Արմինֆո. Պետական ապարատի օպտիմալացման շրջանակներում 2016-2017 թվականներին Հայաստանում նախատեսվում է կրճատել 2902 հոգու: «Մենք պետք է գնանք այնպիսի մի վիճակի, երբ պրոֆեսիոնալիզմը և աշխատանքի որակը պետք է փոխկապակցվեն աշխատակիցների աշխատավարձերի հետ»,-հայտարարել է ՀՀ վարչապետ Կարեն Կարապետյանը հունվարի 13-ին կայացած մամուլի ասուլիսում:
Ըստ վարչապետի, օպտիմալացման շրջանակներում կառավարոթյունը ձգտում է միջոցները ծախսել այն կադրերի վրա, որոնք ապահովում են արդյունք: Ընդհանուր առմամբ, ըստ վարչապետի, 2016-2017 թվականներին պետապարատը 22961 աշխատակցից կկրճատվի մինչև 20059-ի, այդ թվում, նախարարություններում և գերատեսչություններում` 5793-ից մինչև 5195, իսկ պետական ձեռնարկություններում` 17168-ից մինչև 14864: Ընդհանուր հաշվով նախատեսվում է տարեկան տնտեսել 5360 մլրդ.դրամ (մոտ 11 մլն.դոլար): «Շատերը կարող են ուշադրություն դարձնել հարցի սոցիալական կողմին, այսինքն`աշխատատեղերի կրճատմանը: Սակայն, մյուս կողմից, մենք կստանանք ավելի արդյունավետ պետական ապարատ, կվերանա գործառնությունների կրկնությունը, իսկ դա նշանակում է, որ պետական մեքենան կշարժվի ավելի արագ»,-ասել է վարչապետը:
Նշենք, որ անվանական աշխատավարձի աճի տեմպերը Հայաստանում 2016 թվականի հունվար-նոյեմբերին կտրուկ դանդաղեել են`2015-ի հունվար-նոյեմբերի 8.5% աճից մինչև 2% 2016-ի հունվար-նոյեմաբերին, կազմելով, կազմելով 1846796 դրամ ($ 385): Ըստ ՀՀ Ազգային վիճակագրական ծառայության նախնական տվյալների, աշխատավարձը բյուջետային կազմակերպություններում 2016-ի հունվար- նոյեմբերին կազմել է 159413 դրամ ($ 332), կրճատվելով 1.2%, նախորդ տարվա նույն ժամանակահատվածի 9.7% աճի համեմատ: Ոչ բյուջետային կազմակերպություններում աշխատավարձի տարեկան աճը դանդաղել է մինչև 4.4%, նախորդ տարվա նույն ժամանակահատվածի 7.1% համեմատ կազմելով 218173 դրամ ($ 454): Միայն նոյեմբերին բյուջետայինների աշխատավարձերն աճել են 0.2%, իսկ ոչ բյուջետայինների աշխատավարձերը նվազել են 0.2%, մինչդեռ, մեկ տարի առաջ, նույն ամսում, բյուջետայինների աշխատավարձերն աճել էին 0.3%, իսկ ոչ բյուջետայիններինը` 0.1%: Համեմատության համար նշենք, որ 2015 թվականի հունվար-նոյեմբերին անվանական աշխատավարձը Հայաստանում տարեկան կտրվածքով աճել էր 8%, միայն նոյեմբերին` 0.3%: Ընդ որում, բյուջետային կազմակերպություններում աշխատավարձը նոյեմբերին աճել էին 8.1%, իսկ ոչ բյուջետային կազմակերպություններում`7.7%: