Հայաստանի առևտրի ոլորտի հասույթը 2016 թվականի առաջին 11 ամիսների ընթացքում առաջին անգամ արձանագրել է դրական դինամիկա

Արմինֆո. Հայաստանի առևտրի ոլորտի շրջանառությունը 2016 թվականի հունվար-նոյեմբերին, 2015 թվականի նույն ժամանակահատվածի համեմատ, առաջին անգամ արձանագրել է դրական դինամիկա, հաշվետու ժամանակահատվածում ավելանալով 0.3%, նախորդ տարվա 7.1% անկման փոխարեն, կազմելով 1.9 տրլն. դրամ ($ 4 մլրդ): Միայն նոյեմբերին առևտրի շրջանառությունը կրճատվել է 1.6%, մինչև 190.3 մլրդ. դրամ ($ 397 մլն):

Դրական դինակիյաի արձանագրումը պայմանավորված էր մեծածախ առևտրի և մեքենաների առևտրի շրջանառության աճով, ինչպես նաև մանրածախ առևտրի շրջանառության դանդաղումով: Մասնավորապես, մեծածախ առևտուրը հունվար-նոյեմբերին աճել է 3.1%, մինչև 792.2 մլրդ. դրամ ($ 1.6 մլրդ), նախորդ տարվա անկումը`3,9%: Ավտոմեքենաների առք / վաճառքի ծավալը հունվար-նոյեմբերին աճել է 20.3%, մինչև 81.1 մլրդ.դրամ ($138.7 մլն), նախորդ տարվա 10% անկման փոխարեն: Ամսական կտրվածքով մեծածախ առևտրի շրջանառությունը կրճատվել 1.4%, մինչև 75.2 մլրդ դրամ, մանրածախ առևտուրը`2.4%, մինչև 105.5 մլրդ դրամ, ավտոմեքենաների առևտուրը` 5%, մինչև 9,6 մլրդ դրամ:

Ըստ ՀՀ Ազգային վիճակագրական ծառայության տվյալների, մանրածախ առևտրի շրջանառությունը 2016-ի հունվար-նոյեմբերին կազմել է 1 տրլն.դրամ ($ 2.2 մլրդ), անկումը` 2.9%, նախորդ տարվա անկումը`8.8%: Մանրածախ առևտրի շրջանառության կառուցվածքում հիմնական ծավալներն ապահովել են խանութները (այդ թվում նաև սուպերմարկետները) - 77,1% կամ 825.6 մլրդ դրամ, (տարեկան աճը`2%), և առևտրի մյուս օբյեկտները`12.9% կամ 138 մլրդ դրամ (տարեկան անկումը`24.3%), որոնց հաջորդում են սպառողական շուկաները`6.2% կամ 66 մլրդ.դրամ (տարեկան անկումը`2.5%), կրպակները` 2.3% կամ 22.6 մլրդ.դրամ (տարեկան անկումը`4.4%) և գյուղատնտեսական շուկաները`1.5% կամ 16 մլրդ դրամ (տարեկան անկումը`7.1%):

Հայաստանի ընդհանուր առևտրաշրջանառության կառուցվածքում գերակշռում է մանրածախ առևտուրը`55.1%, որին հաջորդում է մեծածախ առեվտուրը` 40.7%, իսկ ավտոմեքենաների առևտուրը կազմել է 4.2%:

ՀՀ դրամի միջին հաշվարկային փոխարժեքը 2016 թվականի նոյեմբերին կազմել է 478.52 դրամ/դոլար, հունվար-նոյեմբերին`480.27 դրամ/դոլար: