Արմինֆո. Հայաստան-Վրաստան բարձրավոլտ նոր օդային գծի շինարարությունը կմեկնարկի հաջորդ տարի։ Ֆեյսբուքյան ասուլիսում ամփոփելով 2016թ. կատարված աշխատանքները՝ հայտարարել է ՀՀ էներգետիկ ենթակառուցվածքների և բնական պաշարների փոխնախարար Հայկ Հարությունյանը։
Ծրագրի իրականացումը հնարավորություն կտա առաջին փուլում երկու երկրների միջև փոխհոսքերը հասցնել 350, այնուհետև՝ 700 մեգավատի։
Արդեն մեկնարկել է Իրան-Հայաստան բարձրավոլտ երրորդ գծի շինարարությունը։ Գծի կառուցումը նպատակ ունի մի քանի անգամ ավելացնել Իրանի հետ փոխհոսքերը։ Այս երկու համակարգային ծրագրերի իրականացման արդյունքում Հայկ Հարությունյանի կարծիքով, Հայաստանն ունենալու է սկզբունքային նոր էներգահամակարգ։ «Դրանով հնարավորություն ենք ունենալու շուրջ 3 անգամ ավելի շատ էլեկտրաէներգիա արտահանել, քան մեր ներքին շուկայի սպառումն է։ Սա լուրջ նախադրյալներ է ստեղծում տարածաշրջանային գործընթացներում կարևոր դերակատար դառնալու համար»,-ասել է փոխնախարարը։ Նշենք,ո ր Հայաստան-Վրաստան, Իրան-Հայաստան էլեկտրահաղորդման գծերի կառուցումը թույլ կտա միասնական էներգետիկ միջանցք ստեղծել:
Նախագծի շրջանակներում նախատեսվում է 722 էլեկտրական սյուների տեղադրում, ընդ որում՝65 սյուների հենարաններն արդեն պատրաստ են: Գործնականում, բոլոր հատվածները, որոնցով պետք է անցնի ԷՀԳ-ն, արդեն գնված են: Ավարտվել է սարքավորումների թեստավորումը, որը բերվել է Հայաստան ևպահեստավորվել: Հայաստանը տարածաշրջանի գործընկերների հետ միասին մտադիր է ստեղծել տարաշրջանային էլեկտրաէներգետիկ շուկա: Խոսքն առաջին հերթին վերաբերում է Իրանի, Վրաստանի, Հայաստանի և Ռուսաստանի էլեկտրաէներգետիկ համակարգերի արդյունավետ զուգահեռ աշխատանքին: Այս առումով Իրան-Հայաստան, Հայաստան-Վրաստան էլեկտրահաղորդման գծերի կառուցումը կստեղծի դրա համար անհրաժեշտ բոլոր նախադրյալները:
Երկու նախագծերն էլ կիրականացվեն մինչև 2019 թ. վերջը: Միաժամանակ Վրաստանը բանակցություններ է վարում Ռուսաստանի Դաշնության հետ 500 կիլովոլտ ԷՀԳ և ենթակայանների կառուցման շուրջ, ինչը թույլ կտա իրականացնել ոչ միայն էլեկտրաէներգիայի փոխհոսքեր, այլ նաև՝ կոմերցիոն գործարքներ: Ներկայումս չորս պետությունների փոխնախարարների մակարդակով համակարգող խումբն ակտիվ աշխատանք է տանում նախագծերի իրականացման ողջ գործընթացի սկսման ուղղությամբ: Նախատեսվում է, որ մինչև 2019 թ. վերջը 1 հազար մեգավատտ հզորությամբ «Հյուսիս-Հարավե էլեկտրաէներգետիկ միջանցքը կգործի ամբողջ ուժով:
Նշենք, որ Իրան-Հայաստան ԷՀԳ կառուցումն իրականացնում է «Սանիրե իրանական ընկերությունը: Ծրագրի ընդհանուր արժեքը 107,9 մլն եվրո է: Շինարարությունը սկսվել է 2012 թվականին, սակայն Իրանի նկատմամբ պատժամիջոցների և անհրաժեշտ ֆինանսական ռեսուրսների բացակայության պատճառով շինարարությունը փոքր-ինչ ձգձգվել է: Այսօրվա դրությամբ իրականացվել է $1,43 մլն-ի աշխատանք:
Արթուր Ավետիսյան․ Ապագա ԱԷԿ-ի մոդելի ընտրության շուրջ բոլոր մտորումները խոսակցություններից այն կողմ չեն գնա, քանի դեռ չկա ռազմավարական զարգացման տեսլական
ՀԿԵ-ն շեշտը դնում է սպասարկման որակի և փոխադրումների նոր ձևաչափերի վրա 
Հայաստանը պատրաստվում է պետական պարտքի "ռեբրենդինգի"
Հայաստանն ու Ֆրանսիան դիտարկում են տեխնոլոգիական ոլորտում համագործակցության ընդլայնման հեռանկարները
ՀԷՑ-ի ժամանակավոր կառավարիչը՝ «թերահավատներին». "նույնիսկ սաղմնային փուլում հզոր ազդակ է տրված հատվածի տնտեսական ակտիվությանը"
Հայաստանի խորհրդարանը հավանություն է տալիս ՀԷՑ-ի ազգայնացմանը