ տնտեսական զարգացման և ներդրումների նախարարը և ԱԶԲ հայաստայան գրանսենյակի տնօրենը քննարկել են երկրի ներդրումային գրավչության պրոբլեմները

ՀՀ տնտեսական զարգացման և ներդրումների նախարարը և ԱԶԲ հայաստայան գրանսենյակի տնօրենը քննարկել են երկրի ներդրումային գրավչության պրոբլեմները

Արմինֆո. ՀՀ տնտեսական զարգացման և ներդրումների նախարար Սուրեն Կարայանը դեկտեմբերի 22-ին հանդիպել է Ասիական զարգացման բանկի (ԱԶԲ) հայաստանյան գրասենյակի տնօրեն Շեյն Ռոզենտալի հետ: Նախարար Սուրեն Կարայանը շնորհակալություն է հայտնել հանդիպման համար` նշելով, որ հանդիպումը թույլ կտա ուղենշել կազմակերպության և նախարարության համագործակցության հետագա ուղղությունները:

 

Ինչպես ԱրմԻնֆո գործակալությանը տեղեկացվել է Նախարարության մամուլի ծառայությունից, ԱԶԲ հայաստանյան գրասենյակի տնօրեն Շեյն Ռոզենտալը ներկայացրել է Հայաստանում Ասիական զարգացման բանկի գործունեությունը, հանրային  և մասնավոր հատվածում իրականացվող ծրագրերը, այդ թվում` վարկային և տեխնիկական աջակցությունը: Շեյն Ռոզենտալն առաջարկել է ընդլայնել Տնտեսական զարգացման և ներդրումների նախարարության և Ասիական զարգացման բանկի համագործակցության շրջանակը: Պայմանավորվածություն է ձեռք բերվել հանդես գալ համագործակցության գերակա ոլորտների վերաբերյալ փոխադարձ առաջարկություններով: 

Կողմերը մտքեր են փոխանակել նաև Հայաստանի ներդրումային միջավայրի, վերջինիս հետ կապված խոչընդոտների և լուծումների վերաբերյալ:

 

Նշենք, որ նոյեմբերի 9-ին Հայաստանի Հանրապետության և Ասիական զարգացման բանկի միջև ստորագրել է «Հայաստան-Վրաստան սահմանային տարածաշրջանային ճանապարհի (Մ6 Վանաձոր-Բագրատաշեն) բարելավման ծրագիրե վարկային համաձայնագիր, որով նախատեսվում է Հայաստանի Հանրապետությանը վարկ տրամադրել 50 մլն ԱՄՆ դոլարին համարժեք եվրոյի չափով (Կ 44,037,000): Վարկը Հայաստանին տրամադրվում է 22 տարի մարման ժամկետով, որից 15 տարին՝ արտոնյալ: Ծրագրի նպատակն է վերակառուցել Հայաստանի հյուսիսում՝ Վանաձորից Ալավերդիով դեպի Վրաստանի սահման՝ Բագրատաշեն, ձգվող մոտ 51.5 կմ ընդհանուր երկարությամբ երկշարք M6 մայրուղին, կանխարգելել ճանապարհային ցանցի վատթարացումը և ապահովել անվտանգ, արագ ու հեշտ փոխադրումներ: Արդյունքում Վանաձոր-Բագրատաշեն հատվածում կունենանք 51.5կմ ընդհանուր երկարությամբ վերակառուցված ճանապարհ (38+500կմ–90+000կմ)՝ բարելավված ճանապարհածածկով, անվտանգության ապահովման միջոցներով, կլիմայի փոփոխությանը հարմարվելու հնարավորություններով:

 

Նշենք, որ 2014-2018 թթ. ռազմավարության համաձայն, Ասիական զարգացման բանկը մտադիր է Հայաստանին շուրջ 500 մլն դոլարի ֆինանսական աջակցություն ցուցաբերել: Միջոցներն ուղղված են էներգետիկայի և սոցիալական ծառայությունների ոլորտներում երկրի ճկուն, համապարփակ և կայուն զարգացմանն օժանդակությանը: Տրանսպորտի ոլորտում ԱԶԲ–ն կշարունակի օժանդակություն ցուցաբերել Հյուսիս–Հարավ տրանսպորտային միջանցքի շինարարական աշխատանքների իրականացման, ինչպես նաև բարձր աղքատության քաղաքների միջև տրանսպորտային կապերի ամրապնդման հարցում։ Երկրի տարածաշրջանային համագործակցության և ինտեգրման համար ԱԶԲ–ն կաջակցի նաև հարևան Վրաստանի հետ Հայաստանը կապող ճանապարհների զարգացմանը։ Բացի այդ, ԱԶԲ–ն կաջակցի բարձր աղքատությամբ քաղաքների կայուն զարգացմանը` օգնելով տեղական կառավարման մարմիններին համակարգված ծրագրերի մշակման հարցում և տրամադրելով ենթակառուցվածքների արդիականացման համար անհրաժեշտ ներդրումներ` ներառյալ ջրամատակարարումը, ինչպես նաև քաղաքային ճանապարհների և կոշտ թափոնների կառավարման ոլորտները։ Հայաստանի էլեկտրաէներգետիկ մաշված ենթակառուցվածքները և հանքային վառելիքի ներկրումից խիստ կախվածությունը թուլացնում են երկրի էներգետիկ անվտանգությունը։ ԱԶԲ–ն օգնություն կցուցաբերի այդ խնդրի լուծման հարցում` աջակցելով էներգիայի վերականգնվող աղբյուրների զարգացմանը, ինչպես նաև էներգետիկ ենթակառուցվածքների վերականգնմանը և արդիականցմանը:

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ
Ներմուծեք թվանշաններն     


Նորություններ


Արտ. փոխարժեքները
06.04.2020
RUB6.580.02
USD501.55-1.42
EUR542.38-1.48
GBP616.76-1.49
CAD355.530.88
JPY45.93-0.45
CNY70.54-0.20
CHF513.30-2.51



Փնտրել ըստ օրերի

Պետական պարտատոմսեր

Issue volume

10 billion

Volume of T-bills for placement

200 million

Volume of submitted competitive applications

200 million

Volume of satisfied bids

200 million

Yield at cut-off price

 5.8314%

Maximum yield

 5.8314%

Мinimum yield

 5.8314%

Weighted average yield

 5.8314%

Number of participants

2

The maturity date of T-bills

03.02.2020

ArmEx

 

СПРОС (Покупка)

USD

Средневзв. Цена

482,00

ПРЕДЛОЖЕНИЕ (Продажа)

  USD

Средневзв. Цена

-

СДЕЛКИ

USD

Цена откр.

482,00

Цена закр.

482,00

Мин. Цена

482,00

Макс. Цена

482,00

Ср/взв. Цена

482,00

-0,16

Кол-во сделок

1

Объем (инвал.)

200 000

0бъем (драм)

96 400 000