Քաղցրաշենի ֆերմերների հանդեպ «Վինար» ՍՊԸ պարտքի գործն ուղարկվել է դատարան

Արմինֆո. Քաղցրաշենի ֆերմերների հանդեպ «Վինար» ՍՊԸ պարտքը 2 տարում հասել է 85 մլն.դրամի: Այս մասին հունվարի 23-ին կայացած մամուլի ասուլիսում հայտարարել է Հայաստանի Խաղողագործների միության ղեկավար Արտակ Սարգսյանը:

Հղում կատարելով ձեռնարկատերերի պարզաբանումներին, փորձագետը տեղեկացրել է, որ «Վինար» ՍՊՀ պարտքը պայմանավորված է իրացման շուկայի բացակայությունով: «Մի խոսքով, երբ ուզում են իրենց անվճարունակությունն արդարացնեն, ապա պատճառներ անպայման կգտնեն: Իսկ ինչո՞վ է մեղավոր ֆերմերը»,-ընդգծել է նա, նկատելով, որ «Վինար» ՍՊՀ գործն անցյալ տարի դեկտեմբերին արդեն ուղարկվել է դատարան: «Մենք պետք է այդ հարցը լուծենք կարճ ժամկետներում»,-ասել է Միության ղեկավարը:

Պատասխանելով ԱրմԻնֆո գործակալության հարցին, Սարգսյանը նշել է, որ ստեղծված իրավիճակի հիմանական պատճառը պայմանագրի բացակայությունն է, որով կարող էր կարգավորվել կողմերի փոխադարձ պատասխանատվությունը: Ըստ Սարգսյանի, գյուղացիներին տրվել է միայն հին ձևի հաշիվ-ապրանքագիր, որտեղ նշվել է ամսաթիվը, խաղողի ծավալը և գումարը, ինչն իրավական հիմք չէ պայմանագրի համար: «Նրանք ասում են, որ իրենք պայմանագրեր չեն կնքել, կա խաղող – մենք ընդունում ենք»,-ձեռնարկատերերի խոսքերն է մեջբերել Միության ղեկավարը, ընդգծելով պայմանագրերի անհրաժեշտոթյունը, քանի որ առանց դրանց պրոբլեմներն ավելի կկուտակվեն: «Անկախ ամեն ինչից, մենք պետք է կրկին բարձրացնենք այդ հարցը, որպեսզի ֆերմերը կարողանա ստանալ խաղողի մթերման դիմաց իրեն հասանելիք գումարը»,-նշել է նա:

Ըստ փորձագետի, 2016 թվականին խաղողի բերքը Հայաստանում կազմել է 109 հազ. տոննա: Միևնույն ժամանակ, ըստ Մաքսային ծառայության տվյալների, 2016 թվականի առաջին կիսամյակում Հայաստանից արտահանվել է 548.5 տոննա խաղող, տարեկան անկումը`55.2%, իսկ մաքսային արժեքը նվազել է 41.3%, մինչև $ 360,4 հազար: Գինու արտահանումը նույն ժամանակահատվածում կազմել է 780 հազար լիտր, տարեկան աճը` 25%, որի մաքսային արժեքն աճել է 52%, մինչեւ $ 2,5 մլն: Ըստ ՀՀ Ազգային վիճակագրական ծառայության տվյալների, գինու արտադրության ծավալը 2016-ի հունվար-նոյեմբերին կազմել է 5.8 մլն լիտր, տարեկան աճը`15.6%, նախորդ տարվա նույն ժամանակահատվածի 2,1% անկման փոխարեն

Նշենք, որ «Վինարմ» ՍՊԸ-ն հիմնադրվել է 1995 թ-ին: Ընկերության գործունեությունը հիմնականում կենտրոնացած է գինեգործության սարքավորումների ներմուծման ուղղոթյամբ: Ներկայում «ՎԻնաև» ընկերությունն արտադրում է սովորական և կոլեկցիոն գինիներ, լիկյոր, կոնյակ, մրգային բրենդի և կոնյակի սպիրտ: Բարձրորակ գինիների արտադրության համար «Վինար» ընկերությունն օգտագործում է տեղական խաղող: