Արմինֆո. ՀՀ ԿԱ քաղաքաշինության պետական կոմիտեի նախագահ Նարեկ Սարգսյանը հերթական աշխատանքային խորհրդակցության ընթացքում անդրադարձել է առաջիկա տարում քաղաքաշինության բնագավառի ծրագրային առաջնահերթություններին և անելիքներին:
Մասնավորաբար՝ Կոմիտեի նախագահն անդրադարձել է տարածքների գլխավոր հատակագծերի փոփոխությունների ընթացակարգերի լրամշակման, նախագծային և շինարարական մրցույթների կազմակերպման, ներդրումային ծրագրերի մշակման և համապատասխան փաթեթների ձևավորման, քաղաքաշինության բնագավառում առկա հիմնախնդիրները համակարգող խորհրդի, ինչպես նաև՝ Ալեքսանդր Թամանյանի անվան ազգային թանգարան-ինստիտուտ ՊՈԱԿ-ի աշխատանքային ծրագրերին, տվյալ ոլորտների պատասխանատուներին հանձնարարելով առաջիկա շաբաթվա ընթացքում ներկայացնել կոնկրետ ծրագրերը և դրանց կատարման ժամանակացույցը:
Խորհրդակցության ընթացքում Ն. Սարգսյանը կարևորել է Քաղաքաշինական ԾԻԳ ՊՀ լուծարմամբ պայմանավորված՝ «Երազե բնակելի թաղամասում պետծառայողներին մատչելի բնակարաններով ապահովման ծրագիրը՝ լուծարային փուլում գտնվող ԾԻԳ ՊՀ-ից Կոմիտեի համապատասխան վարչություններին հանձնելու և «հանձնում-ընդունումե գործընթացի հավուր պատշաճի իրականացումը, ինչպես նաև՝ ծրագրի երրորդ փուլի աշխատանքների կազմակերպումը: Միաժամանակ, Ն. Սարգսյանը ներկայացրել է ՀՀ ԿԱ քաղաքաշինության պետական կոմիտեում նոր՝ քաղաքաշինական ծրագրերի իրականացման վարչության խնդիրները:
Հանձնարարվել է հետևել սահմանված ժամկետում ավարտելու բյուջեի միջոցների հաշվին իրականացվող օբյեկտների շինարարությունները:
Կառավարության առաջնահերթությունների համատեքստում Ն. Սարգսյանը անդրադարձ է կատարել իր իսկ անմիջական համակարգմամբ Կոմիտեի կողմից 2017 թվականին իրականացվող ներդրումային ծրագրերի փաթեթներին, հանձնարարելով նախապատրաստել դրանցից յուրաքանչյուրի վերաբերյալ ներդրումային համաձայնագրեր՝ կողմերի մասնակցությամբ առաջիկայում ստորագրելու նպատակով:
RUB | 4.19 | 0.00 |
USD | 394.07 | -1.03 |
EUR | 420.75 | 0.36 |
GBP | 491.72 | -0.42 |
CAD | 286.47 | 0.33 |
JPY | 25.52 | -0.03 |
CNY | 54.44 | -0.14 |
CHF | 433.66 | 0.15 |