Արմինֆո. Անելիք Բանկի կողմից առաջին անգամ թողարկված անվանական արժեկտրոնային պարտատոմսերը նախանշված ժամկետում ամբողջությամբ տեղաբաշխվել են: Այդ մասին ԱրմԻնֆո-ին հայտնել են բանկի մամուլի ծառայությունում:
«Պարտատոմսերի ձեռքբերումը հնարավորություն է տվել մեր հաճախորդներին կատարել այլընտրանքային ներդրում, ինչը միաժամանակ ապահովում է տարեկան կայուն 6.5% եկամուտ: Հաշվի առնելով տեղաբաշխման հաջող ընթացքը նախատեսում ենք հետագայում ևս իրականացնել պարտատոմսերի թողարկումե,- ասել է «Անելիք Բանկե վարչության նախագահ Ներսես Կարամանուկյանը:
Նշենք, որ պարտատոմսերը դոլարային են, շրջանառության ժամկետը՝ 24 ամիս, տոկոսների վճարման պարբերականությունը՝ 6-ամիս:
Հիշեցնենք, որ բանկային նոր պրոդուկների ներդման մասին լրագրողների հետ հանդիպման ժամանակ խոսել է նաև Անելքի Բանկի խորհրդի նորընտիր նախագահ Վարդան Դիլանյանը, ով նշել է բանկի որդեգրած նոր քաղաքականության մասին, այն է՝ ապահովել առավելագույն հարմարավետություն բանկի հաճախորդների համար, ներդնել նոր տեխնոլոգիական նորամուծություններ և առաջարկել բազմազան, մրցակցային ծառայություններ
Հիշեցնենք, որ 2016 թվականի նոյեմբերի սկզբին Անելիք Բանկն ավարտեց լրացուցիչ բաժնետոմսերի թողարկման գործընթացը: Բոլոր 405.511 բաժնետոմսերը տեղաբաշխվել են փակ բաժանորդագրությամբ: Համալրումն իրականացվել է բանկի նոր բաժնետիրոջ կողմից, ինչի արդյունքում Բանկի կանոնադրական կապիտալն ավելացրել է 21.8 մլրդ ՀՀ դրամով, հասցնելով 39 մլրդ.դրամի: Արդյունքում, բանկի ընդհանուր կապիտալը կազմել է 36.7 մլրդ.դրամ, գերազանցելով ՀՀ ԿԲ նորմատիվը: Բանկի բաժնետոմսերը ձեռք է բերել կիպրոսյան FISTOCO LTD ընկերությունը, որի մասնաբաժինը բանկի կապիտալում կազմեց 59.68%, իսկ նախկին սեփականատիրոջ, լիբանանյան CreditBank S.A.L-ի մասնաբաժինը կազմեց 40,32%: Բանկի անուղղակի մեծամասնական բաժնետերերն են ֆիզիկական անձինք` Tarek J. Khalefe (CreditBank S.A.L) և Վարդան Դիլանյանը (FISTOCO LTD): Բանկի բաժնետերերի կողմից ձևավորվել է Բանկի նոր Խորհուրդ, որում ընդգրկվել են բանկային համակարգում բազմամյա փորձ ունեցող մասնագետներ: Բանկի Խորհրդի նախագահն է դարձել Վարդան Դիլանյանը (Accenture PLC խորհրդատվական ընկերություն): Բանկի Վարչության ղեկավարը չի փոխվել, այն կշարունակի ղեկավարել Ներսես Կարամանուկյանը:
Ալեքսեյ Մելնիկով. ՀԿԵ-ն թողունակության բավականին լուրջ պաշար ունի
Հայաստանում դոլարային հիփոթեքի արգելքը՝ սպառողի շահերի պահապան թե բանկային շահերի լոբբինգ. Կարեն Զաքարյան
ԵԱՏՄ երկրներ ավտոմեքենա վաճառելիս ՊԵԿ-ի տեղեկանքները չեղարկվել են
Հայաստանի տնտեսությունն անառողջ է. տնտեսագետն առաջարկում է առկա խնդիրների լուծման եղանակներ
ԱԶԲ պատվիրակությունն այցելել է Հյուսիս-Հարավ ճանապարհային միջանցքի Սիսիան-Քաջարան հատված
Հայաստանի բանկերի միության խորհրդի նախագահ է ընտրվել Մհեր Անանյանը