Արմինֆո. Հայբիզնեսբանկն իր ակտիվների 404.4 մլրդ.դրամ կամ 835 մլն.դոլար ծավալով ամրապնդվել է առաջատարների եռյակում, 2016 թվականին արձանագրելով 31.3% աճ: Ըստ ԱրմԻնֆո գործակալության կողմից բանկի հրապարակած ֆինանսական հաշվետվությունների հիման վրա կազմված` Հայաստանի Բանկերի Եքսպրես-Ռենկինգի, ակտիվների նման աճ Հայբիզնեսբանկը 2016 թվականին ապահովեց հիմնականում կանխիկ դրամական միջոցների (աճը`գրեթե 2 անգամ) և պետական պարտատոմսերում կատարած ներդրումների (մինչև 54 5%) հաշվին, ինչին զուգահեռ բանկի վարկային պորտֆելն աճեց ընդամենը 29.5%:
Համեմատության համար նշենք, մի տարի առաջ, 2015 թվականին, Հայբիզնեսբանկն ապահովվել էր ակտիվների աճի համեմատաբար ավելի բարձր տեմպեր`39,8%, և այն ժամանակ հիմնական շարժիչ ուժը բանկի վարկային պորտֆելն էր (53.9%), և միայն դրանից հետո`կանխիկ միջոցները (31 2%) և ներդրումները պետական պարտատոմսերում (9.9%):
2017 թվականի հունվարի 1-ին Հայբիզնեսբանկի վարկային պորտֆելը հասավ 268.5 մլրդ դրամի կամ 554,8 մլն.դոլարի, կանխիկ միջոցները`59,98 մլրդ դրամի կամ 123,9 մլն.դոլար, ներդրումները պետական պարտատոմսերում`35.9 մլրդ դրամի կամ 74.1 մլն դոլարի:
Արդյունաում, 2016 թվականը Հայբիզնեսբանկը եզրափակեց 1,5 մլրդ դրամ կամ 3.04 մլն.դոլար զուտ շահույթով, տարեկան աճը`25%: Ընդ որում, միայն IV եռամսյակում բանկի զուտ շահույթն ավելացավ գրեթե 3 անգամ, դուրս գալով մինուս ցուցանիշից: Բայց եկամտային մասի եռամսյակային աճը հիմնականում խթանվեց ոչ տոկոսային եկամուտների (40.4%), քան տոկոսային եկամուտների (10.2%) հաշվին, իսկ վարկային պորտֆելի բացարձակ աճը կազմեց 21.3%, իսկ ներդրումները պետական պարտատոմսերում` 43 %: Ընդ որում, ծախսային մասում տոկոսային ծախսերի համեստ եռամսյակային աճն (6.3%) ուղեկցվեց ոչ տոկոսային ծախսերի 35% աճով, վարչական և գործառնական ծախսերի` համապատասխանաբար 41,7% և 51,7% ոճի հաշվին: Տարեկան կտրվածքով բանկի տոկոսային եկամուտն աճել է 16%, իսկ ոչ տոկոսային եկամուտները` 57%, մինչդեռ տոկոսային ծախսերի 20% աճն ուղեկցվեց ոչ տոկոսային ծախսերի 29.5% աճով: Վերջիններիս կառուցվածքում վարչական ծախսերը հաշվետու տարում ավելացան 13.3%, գործառնական ծախսերը`47.1%, կոմիսիոն ծախսերը նվազեցին 17.7%, իսկ կոմիսիոն եկամուտներն աճեցին 8,7%:
Հայբիզնեսբանկի ընդհանուր պարտավորությունները 2016 թվականին աճել են 32.2%, մինչև 367.6 մլրդ դրամ կամ 759,6 մլն.դոլար, ամրապնդվելով առաջատարների եռյակում: Դրանց կառուցվածքում հաճախորդների հանդեպ պարտավորություններն աճել են 42,2%, մինչև 261.3 մլրդ դրամ կամ 540 մլն.դոլար: Բանկի ընդհանուր կապիտալը 2016-ին աճել է 23,1%, մինչև 36.8 մլրդ դրամ կամ 76 մլն.դոլար, որի կառուցվածքում կանոնադրական կապիտալը կազմում է 85,3%, իսկ կուտակված շահույթը`7.6%: Տարեկան կտրվածքով բանկն ավելացրել է կանոնադրական կապիտալը`37,1%, մինչև 31,4 մլրդ դրամ, իսկ կուտակված շահույթը կրճատվել է 2 անգամ, մինչև 2,8 մլրդ դրամ: Մինչ այդ բանկի կանոնադրական կապիտալը համալրվել էր 2011-ին`30.1% և 2014-ին` 30.9%: Բանի նորմատիվային ընդհանուր կապիտալը 2017 թվականի հունվարի 1-ին կազմել է 30.2 մլրդ դրամ, տարեկան աճը` 15%: Ընդհանուր իրացվելիության նորմատիվը հաշվետու տարվա ընթացքում աճել է 16.01%, մինչև 17.1% (պահանջվող նվազագույնը`15%), իսկ ընթացիկ իրացվելիության նորմատիվը` 76,98%, մինչև 120.47% (պահանջվող նվազագույնը`60%):
Նշենք, որ Հայբիզնեսբանկ հայկական շուկայում գործում է 1991 թվականից: Բանկի միանձնյա սեփականատերն է Վիտալի Գրիգորյանցը: Բանկն ունի 50 մասնաճյուղ (5 տեղ), որից որից 21-ը գտնվում`Երևանում, 22-ը`Հայաստանի մարզերում և 7-ը` ԼՂՀ-ում:
Ջիհադ Ազուր. Բուռն աճի պայմաններում կարևոր է խուսափել տնտեսության գերտաքացումից, զսպել գնաճը և ամրապնդել անբարենպաստ ցնցումներին դիմակայելու ունակությունը
Հայաստանին անհրաժեշտ է արդեն փորձարկված ատոմային էներգաբլոկ. մասնագետ
Տնտեսագետ. առանց արդյունաբերության զարգացման միջնաժամկետ հեռանկարում Հայաստանում լուրջ տնտեսական աճ ակնկալելու հարկ չկա
"Սեպուհ-1" ձեռնարկությունը երկարաժամկետ հեռանկարում մտադիր է կազմակերպել գծային արտադրություն, ինչը թույլ կտա ավտոմեքենաներ արտահանել ԵԱՏՄ երկրների շուկա
Ինչպես է փոխվել միջին աշխատավարձ ստացող քաղաքացու կենսամակարդակը վերջին տարում