Հինգշաբթի, 19 Հունվարի 2017 20:25

Արմինֆո. Մեղրիում ազատ տնտեսական գոտու կազմակերպման հարցում ՀՀ կառավարությնա առաջնահերթ խնդիրը Հայաստանի և Իրանի միջև բանկային փոխանցումների իրականացման կարգավորումն է: Այս մասին Մեղրիում ազատ տնտեսական գոտու հիմնման թեմայով հրավիրված մամուլի ասուլիսում հունվարի 19-ին հայտարարել է ՀՀ տնտեսական զարգացման և ներդրումների նախարարի տեղակալ Հովհաննես Ազիզյանը:

 

Փոխնախարարը հույս է հայտնել, որ այդ հարցը կլուծվի առաջիկա 2 ամսում, քանի որ գոյություն ունի պետությունների ղեկավարների և Կենտրոնական բանկերի միջև համաձայնություն: Արդյունավետ արտահանումային քաղաքականության հասնելու համար լուծվել է նաև հայկական ապրանքների սերթիֆիկացման հարցն իրանական շուկայում: Սակայն, փոխնախարարը նշել է, որ ապրանքաշրջանառության ծավալներն այս տարի էական դինամիկա չեն արձանագրի, մնալով նախորդ տարվա`280 մլն.դոլար մակարդակում: Բայց նա նշել է, որ 30% կավելանա դեպի Իրան արտահանման ծավալը  որոշիչ դեր չխաղացող ապրանքների գծով` միս, հանքային ջրեր, շոկոլադ, խմորեղեն և այլն:

 

Նա հույս է հայտնել նաև, որ հայկական բոլոր ապրանքներն իրենց տեղը կգտնեն իրանական շուկայում, նմշելով, որ այս հարցում կառավարոյթունն ունի հետևյալ խնդիրը` ստեղծել արտահանման համապատասխան մեխանիզմներ և լուծել դրամական փոխանցումների հարցը:

 

Ըստ ՀՀ Ազգային վիճակագրական ծառայության տվյալների, Հայաստանի և Իրանի միջև ապրանքաշրջանառությունը 2016 թվականի հունվար-նոյեմբերին կազմել է $ 219,3 մլն., տարեկան անկումը`13,4%: Մասնավորապես, արտահանումը նվազել է 6,1%, մինչև $ 70,2 մլն., իսկ ներմուծումը`16.5%, մինչև $ 149,1 մլն: