Ինչ է մեզ համար պատրաստում գալիք օրը, կամ ինչ կարելի է ակնկալել Վրաստանի և Գազպրոմի հերթական հանդիպումից

Արմինֆո. Վրաստանի էներգետիկայի նախարարության և Գազպրոմի միջև շարունակվում են ռուսական գազի դեպի Հայաստան տարանցիկ մատակարարման շուրջ բանակցությունները, և առայժմ վաղ է խոսել արդյունքների մասին: Այս մասին ԱրմԻնֆո գործակալությանը տեղեկացվել է «Գազպրոմ Արմենիա» ՓԲԸ մամուլի ծառայությունից: Նշենք, որ նշված բանակցությունների հերթական, երրորդ փուլն այսօր տեղի կունենա Մինսկում:

«Ռուսական գազի դեպի Հայաստան տարանցիկ մատակարարման շուրջ բանակցություններում վրացական կողմի և «Գազպրոմի» միջև վերջնական համաձայնությունը դեռ ձեռք չի բերվել»,-հայտարարել է «Գազպրոմ Արմենիա» ՓԲԸ մամուլի քարտուղար Շուշան Սարդարյանը, մեկնաբանելով վրացական կողմի տեղեկությունը վերջին հանդիպման բացասական արդյունքների մասին:

«Գազպրոմ Արմենիա» ընկերության ներկայացուցիչը կոչ է արել նաև ձեռնպահ մնալ վաղաժամ գնահատականներից, քանի որ բացասական արդյունքի դեպքում կվերանայվի հայ սպառողին մատակարարվող ռուսական գազի սակագինը:

Հիշեցնենք, որ «Գազպրոմ Էքսպորտ» ՍՊԸ և «Վրաստանի գազատրանսպորտային ընկերություն» ՍՊԸ միջև բանակցությունները նախաձեռնել է ռուսական կողմը, հաշվի առնելով Հայստանին մատակարարվող գազի սակագնի իջեցման հնարավորությունը: Ըստ Սարդարյանի, հարկավոր է սպասել բանակցությունների ավարտին:

Ռուսական գազի տարանցիկ  մատակարումը Հայաստանին վաղուց հանդիսանում է Մոսկվայի և Թբիլիսիի քննարկումների առարկան, բայց կողմերը ոչ մի կերպ չեն կարողանում գալ համաձայնության: Ընդ որում, մինչ օրս Վրաստանն ստացել է Հայաստան մատակարարվող ռուսական գազի ընդհանուր ծավալի 10%-ը: Այժմ Ռուսաստանը ցանկանում է տարանցիկ մատակարման դիմաց վճարել գումարով, ինչին Վրաստանը համաձայն չէ: Ի դեպ գործող պայմանագրի ժամկետը լրացել է 2016 թվականի դեկտեմբերի 31-ին:

Նշենք, որ նախօրեին ՀՀ վարչապետն աշխատանքային հանդիպումներ է ունեցել Իրանի և Թուրքմենստանի դեսպանների հետ, որոնց հետ քննարկել է էներգետիկ համագործակցությունը: Ըստ ԱրմԻնֆո գոծակալության վերլուծաբանների, լիովին հնարավոր է, որ այդ հանդիպման ընթացքում խոսք է գնացել Իրանի տարածքով թուրքմենական գազի սվոպային մատակարարումների հնարավորության մասին: Այսինքն, մի կողմից, տեղի է ունենում թուրքմենական գազի մատակարարումը դեպի Իրան, իսկ վերջինս, իր հերթին, նույնպիսի ծավալներ է մատակարարում Հայաստանին: Նշենք, որ այս տարվանից Հայաստանը ռուսական գազն ստանում է առանց իրավաբանական ձևակերպման, նախկին պայմաններով: Մատակարարումներն իրականացվում են 2013 թվականի դեկտեմբերի 2-ի միջկառավարական համաձայագրերը: Ընդ որում, Ռուսաստանն առանց մաքսային արժեքի ձևակերպման Հայաստանին տարեկան  մատակարարում է 2-2.5 մլրդ.խմ գազ:

Հիշեցնենք, որ «Գազպրոմ Արմենիա» ՓԲԸ հանդիսանում է «Գազպրոմ» ՀԲԸ 100-տոկոսանոց դուստր ընկերություն: «Գազպրոմ Արմենիա» ՓԲԸ ապահովում է Հայաստանի Հանրապետության ներքին շուկայում բնական գազի մատակարարումն ու իրացումը:Գազափոխադրման համակարգում Ընկերության կողմից սպասարկվող մայրուղային գազատարերի և գազատար-ճյուղավորումների ընդհանուր երկարությունը կազմում է 1685 կմ: