Հինգշաբթի, 19 Հունվարի 2017 13:54
Ալինա Հովհաննիսյան

Քննարկվել են ՎԶԵԲ-ի հետ համագործակցության հեռանկարները

Արմինֆո. ՀՀ տարածքային կառավարման և զարգացման նախարարի առաջին տեղակալ Վաչե Տերտերյանը հունվարի 18-ին ընդունել է Վերակառուցման և զարգացման եվրոպական բանկի (ՎԶԵԲ) տնօրենների խորհրդի անդամ, հոլանդական խմբի ղեկավար Ֆրանս Վիկերսին:

Ինչպես տեղեկացնում է գերատեսչության մամուլի ծառայությունը, Վաչե Տերտերյանը նախարար Դավիթ Լոքյանի անունից ողջունել է Ֆրանս Վիկերսին և բարձր գնահատել ՎԶԵԲ-ի հետ առկա համագործակցությունը: Փոխնախարարը հատկապես կարևորել է գործակցության փաթեթում առկա երկու ծրագրերը` «Կոտայքի և Գեղարքունիքի մարզերի կոշտ կենցաղային թափոնների կառավարման ծրագիրե-ը և «Գյումրու քաղաքային ճանապարհների ծրագիրե-ը: Վաչե Տերտերյանի խոսքով, ՎԶԵԲ-ի հետ իրականացվող ծրագրերը նաև ՀՀ կառավարության տարածքային զարգացման գերակայության համատեքստում են: «Դրանք նաև հեռանկարային են մասնավոր հատվածին այս ծրագրերում ներգրավելու առումով: Բացի այդ, ՎԶԵԲ-ի ներկայացվածությունը կարևոր է նաև այլ ենթակառուցվածքային զարգացման ծրագրերում, որոնք միտված կլինեն գործարարության զարգացմանը և տնտեսական միջավայրի աշխուժացմանը: Այս ծրագրերը կարևոր են նաև պետություն-համայնք-մասնավոր հատված գործակցության համատեքստում, քանի որ առաջին անգամ այն համայնքները, որտեղ իրականացվելու են ծրագրերը, ներգրավվելու են որպես վարկային գործընթացի մասնակիցներ»,-նշել է փոխնախարարը:

Ֆրանս Վիկերսն իր հերթին շնորհակալություն է հայտնել ընդունելության համար, նշել, որ ՎԶԵԲ տնօրենների խորհրդի անդամ է 2016թ. մայիսից և այցի նպատակն է տեղում ծանոթանալ համագործակցության ընթացիկ վիճակին և գործակցության նոր հնարավորություններին:

Հադիպման ավարտին Վաչե Տերտերյանը շնորհակալություն է հայտնել համագործակցության համար, վստահեցրել, որ Հայաստանի և Վերակառուցման և զարգացման եվրոպական բանկի համատեղ ծրագրերն առաջիկայում ավելի ընդլայնվելու են և ամրապնդվելու:

Հիշեցնենք, որ Վերակառուցման և զարգացման եվրոպական բանկը (ՎԶԵԲ) Հայաստանին է տրամադրել 5.5 միլիոն եվրո գումարի չափով վարկ՝ Կոտայքի և Գեղարքունիքի մարզերում կոշտ թափոնների կառավարման ժամանակակից լուծումներ կիրառելու նպատակով: Վարկի գումարը բաղկացած է նախկինում կնքված համաձայնագրի շրջանակում 3.5 միլիոն եվրո գումարից և ՎԶԵԲ-ի նոր սուվերեն վարկից՝ լրացուցիչ 2 միլիոն եվրո գումարի չափով: Լրացուցիչ 2 միլիոն եվրո գումարը հնարավորություն կընձեռի ընդլայնել Կոտայքի կոշտ կենցաղային թափոնների կառավարման ծրագրի աշխարհագրական շրջանակը՝ ներառելով հարակից Գեղարքունիքի մարզը: Ծրագրի միջոցներով կֆինանսավորվի երկրում առաջին՝ Եվրոպական միության (ԵՄ) չափանիշներին համապատասխանող կոշտ կենցաղային թափոնների աղբավայրի շինարարությունը  Կոտայքի և Գեղարքունիքի մարզերում կոշտ թափոնների կառավարման խնդրի միասնական լուծումն ապահովելու նպատակով: Այս վարկը կհամալրվի կապիտալ դրամաշնորհի ֆինանսավորմամբ 5.5 մլն եվրո գումարի չափով, որը բաղկացած է Եվրոպական Միության Հարևանության ներդրումային գործիքի կողմից (ԵՄ ՀՆԳ) տրամադրված 3.5 միլիոն եվրո դրամաշնորհից և Արևելյան Եվրոպայի էներգետիկ արդյունավետության և Շրջակա միջավայրի գործընկերության (E5P) ֆոնդի կողմից տրամադրված 2.0 միլիոն եվրո դրամաշնորհից: Նոր աղբավայրը, որը գտնվելու է Կոտայքի մարզի Հրազդան քաղաքում և կառավարվելու է տասներկու մասնակից քաղաքապետարանների՝ Հրազդանի, Աբովյանի, Չարենցավանի, Ծաղկաձորի, Բյուրեղավանի, Եղվարդի, Նոր Հաճնի, Սևանի, Մարտունու, Գավառի, Վարդենիսի և Ճամբարակի քաղաքապետարանների կողմից, կգործի որպես կոշտ թափոնների կառավարման ժամանակակից համակարգերով օժտված՝ կոմերցիոն կայուն միավոր, որն ընդգրկում է մունիցիպալ կոշտ թափոնների հավաքումն ու հեռացումը: Բացի այդ, ՎԶԵԲ-ը 14.6 մլն եվրո է տրամադրել Հայաստանին Գյումրու քաղաքային ճանապարհների հիմնանորոգման նպատակով: ՙԳյումրու քաղաքային ճանապարհներ. Տրանշ Ա՚

ծրագրի շրջանակներում ՎԶԵԲ-ի կողմից 2.56 մլն եվրո կտրամադրվի: Վարկային միջոցներով նախատեսվում է իրականացնել Գյումրի քաղաքի ճանապարհների հիմնանորոգման և քաղաքի փողոցների արտաքին լուսավորության ցանցի արդիականացման աշխատանքներ:

Նշենք, որ 1992թ.  Հայաստանի Հանրապետությունում իր գործունեության մեկնարկից ի վեր ՎԶԵԲ-ը ներդրել է ավելի քան 1 միլիարդ եվրո 148 ծրագրերում, երկրի ֆինանսական, կորպորատիվ, էներգետիկայի և ենթակառուցվածքների ոլորտներում, և ներդրումների 87 տոկոսը բաժին է ընկնում  մասնավոր հատվածին:

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ
Ներմուծեք թվանշաններն     


Նորություններ
iDram
btn

Արտ. փոխարժեքները
30.09.2020
RUB6.240.10
USD488.410.79
EUR571.781.75
GBP626.63-0.30
CAD364.57-0.44
JPY46.220.04
CNY71.720.19
CHF528.930.52



Փնտրել ըստ օրերի

Պետական պարտատոմսեր

Issue volume

10 billion

Volume of T-bills for placement

200 million

Volume of submitted competitive applications

200 million

Volume of satisfied bids

200 million

Yield at cut-off price

 5.8314%

Maximum yield

 5.8314%

Мinimum yield

 5.8314%

Weighted average yield

 5.8314%

Number of participants

2

The maturity date of T-bills

03.02.2020

ArmEx

 

СПРОС (Покупка)

USD

Средневзв. Цена

482,00

ПРЕДЛОЖЕНИЕ (Продажа)

  USD

Средневзв. Цена

-

СДЕЛКИ

USD

Цена откр.

482,00

Цена закр.

482,00

Мин. Цена

482,00

Макс. Цена

482,00

Ср/взв. Цена

482,00

-0,16

Кол-во сделок

1

Объем (инвал.)

200 000

0бъем (драм)

96 400 000