Արմինֆո. Մեր ընկերությունը պատրաստ է Մեղրիում ստեղծվող ազատ տնտեսական գոտու կառուցմանը ներդնել 1 մլն.դոլար: Այս մասին հունվարի 27-ին Երևանում լրագրողներին հայտարարել է Հայաստանում իրանական «Iran Khodro» ավտոմոբիլային ընկերության ներկայացուցիչ, «Ռենա» ՍՊԸ տնօրեն Ռեզա Նաֆեզին հայ-իրանական բիսնես-հանդիպման շրջանակներում:
Նրա խոսքով, ապագայում ընկերությունը պատրաստվում է կազմակերպել համատեղ արտադրություն, իրանական հումքի հիման վրա, իսկ հետագայում պատրաստի արտադրանքն արտահանել ԵԱՏՄ երկրներ և Վրաստան: «Դա և կահույքի արտադրություն է, և շինանյութերի արտադրություն: Տարբերակները բազմաթիվ են»,-հայտարարել է նա:
Նրա խոսքով, համագործակցության փորձ կա: Ժամանակին մարտկոցներ արտադրող հայկական ԷԼԲԱՏ ընկերությունը հայտնվեց ծանր իրավիճակում, բայց սկսեց համագործակցել իրանական կողմից հետ, որը կարգավորեց արտադրությունն «Արաս» ԱՏԳ միջոցով: Այսօր համատեղ ձեռնարկությունն օգտվում է լայն հարկային արտոնություններից և հեշտությամբ դուրս է գալիս իրանական շուկա: «Իրանական կողմն արտադրությունն ապահովում է կապարի հումքով, Հայաստանում արտադրանքը կոմպլեկտավորվում է, իսկ վերջնական տեսքն ստանում «Արաս»-ում`Made in Armenia ապրանքանիշով դուրս գալով իրանական շուկաներ»,-պարզաբանել է նա:
Նա նաև հայտարարել է, որ Իրանը պատրաստ է Հայաստանին բարձր մակարդակով օժանդակել Մեղրիի ԱՏԳ ստեղծման հարցում: Ինչպես հայտարարել է «Արաս» ԱՏԳ գործադիր տնօրեն և տնօրենների խորհրդի նախագահ Մոհսեն Հադեմ Արաբ Բաղինը, տվյալ փուլում հայկական կողմից հետ ընթանում են քննարկումներ: Նա հիշեցրել է, որ այդ ուղղությամբ Իրանն ունի հարուստ փորձ, քանի որ «Արաս» ԱՏԳ ստեղծվել է մոտ 10 տարի առաջ և այսօր Իրանի տարածքում հաջողությամբ գործում են ավելի քան 4 հազար ընկերություններ:
Նշենք, որ Հայաստանի և Իրանի միջև առևտրի ազատ գոտու ստեղծման ծրագիրը գնահատվում է 28 մլն.դոլար, իսկ հաշվի առնելով հնարավոր ծախսերի հետ միասին կարող է հասնել 32 մլն.դոլարի: Տասնամյա հեռանկարում, համաձայն ներդրումային ծրագրի, ակնկալվում է, որ ԱՏԳ կազմակերպող ընկերության շահույթը կկազմի 52 մլն. դոլար, իսկ աշխատակիցների թիվը` 60-70 մարդ: Ըստ կանխատեսումների, 10 տարում կներգրավվեն 120 ընկերություններ, որոնք տարեկան կարտահանեն 80-100 մլն.դոլարի ապրանքներ: Նպատակային ուղղությունները կլինեն ԵԱՏՄ, ԵՄ, Մերձավոր Արևելքը, ԱՄԷ, Սիրիան, Թուրքմենստանը, և այլն: Ներդրումների առումով, ըստ ընդհանուր կանխատեսումների, ակնկալվում են մինչև 350-400 մլն դոլարի ներդրումներ:
Հարկ է նշել, որ «Արաս» ԱՏԳ-ն գտնվում է Արևելյան Ադրբեջան նահանգի հյուսիսում և սահմանակցում է Հայաստանի և Ադրբեջանի հետ: Ըստ Իրանի կառավարության հանձնարարության, ԱՏԳ ընդհանուր մակերեսն ընդգրկում է Ջուլֆայի և Հոդա-Աֆերինի որոշ շրջանները, հասնելով 51 հազար հեկտարի: Իսկ նախկինում «Արաս» ազատ տնտեսական գոտու տարածքը կազմում էր 9.7 հազար հա:
Ըստ ՀՀ Ազգային վիճակագրական ծառայության տվյալների, Հայաստանի և Իրանի միջև ապրանքաշրջանառությունը 2016 թվականի հունվար-նոյեմբերին կազմել է $ 219,3 մլն. տարեկան անկումը`13,4%: Մասնավորապես, արտահանումը նվազել է 6,1%, մինչև $ 70,2 մլն, իսկ ներմուծումը`16.5%, մինչև $ 149,1 մլն:
Ալեքսեյ Մելնիկով. ՀԿԵ-ն թողունակության բավականին լուրջ պաշար ունի
Հայաստանում դոլարային հիփոթեքի արգելքը՝ սպառողի շահերի պահապան թե բանկային շահերի լոբբինգ. Կարեն Զաքարյան
Ինչպես է փոխվել միջին աշխատավարձ ստացող քաղաքացու կենսամակարդակը վերջին տարում
ԵԱՏՄ երկրներ ավտոմեքենա վաճառելիս ՊԵԿ-ի տեղեկանքները չեղարկվել են
Հայաստանի տնտեսությունն անառողջ է. տնտեսագետն առաջարկում է առկա խնդիրների լուծման եղանակներ
ԱԶԲ պատվիրակությունն այցելել է Հյուսիս-Հարավ ճանապարհային միջանցքի Սիսիան-Քաջարան հատված
Հայաստանի բանկերի միության խորհրդի նախագահ է ընտրվել Մհեր Անանյանը