Արմինֆո. ՀՀ վարչապետ Կարեն Կարապետյանը կառավարության հունիսի 19-ինիստում կոչ է արել կատարել գոյություն ունեցող ներդրումային ծրագրերի գույքագրում:
Կառավարության ղեկավարը հանձնարարել է պետական բոլոր գերատեսչությունների ղեկավարներին՝ իրականացնել իրենց ոլորտների ներդրումային ծրագրերի գույքագրում և ՀՀ կառավարության աշխատակազմ ներկայացնել այն ծրագրերի ցանկը, որոնցում կանխատեսվում է 2017 թ. ընթացքում ներդրումների իրականացում՝ հստակ նշելով կանխատեսվող ներդրումների ծավալները: «Հաջորդ շաբաթ բոլոր գերատեսչությունները, կոմիտեները հանրությանը պետք է հաշվետվություն տան՝ 2017 թ. իրենց ոլորտում ինչ ներդրումներ են ակնկալվում, ներդրումների աղբյուրը կարող է լինել տարբեր՝ վարկային, բյուջետային և այլն: Մենք խոսել ենք յուրաքանչյուրի հետ, այդ թվերը ձեզ մոտ պատրաստ են, ամփոփ կներկայացնենք, թե կառավարությունն ինչ ներդրումային ծրագիր է ստանում», - ասել է վարչապետը:
Կարեն Կարապետյանը հանձնարարել է ՀՀ կրթության և գիտության նախարարին՝ մեկամսյա ժամկետում ներկայացնել հանրակրթական հաստատություններում օտար լեզուների ուսուցման բարելավման ուղղությամբ առաջարկություններ և իրականացման ժամանակացույց։ ԿԳ նախարարի ուշադրությունը հրավիրելով հարցի վրա՝ վարչապետը կարևորել է մեր կրթական համակարգում օտար լեզուների, ինչպես նաև բիզնես և ֆինանսական դասընթացների ապահովումը:
Հիշեցնենք, որ դեկտեմբերի 28-ին, ամփոփելով 2016-ի արդյունքները, ՀՀ տնտեսական զարգացման և ներդրումների նախարար Սուրեն Կարայանը հայտարարեց, որ դեպի Հայաստանի տնտեսություն ներդրումների ծավալը մնում է շատ ցածր մակարդակում: Ըստ նախարարի, 2016-ի առաջին 9 ամիսների ՕՈՒՆ զուտ ներհոսքը Հայաստանի տնտեսության իրական հատվածում կազմել $ 92 մլն է կամ ՀՆԱ-ի 1.3%: « ՕՈՒՆ այս մակարդակը բավարար չէ երկրի տնտեսության կայուն զարգացում ապահովելու համար: Միջնաժամկետ հեռանկարում մենք պետք է այդ ծավալներն ավելացնենք 5 անգամ», - ասեռլ էր նախարարը: Միևնույն ժամանակ, նախարարը 2017 թվականի արդյունքներով ակնկալում է ՕՈՒՆ-ի աճ, մինչև $ 150-200 մլն: Սուրեն Կարայանը հայտարարել է, որ ՀՀ վարչապետի երկրի շրջաններ կատարած այցի արդյունքում հավաքվեց մի շարք բիզնես գաղափարներ, որոնք կարող են հիմք դառնալ ներդրումային նախագծերի իրականացման համար: «Արդեն հավաքվել է 160 ծրագիր, 110-ն ստացվել է մարզերից, $ 240 մլն ընդհանուր գումարով», - ասել էր նա: Մի շարք ներդրումային ծրագրերի իրականացման հեռանկարներն արդեն քննարկվել է նախարարությունում և բերվել մատչելի ձևաչափի: Դրանցից 32-ներկայացվել են նաև դեպի Արաբական Միացյալ Էմիրություններ վարչապետի կատարած այցի ընթացքում: Կատարված աշխատանքների արդյունքում, ինչպես հավաստիացրել էր կարայանը, 2017-ի առաջին եռամսյակում 3 մլրդ.դրամի ներդրումների շնորհիվ կիրականացվի 8 ծրագիր, ինչի արդյունքում կստեղծվի 824 նոր աշխատատեղ:
Ըստ ՀՀ Ազգային վիճակագրական ծառայության տվյալների, դեպի Հայաստանի տնտեսություն օտարերկրյա ուղղակի ներդրումների ծավալը (ստացված ոչ բանկային համակարգի և ոչ էլ պետական կառավարման միջոցով) 2016 թվականի հունվար-սեպտեմբերին կազմել է մոտ 44,4 մլրդ դրամ, 2015-ի 80.2 մլրդ.դրամի փոխարեն: Ընդհանուր օտարերկրյա ներդրումների զուտ հոսքերը հաշվետու ժամանակահատվածում կազմել են 26.9 մլրդ.դրամ նախորդ տարվա առաջին ինն ամիսների 96 մլրդ դրամի փոխարեն: Հարկ է նշել, որ 2016 թվականի առաջին կեսի արդյունքներով Հայաստանում արձանագրվել է կապիտալի արտահոսք, այսինքն, ընդհանուր օտարերկրյա ներդրումների 16.9 մլրդ. դրամի բացասական զուտ հոսք: Ըստ ՀՀ Ազգային վիճակագրական ծառայության տվյալների, ամենամեծ ծավալներով օտարերկրյա ուղղակի ներդրումների հոսքեր են արձանագրվել Կիպրոսից`34.8 մլրդ դրամ և Մեծ Բրիտանիայից` 32.2 մլրդ դրամ Միևնույն ժամանակ, Հայաստանից արտաքին ուղղակի ներդրումների ամենամեծ արտահոսք է արձանագրվել Ռուսաստանի ուղղությամբ` 55.3 մլրդ դրամ և դեպի Լիբանան`12.7 մլրդ դրամ: