Չորեքշաբթի, 11 Հունվարի 2017 16:46

Արմինֆո. ՀՀ դրամի դիրքը ԱՄՆ դոլարի նկատմամբ 2016 թվականի հունվար-դեկտեմբերին չի փոփոխվել, մինչդեռ արձանագրվել է 1.1% գնանկում: Տարեկան կտրվածքով դոլարի նկատմամբ դրանի աննշան արժևորումն ուղեկցվել է 1.1% գնանկումով: Միայն 2016-ի դեկտեմբերին դրամն արժեզրկվել է 0.9%, իսկ գնաճը կազմել է 1.1%: Ինչպես ԱրմԻնֆո գործակալությանը տեղեկացվել է ՀՀ Ազգային վիճակագրական ծառայությունից, 2016 թվականի դեկտեմբերին միջին փոխարժեքը կազմել է 482.8 դրամ/դոլար, 2015-ի դեկտեմբերի 482.9 դրամ/դոլարի և 2014-ի դեկտեմբերի 463.5 դրամ/դոլարի համեմատ: 2015-ի հունվար-դեկտեմբերին դրամի արժեզրկումը դոլարի նկատմամբ կազմել էր 0.6%, գնաճը` 1.7%:

Նշենք, որ 2008 թվականի սեպտեմբերի համեմատ դրամով դոլարի նկատմամբ թուլացավ 57%, 2009-ի դեկտեմբերի համեմատ`27%, ինչը բացատրվում է այդ ժամանակահատվածում դրամի կտրուկ արժեզրկումով երկու անգամ` 2009 թվականի մարտի 3-ին – 22%, և 2014 թվականի հոկտեմբեր-դեկտեմբերին – 45%: Եվ եթե 2009-ին պատճառը ՀՀ ԿԲ անցումն էր արժույթի լողացող փոխարժեքի քաղաքականությանը, ապա 2014-ին դա տեղի ունեցավ արտաքին գործոնների ազդեցության ներքո, երբ փլուզվեց ռուսական ռուբլին և կրճատվեցին դեպի Հայաստան մասնավոր տրանսֆերտների հոսքերը, ինչպես նաև ընկավ արտահանումը, նվազեց ներմուծումը, էապես դանդաղեց տնտեսական զարգացումը: 2015 թվականին Հայաստանի մանրածախ արտարժույթի շուկայում դրամի դոլարի նկատմամբ թուլացավ`477-ից մինչև 482 դրամ / դոլար, բայց եվրոյի նկատմամբ ամրապնդվեց` 571,5-ից մինչև 529 դրամ /եվրո, իսկ  ՌԴ ռուբլու նկատմամբ`8.2-ից մինչև 6.9 դրամ /ռուբլի: Ընդ որում, դեկտեմբերի 14-28-ը ԿԲ գրեթե ամեն օր միջամտում էր շուկային: Դրամի արժեզրկման տրամադրությունը 2015-ին դիտվում էր արտաքին առևտրի շրջանառության նվազեցմանը (20.6%) զուգահեռ, ընդ որում, ավելի  զգալիորեն կրճատվեց ներմուծումը (26.5%), քան արտահանումը (3.9%), ինչպես նաև դեպի Հայաստան տրանսֆերտների ներհոսքը կրճատվեց ավելի քան 30%, ընդ որում, այդ ամենը տեղի ունեցավ բնակչության առանց այն էլ ցածր վճարունակության և երկրի տնտեսական ցածր ակտիվության պայմաններում: 2016 թվականին Հայաստանի արտարժույթի մանրածախ շուկայում դրամը դոլարի և ռուբլու նկատմամբ թուլացավ, մինչև 484դրամ / դոլար և 8 դրամ /ռուբլի մակարդակներ, իսկ եվրոյի նկատմամբ`մինչև 512 դրամ/ եվրոի մակարդակ:

Ըստ ՀՀ Ազգային վիճակագրական ծառայության տվյալների, դրամի արժեզրկումը դոլարի նկատմամբ 2015 թվականին կազմել է 4,2%, իսկ սպառողական գներն իջել են ընդամենը 0.1%, իսկ միայն դեկտեմբերին դրամը դոլարի նկատմամբ արժեզրկվեց 0,6% (մինչև 482.9 դրամ / դոլար), գնաճը կազմեց 1.7%: 2014-ին դրամի արժեզրկումւը կազմեց 14.1% (միայն դեկտեմբերին`10%, իսկ գնաճը 3%), ուղեկցվելով 4.6% գնաճով: 2013-ին դրամի արժևորումը կազմեց 0.1%, գնաճը` 5.6%: 2012-ին գնաճը կազմեց 3.2%, իսկ դրամի արժեզրկումը դոլարի նկատմամբ`5,8%: 2011-ին գնաճը կազմեց 4.7%, իսկ դրամի արժեզրկումը դոլարի նկատմամբ կազմեց 6,2%, իսկ 2010-ի գնաճը կազմեց 9.4%, դրամի արժևորումը դոլարի նկատմամբ`5,2%: