Ուրբաթ, 13 Հունվարի 2017 14:09
Ալեքսանդր Ավանեսով

Սերգեյ Վալկո. 2016 թիվը Հայաստանի երկաթուղու համար եղել է բավականին դժվար

Սերգեյ Վալկո. 2016 թիվը  Հայաստանի երկաթուղու համար եղել է բավականին դժվար

Արմինֆո. «Հարավկովկասյան երկաթուղի» ՓԲԸ-ն ամփոփեց 2016 թվականին աշխատանքի արդյունքները: Ինչպես նշեց խորհրդակցության ընթացքում ՀԿԵ գլխավոր տնօրեն Սերգեյ Վալկոն, տարին Հայաստանի երկաթուղու համար եղել էր բավականին դժվար, ընկերությունն աշխատում էր խիստ մրցակցության պայմաններում, ապահովում կայուն աշխատանքային պայմաններ:

 

«Մեզ հաջողվեց ապահովել երկաթուղու եկամուտները նախատեսված ցուցանիշի 100,7% մակարդակի վրա՝ ավելացումն երաշխավորելով փոխադրումների ծավալի աճի և հաճախորդների հետ փոխգործակցության մակարդակի կատարելագործման հաշվին: Լիովին կատարեցինք բոլոր ներդրումային ծրագրերը», - հայտարարեց Ս.Վալկոն:

 

Ընկերության ղեկավարը նշեց, որ անցնող տարին հատկանշական էր երկաթուղու համար կարևոր նշանակություն ունեցող բազմաթիվ իրադարձություններով՝ հիշեցնելով, որ 2016-ին շահագործման էր հանձնվել Հայաստանի տարածքում ТР-3 տիպի վերանորոգում անցած առաջին էլեկտրագնացքը և ավարտվել Հայաստանի տարածքով իրականացված Եվրոպայից Իրան առաջին մուլտիմոդալ բեռնափոխադրումը: Ս.Վալկոն հանձնարարեց շարունակել և կատարելագործել աշխատանքը այս ուղղություններով: Նա հայտնեց, որ նշված ժամանակահատվածում դիտարկվում էր երկաթուղային բեռնափոխադրումների աճի դրական դինամիկա և դրանց ծավալը 1%-ով գերազանցեց նախատեսվող և 2,3%-ով՝ անցյալ տարվա ցուցանիշը: Արտահանումը 9%-ով կամ 28,8 հազ տն-ով գերազանցեց 2015-ի ցուցանիշը: Փոխադրումները տեղական հաղորդակցությունում ավելացել են 10,1%-ով: Միևնույն ժամանակ Ս.Վալկոն արձանագրեց ներմուծման ծավալի կրճատումը 18,5%-ով:

 

Ընկերության ղեկավարը տեղեկացրեց, որ աճ է գրանցվել նաև մի շարք որակական ցուցանիշների գծով: Մասնավորապես, ավելացել է լոկոմոտիվի միջին օրական վազքը և արտադրողականությունը: Տեղամասային արագությունը կազմել է 35,1 կմ/ժ նախատեսվող 34 կմ/ժ դիմաց: Կրճատվեց նաև բեռնատար վագոնի շրջանառությունը. այն կազմեց 2,7 օր նախատեսվող 2,9-ի դիմաց: Միևնույն ժամանակ Սերգեյ Վալկոն արձանագրեց երկաթուղու աշխատանքի մի շարք ցուցանիշների կատարելագործման անհրաժեշտությունը: Դրանց թվում է բեռնատար գնացքի քաշը, էլեկտրաէներգիայի ծախսը:

 

Խոսելով գնացքների ժամանակացույցի մասին՝ ՀԿԵ գլխավոր տնօրենը նկատեց, որ տարվա ընթացքում երկաթուղին սպասարկել է 13 048 գնացք, որից 12 919-ը՝ ըստ չվացուցակի: Ս.Վալկոն ընդգծեց չվացուցակի պահպանման ուղղությամբ տարվող աշխատանքների կատարելագործման անհրաժեշտությունը: Ընկերության ղեկավարը հատուկ կարևորեց անվտանգության հարցը, նշելով, որ 2016 թվականին գծի բալային գնահատականը բարելավել է 7 կետով՝ կազմելով 87 միավոր: Բացի այդ 10% և 11% համապատասխան կրճատվեց նաև երկաթուղում գրանցված թերությունների և խափանումների թիվը: Գլխավոր տնօրենը հայտնեց, որ տարվա ընթացքում կապիտալ վերանորոգվել է 12,7 կմ գիծ, փոխվել է 39,4 հազար կոճ, այդ թվում՝ 20 հազար նոր երկաթբետոնե և 10 հազար նոր փայտե: Աճ գրանցվեց նաև ուղևորափոխադրումների ոլորտում՝ ուղևորաշրջանառության ծավալն ավելացել էր 12,1%-ով, այդ թվում՝ 24,5%-ով՝ միջազգային և 0,4%-ով՝ տեղական հաղորդակցությունում:

 

Խոսելով ապագա աշխատանքի մասին Ընկերության ղեկավարը նշեց, որ 2017 թվականին երկաթուղայիններին նույնպես լարված և պատասխանատու աշխատանք է սպասում, իսկ դրական արդյունքը կախված է յուրաքանչյուր երկաթուղայինից: Խորհրդակցության ավարտից հետո կայացած աշխատողների հետ ավանդական հանդիպմանը «Հարավկովկասյան երկաթուղի» ՓԲԸ գլխավոր տնօրենը պատվոգրեր և շնորհակալագրեր հանձնեց երկաթուղայիններին: Բարձր արտադրական ցուցանիշների, պատասխանատու և որակյալ աշխատանքի համար պատվոգրերի արժանացան ՀԿԵ-ի 5 աշխատողներ: Շնորհակալագրեր հանձնվեցին 12 մասնագետներին, ևս 47 աշխատողներ ստացան դրամական պարգևներ: Արդյունավետ տեխնոլոգիաների և էսթետիկայի ձեռնարկության պատվավոր կոչմանն արժանացել էր Փոխադրումների տնօրինության «Գյումրի» գծային-կայարանային միավորման Գյումրի հենակետային կայանը:

 

Շնորհավորելով երկաթուղայիններին՝ ՀԿԵ ղեկավարը բոլորին մաղթեց արդյունավետ աշխատանք և դրված խնդիրների հաջող կատարում: «Ցանկանում եմ շնորհակալություն հայտնել բոլորին կատարված աշխատանքի համար և մաղթել ձեզ և ձեր ընտանիքներին բարեկեցություն ու երջանկություն», - ասաց Սերգեյ Վալկոն:

           

«ՀԿԵ» ՓԲԸ-ն  հանդիսանում  է «Ռուսական երկաթուղիներ» ԲԲԸ-ի դուստր ընկերություն և իրականացնում է Հայաստանի երկաթուղային համակարգի կոնցեսիոն կառավարումը: Համաձայն 2008 թ. փետրվարի 13-ին Երևանում կնքված պայմանագրի՝ կոնցեսիոն կառավարման ժամկետը կազմում է 30 տարի՝ կողմերի փոխադարձ համաձայնությամբ ևս 10 տարի երկարացման իրավունքով:

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ
Ներմուծեք թվանշաններն     


Նորություններ


Արտ. փոխարժեքները
06.04.2020
RUB6.580.02
USD501.55-1.42
EUR542.38-1.48
GBP616.76-1.49
CAD355.530.88
JPY45.93-0.45
CNY70.54-0.20
CHF513.30-2.51



Փնտրել ըստ օրերի

Պետական պարտատոմսեր

Issue volume

10 billion

Volume of T-bills for placement

200 million

Volume of submitted competitive applications

200 million

Volume of satisfied bids

200 million

Yield at cut-off price

 5.8314%

Maximum yield

 5.8314%

Мinimum yield

 5.8314%

Weighted average yield

 5.8314%

Number of participants

2

The maturity date of T-bills

03.02.2020

ArmEx

 

СПРОС (Покупка)

USD

Средневзв. Цена

482,00

ПРЕДЛОЖЕНИЕ (Продажа)

  USD

Средневзв. Цена

-

СДЕЛКИ

USD

Цена откр.

482,00

Цена закр.

482,00

Мин. Цена

482,00

Макс. Цена

482,00

Ср/взв. Цена

482,00

-0,16

Кол-во сделок

1

Объем (инвал.)

200 000

0бъем (драм)

96 400 000