Չորեքշաբթի, 28 Դեկտեմբերի 2016 14:36

Արմինֆո. Կոնվերս Բանկը կապիտալի համալրման երկրորդ փուլում իրականացրել է 2,429,400,000 դրամի լրացուցիչ էմիսիա: Դա բանկին թույլ կտա նորմատիվային կապիտալը հասցնել 31.9 մլրդ.դրամի, գերազանցելով 30 մլրդ.դրամի նորմատիվը:

Ինչպես ԱրմԻնֆո գործակալությանը տեղեկացվել է Կոնվերս Բանկի մամուլի ծառայությունից, նշված էմիսիայի շրջանակներում թողարկված 8098 սովորական բաժնետոմսերից 7693-ը ձեռք է բերել Էդուարդո Էռնեկյանի հետ փոխկապակցված ՀայՓոստ Թրասթ Մենեջմենթ Բի.ՎԻ. Ընկերությունը, իսկ 405 բաժնետոմսը` Մայր Աթոռ Սուրբ Էջմիածինը: Արդյունքում, ՀայՓոստ Թրասթ Մենեջմենթ Բի.ՎԻ. մասնաբաժինը կազմել է 14.06%, Մայր Աթոռ Սուրբ Էջմիածնի մասնաբաժինը`5%, իսկ Advanced Global Investments LLc-ի մասնաբաժինը` 80.94%:

Նախքան այդ, սեպտեմբերին, առաջին փուլում Կոնվերս բանկը կապիտալը համալրեց 7 մլրդ դրամով: Մասնավորապես, Բանկի հիմնական բաժնետերը - Advanced Global Investments LLC-ն Կոնվերս Բանկի կանոնադրական կապիտալում ներդրել է 6,6 մլրդ դրամ, իսկ մնացած 0.4 մլրդ դրամը`Մայր տաճարի Էջմիածինը: Արդյունքում, առաջին փուլում բաժնետերերի ուղղակի ներդրումների շնորհիվ Բանկի ընդհանուր կապիտալը նվազեց 28,2 մլրդ դրամ, իսկ բաժնեմասերը համապատսխանաբար կազմեցին`95% և 5%:

Կապիտալի փուլային համալրման և ամրապնդման հետ համատեղ բանկը վերանայում է կորպորատիվ կառավարման համակարգը, համապատասխանեցնելով այն միջազգային ստանդարտներին: Բանկում հատուկ նշել են երկարաժամկետ զարգացման նոր մոտեցումները, որի շրջանակներում Էդուարդո Էռնեկյանի նախաձեռնությամբ հիմնադրվել է Ներդրումային ծրագրերի հանձնաժողովը, որն իր վրա է վերցնում ներդրումային հնարավորությունների բազմակողմանի հետազոտությունների գործառույթները Հայաստանի տնտեսության տարբեր ոլորտներում, բացահայտելով երկրի ներդրումային գրավչությունը: Հանձնաժողովի կազմում են բարձրորակ մասնագետներ: Հանձնաժողովի աշխատանքները թույլ կտան ակտիվացնել աջակցությունն այնպիսի ոլորտներին, ինչպիսիք են` ագրոբիզնեսը, հանքարդյունաբերությունը, բարձր տեխնոլոգիաները, վերականգնվող էներգետիկան, ամրապնդելով ֆինանսական աջակցությունը ներքին արտահանողներին, միաժամանակ իրականացնելով բնապահպանական անվտանգության արդյունավետ ծրագրեր: Այդ ծրագրերը ենթակա են երկարաժամկետ բանկային ֆինանսավորման և ուղղված են ներդրումների ներգրավմանը Սփյուռքից:

Նշենք, որ «Կոնվերս Բանկը» հիմնադրվել է 1993 թ-ին: Կապիտալի երկրորդ համալրումից հետո, 2016-ի դեկտեմբերին, բանկի բաժնետերերն են`Advanced Global Investments LLC (Էդուարդո Էռնեկյան) - 80,94%, Էջմիածնի Մայր տաճար - 5% և Հայփոստ Թրասթ Մենեջմենթ Բի.Վի. - 14.06%: Բանկն ունի 34 մասնաճյուղ, որից 13-ը գտնվում է Երևանում, 20-ը`մարզերում, 1-ը Ղարաբաղում: Կոնվերս բանկի ընդհանուր կապիտալը 2016-ի հոկտեմբերին կազմել է 30.2 մլրդ դրամ ($ 63,7 մլն), նորմատիվային ընդհանուր կապիտալը - 28.2 մլրդ դրամ, կանոնադրական կապիտալը - 14,1 մլրդ դրամ ($ 29.6 մլն), ակտիվները - 173.7 մլրդ դրամ ($ 366,1 մլն), վարկային ներդրումները - 107,8 մլրդ դրամ ($ 227,2 մլն, որի 54% -ը կազմել են տնտեսության վարկերը), բանկի պարտավորությունները կազմել են 143.5 մլրդ դրամ ($ 302,4 մլն): Տարվա առաջին 9 ամիսները բանկը եզրափակել է 1.8 մլրդ դրամ կամ $ 3.7 մլն. զուտ շահույթով, տարեկան աճը`մոտ 3 անգամ:

Հիշեցնենք, որ Էդուարդո Էռնեկյանի կողմից ստեղծվել է «Էռնեկյան Խումբը», որի կազմում են նրան պատկանող բոլոր ակտիվները, ինչպես նաև տեքստիլ արտադրությունը, որը կենտրոնացված է Արգենտինայի 4 շրջաններում, իրացումով ԱՄՆ-ում, Եվրոպայում, Ասիայում և երկրի ներսում: Նրան է պատկանում «America TV»-ն, 4 ռադիոկայաններ և «EI» արգենտինյան ֆինանսական պարբերականը: Էներգետիկ ոլորտում «Էռնեկյան գրուպ»-ի կողմից Արգենտինայում կառուցվել բիոդիզելային վառելիքի երկու ժամանակակից գործարան, ինչպես նաև նա հաղթել է Արգենտինայի հարավում նավթի և գազի հետախուզման և շահագործման կոնցեսիոն մրցույթում: Էռնեկյանին է պատկանում նաև Aeropuertos Argentina օպերատորը, որը կառավարում է 32 արգենտինյան օդանավակայաններ`Ուրուգվայում, Էկվադորում և Հարավային Ամերիկայի մյուս երկրներում: Գործարարին են պատկանում նաև խոշոր արգենտինյան ընկերությունների բաժնետոմսեր: Էռնեկյանը հանդիսանում է American International Airports ընկերության  սեփականատերը, որն իրականացնում է նաև Երևանի «Զվարթնոց» օդանավակայանի  կոնցեսիոն կառավարումը: