Արմինֆո. «Հայաստանի տնտեսությունը, ինչպես արդեն ասացի, եղել և մնում է ծանր իրավիճակում: Բայց դա չի նշանակում, որ այն կառավարելի չէ»,-այսօր հայտարարել է ՀՀ վարչապետ Կարեն Կարապետյանը, կառավարության 100-օրյա գործունեության արդյունքներին նվիրված մամուլի ասուլիսում:
Նրա խոսքով, կուտակված պրոբլեմներն անհապաղ լուծելն անհնար է: «Բայց մեր խնդիրն այդ պրոբլեմների լուծման համար պայմանների ստեղծումն է, որպեսզի հետագայում ձեռնարկված քայլերը զգալի լինեն երկրի շարքային քաղաքացիներին: Վստահ եմ, որ ընթանում ենք ճիշտ ուղղությամբ»,-ընբդգծել է նա:
Նրա խոսքով, կառավարությունը փորձել է 2017 թվականի բյուջեում ամրագրել առավելագույն իրատեսական տնտեսական ցուցանիշներ: Ներկայումս լուրջ սպառնալիքներ չեն երևում փաստաթղթում ամրագրված սպասումների առումով: «Այսօր թվերն այդքան կարևոր չեն, չնայած, վերջին հաշվով, մենք պետք է աշխատենք արդյունքների վրա, թե ինչպես այս կամ այն միտումները և հիմքերը ամրագրված կլինեն տնտեսության զարգացման մեջ»,-հայտարարել է նա: Հենց դրա համար էլ, նրա խոսքով, կառավարությունն իրականացնում է երկու ֆունկցիա, որոնք որոշ առումով գտնվում են միմյանց նկատմամբ հակասության մեջ: «Դա պետկառավարման սանիտարիզացիան է, ծախսերի կրճատումը, վարկերի ներգրավման պայմանների խստացումը, ինչի արդյունքներով կարելի է ստեղծել որոշումների ընդունման դաշտ, որոնք կարող են լինել ավելի արդյունավետ և հասցեավորված: Սակայն, տնտեսական բացասական արդյունքն է արձանագրվում տնտեսական ակտիվության և ծախսերի նվազումը, ինչպես նաև դրամական զանգվածի կրճատումը շուկայում»,-պարզաբանել է վարչապետը: Այդ սանիտարիզացիան, ըստ վարչապետի, մի կողմից ի վիճակի չէ ապահովել տնտեսական աճ: Մյուս կողմից, ըստ վարչապետի, կառավարության առջև դրված է կենսամակարդակի բարձրացման խնդիր, ինչի համար անհրաժեշտ է ավելացնել կապիտալ ծախսերը, ներգրավել լրացուցչչ վարկեր, գործարկել ձեռնարկությունները: «Այս երկու խնդիրներն ունեն լուծումներ, որոնք, հնարավոր է, միմյանց հետ չեն խաչվում: Այսօր մեր խնդիրը դրանց մերձեցումն է, որպեսզի գտնվի մի ընդհանուր լուծում և որոշվի ծախսերի հասցեականությունը, որպեսզի առանց վարկերի մեծացման և կադրերի ավելացման ապահովվի տնտեսական աճ»,-ասել է վարչապետը:
Ըստ վարչապետի, առաջիկա խորհրդարանական ընտրությունները հանդիսանում են տնտեսական աճին խոչընդոտող գործոն: «Եթե այսօր անգամ սովորական քաղաքացին նախատեսում է ապրիլի 3-ից հետո գնել կահույք, ապա ինչ կարելի է ասել բիզնեսի մասին»,-նշել է վարչապետը:
Նա նաև նշել է, որ 2016 թվականին Հայաստանի քաղաքացիների վճարունակության մակարդակը չի ընկել: Ավելին, ըստ վարչապետի, միջին գները հանրապետությունում ընկել են: Ինչ վերաբերվում է ապրանքների սպառմանը, ապա դա պայմանավորված է տնտեսության ընդհանուր վիճակով:
Ըստ պետբյուջեի, ՀՆԱ-ի աճը Հայաստանում 2016-ին նախատեսվում է 2.2%, իսկ 2017 թվականի`3.2%: ԱՄՀ-ն կանխատեսում է 1.9% աճ, ԵԱԶԲ - 2%, Fitch – մինչև 2%, Moody's- ն ակնկալում է դանդաղ աճ - 2.2%: Հետաքրքրական է, որ վերջերս ՀՀ Կենտրոնական բանկը նվազեցրեց Հայաստանի ՀՆԱ-ի կանխատեսումը, մինչև 1.3-1.8%: Ըստ Համաշխարհային բանկի Երևանի գրասենյակի ավագ տնտեսագետ Գոհար Գյուլումյանի, դրական սոցիալական արդյունքն արձանագրելու համար Հայաստանը պետք է տարեկան արձանագրի 5% տնտեսական աճ: Անկախ տնտեսագետները կարծում են, որ երկրում, սկսած աշնանից, փաստորեն սկսվել է տնտեսական ռեցեսիա, որը սպառնում է վերածվել երկարաժամկետ տնտեսական լճացման: Նշենք, որ երկրի բյուջեն 2017 թվականին նախատեսում ՀՆԱ-ի 5% կամ 5.405 տրլն դրամի աճ: Տնտեսական աճը կլինի 3.2%-ի սահմանններում, ինդեքս-դեֆլյատորը`1.7, դեֆիցիտը`150.1 մլրդ դրամ: