Արմինֆո. Փոքր և միջին ձեռնարկատիրության ֆինանսավորմած 6 գիտական ծրագրարի ավարտից հետո Հայաստանում և Ռուսաստանում նախատեսվում է համատեղ ձեռնարկությունների ստեղծում: Այս մասին հունվարի 17-ին կայացած մամուլի ասուլիսում հայտարարել է ՀՀ ԿԳՆ գիտության պետական կոմիտեի նախագահ Սամվել Հարությունյանը, ամփոփելով 2016 թվականի գործունեության արդյունքները:
2016 թվականի հունիսի 16-ին Մոսկվայում համագործակցության համաձայնագիր է ստորագրվել գիտատեխնիկական ոլորտի փոքր ձեռնարկույթունների աջակցության հիմնադրամի հետ: Համաձայնագրի նպատակը փոքր և միջին նորարարական ձեռնարկությունների և հետազոտական ինստիտուտների զարգացումն է միջազգային համագործակցության և տեխնիկական / ակադեմիական անձնակազմի և հետազոտողների երկկողմ փոխանակման ծրագրերի շրջանակներում:
2016 թվականին Հայաստանում առաջին անգամ տեղի ունեցավ ռուսական կողմի հետ համատեղ մրցույթ ՓՄՁ ոլորտի աջակցության գիտական և ինովացիոն ծրագրերի միջև: Հաստատված 22 հայտերի առկայությամբ որոշում է ընդունվել 6 ծրագրերի ֆինանսավորման մասին: «Առաջին անգամ մենք ֆինանսավորում ենք փորձա-կոնստրուկտորական աշխատանքները, որոնք հետագայում անմիջականորեն կներդրվեն Հայաստանի և Ռուսաստանի տնտեսություններում: Այսպիսով, ծրագիրը կավարտվի երկու երկրներում համատեղ ձեռնարկությունների ստեղծումով»,-նշել է Հարությունյանը: Հայկական կողմի ներդրումները, նշել է նա, բավականին համեստ են: Միևնույն ժամանակ, ռուսական կողմը նույնպես ցանկություն է հայտնել ծրագրի ավարտից հետո գտնել ներդրողների:
Ինչպես պարզաբանել է Հարությունյանը, ֆինանսավորված ծրագրերից մեկը վերաբերվում է պարարտանյութերի արտադրության ստեղծմանը ոչսպիտակուցային ամինաթթուների հիմքի վրա: Ծրագիրը ներկայացվել է ՀՀ վարչապետին, ով խոստացել է, որ ծրագրի արդյունաները լայն կիրառոթյուն կունենան գյուղատնտեսությունում:
Մյուս ծրագրը վերաբերվում է միջուկային էներգետիկայի ոլորտին, մասնավորապես, ԱԷԿ-ի համար ջերմային սենսորների ստեղծմանը: Ծրագրի հեղինակներն են Հայաստանի և Ռուսաստանի հայտնի դեմքեր: «Կարծում եմ, որ ծրագիրն ունի մեծ ապագա»,-հայտարարել է Հորությունյանը:
Կան ծրագրեր նաև միկրոկենսաբանության, բժշկության, ֆիզիկայի, արագացուցիչների արդիականացման ոլորտներում:
Նշենք, որ համաձայնագրի շրջանակներում համագործակցության հիմնական ուղղություններն են` էներգետիկա, տեղեկատվական և հաղորդակցական տեխնոլոգիաներ, կենսատեխնոլոգիա և բժշկություն, տիեզերական և միջուկային հետազոտություններ, տեխնիկա և տեխնոլոգիաներ, նյութաբանություն: Համաձայնագրով նախատեսվում է համատեղ գիտական մրցույթների իրականացում, համատեղ ծրագրերի մշակում և իրականացում «Հորիզոն 2020» ծրագրի շրջանակներում, համագործակցության ցանցի ամրապնդում փոքր և միջին ձեռնարկությունների և գիտահետազոտական ինստիտուտների միջև: