Փորձագետ. 2017 թվականին Հայաստանում տնտեսական աճը կկազմի 3-4%

Արմինֆո. 2016 թվականը Հայաստանը լավագույն դեպքում կեզրափակի 0.6% ցուցանիշով, իսկ 2017-ին տնտեսական աճը Հայաստանում կկազմի 3-4%, «բայց դրանք արդեն կլինեն իրական թվեր»: Դեկտեմբերի 26-ին կայացած մամուլի ասուլիսում նման կանխատեսումներով է հանդես եկել ՀՀ Գործատուների միության նախագահ, տնտեսագետ Գագիկ Մակարյանը:

«Իրականում վիճակը չի վատթարացել, պարզապես ամենք տեսել ենք իրական թվերը, որոնք բնորոշում են Հայաստանի տնտեսությունը երկար ժամանակահատվածում: ԴՐա համար էլ մեր հանրությունն ու բիզնեսը երբեք իրենց վրա չեն զգացել դրական փոփոխությունները տնտեսությունում`«նկարված» 3% տնտեսական աճի պայմաններում»,-նշել է փորձագետը:

Ըստ Մակարյանի, նախկինում պաշտոնական տվյալներն իրականից տարբերվում էին մի շարք պատճառներով: Առաջին հերթին, միջազգային կառույցների վստահությունն արդարացնելու իշխանությունների ցանկությամբ, որպեսզի հաստատեն, որ տրամադրված վարկերը ծառայում են նպատակին և բարեփոխումներն իրականացվում են: Երկրորդ, ինքնագովերգման նպատակներով: Իսկ նոր կառավարությունը, ըստ տնտեսագետի, նպատակ ունի հանրության հետ լինել ազնիվ: «Այսօր իշխանությունը ցուցադրում է ցուցանիշներ, որոնք համապատասխանում են իրականությանը, որպեսզի հետագայում բնակչության համար զգալի լինեն իրականացված բարեփոխումների արդյունքները: Իրական պատկերը թույլ կտա ճշգրտորեն պլանավորել հետագա քայլերը, ինչը շատ կարևոր է շուկայի բոլոր մասնակիցների համար»,-ընդգծել է նա:

Մակարյանը վստահ է, որ հաջորդ տարին էական դեր կխաղա տնտեսական դրական փոփոխոթյունների առումով, ինչին կհաջողվի հասնել ռուսաստանյան տնտեսության առողջացման շնորհիվ, մասնավորապես, տրանսֆերտների ծավալների ավելացման, իրանական գործոնի ուժեղացման, որի հետ համագործակցության շրջանակներում նախատեսված է համատեղ ձեռնարկություններ հիմնում, ինչպես նաև համայքների ներգրավման և ակտիվացման շնորհիվ տնտեսական զարգացման գործընթացներում, ինչը պահանջում և կոչ է անում վարչապետը: Նա նշել է նաև ինովացիոն բարեփոխումների ձևավորումը բիզնեսում: Միևնույն ժամանակ, Մակարյանը հավանականություն է արտահայտել Սիրիայի հետ տնտեսական համագործակցության կարգավորման առումով, կապված պատերազմական գործողությունների ավարտի և իրավիճակի նորմալացման հետ:

Ըստ տնտեսագետի, այսօր կառավարոթյունը ձևավորում է քաղաքական կամք, իրականացնում ստվերի դեմ պայքարին ուղղված քայլեր, գործարարներին և կազմակերպություններին կոչ անում համատեղ ջանքեր գործադրել այդ հարցում: «Ինձ ոգևորում է այդ կամքը: Ներկայումս իրականացվում են բազմաթիվ բարեփոխումներ, որոնք արդյունքները մենք, միանշանակորեն, կտեսնենք հաջորդ տարի»,-մեկնաբանել է նա:

Ըստ ՀՀ Ազգային վիճակագրական ծառայության տվյալների, տնտեսական ակտիվությունը Հայաստանում 2016-ի հունվար-հոկտեմբերին դանդաղել է 0.4%, նախորդ 10 ամիսների 3.5% փոխարեն, իսկ տնտեսության շարժիչ ուժը շարունակում են մնալ միայն սպասարկման և արդյունաբերական ոլորտները: ՀՀ արտաքին առևտրի շրջանառությունը հունվար-հոկտեմբերին կազմել է 1952.3 մլրդ. դրամ ($ 4,067 մլրդ), տարեկան աճը`6,1%: Դրա կառուցվածքում արտահանման ծավալների տարեկան աճը կազմել է 19,8%, մինչև 697.8 մլրդ դրամ ($ 1453,7 մլն), իսկ ներմուծման տարեկան աճը նվազել է 0,3%, մինչև 1254.5 մլրդ դրամ ($ 2613,3 մլն):

Ըստ պետբյուջեի, ՀՆԱ-ի աճը Հայաստանում 2016-ին նախատեսվում է 2.2%, իսկ 2017-ին` 3.2%: ԱՄՀ-ն կանխատեսում է 1.9% աճ, ԵԱԶԲ-ն` 2% աճ, Fitch – մինչև 2%, Moody's- 2.2% աճ: Համաշխարհային բանկը հերթական անգամ վերանայել է Հայաստանի տնտեսական աճի 2016 թվականի իր կանխատեսումը, նվազեցնելով մինչև զրո, չնայած, որ ավելի վաղ կանխատեսել էր` 2,2% աճ: Հետաքրքրական է, որ բոլորովին քանի օր առաջ ՀՀ Կենտրոնական բանկը նույնպես նվազեցրեց Հայաստանի տնտեսական աճի կանխատեսումը, մինչև 1.3-1.8%: Անկախ տնտեսագետները գտնում են, որ երկրում, սկսած աշնանից, ըստ էության, սկսվել է տնտեսական անկում, որը սպառնում է վերածվել երկարաժամկետ տնտեսական լճացման: