Արմինֆո. ՀՀ վարչապետ Կարեն Կարապետյանը հայտարարել է, որ գոհ է Ռուսաստան իր առաջին պաշտոնական այցի արդյունքներից: Այդ մասին նա ասել է «ՄԻՐ 24»-ին հարցազրույցում:
«Իրականում այն ներքին խնդիրները, որոնք մեր առջև դրել էինք, մեր ռուսաստանցի գործընկերները բավական դրական են ընկալել, ու եթե հակիրճ ասենք, ապա ես շատ գոհ եմ այցի արդյունքներից»,– ասել է Կարապետյանը։
Նրա խոսքով, հանդիպումը շատ կառուցողական էր: Միաժամանակ Ռուսաստանի վարչապետ Դմիտրի Մեդվեդևի հետ քննարկվել են երկկողմ հարաբերությունները և մի շարք ուղղություններ, որոնք դիվերսիֆիկացնում և ընդլայնում են համագործակցության ոլորտները:
Մասնավորապես, կողմերը պայմանավորվել են ստեղծել հայ-ռուսական ներդրումային հիմնադրամ, ինչը կնպաստի ռուսական կապիտալի առաջխաղացմանը:
«Ռուսական կապիտալը կգա ազատ տնտեսական գոտի, որն օրերս կբացվի Իրանի հետ սահմանին։ Մենք պայմանավորվել ենք սարքավորումներ մատակարարելու շուրջ, ինչը սկզբունքորեն փոխում է Հայաստանում գյուղատնտեսական մշակման մեթոդները»– ասել է վարչապետը։
RUB | 4.21 | 0.02 |
USD | 392.60 | -1.47 |
EUR | 418.04 | -2.71 |
GBP | 488.12 | -3.60 |
CAD | 285.09 | -1.38 |
JPY | 25.40 | -0.12 |
CNY | 54.22 | -0.22 |
CHF | 432.05 | -1.61 |