Արմինֆո. 2017 թվականի հունվարի վերջին տասնօրյակը նշանավորվել է բորսայի արտարժութային հարթակի մեկ տարվա նիրհից զարթոնքով, ինչին զուգընթաց արտարժույթի ներբանկային շուկան ընկղմվել է վայրընթաց թրենդի մեջ: Արդյունքում` դրամը դոլարի ու եվրոյի նկատմամբ դիրքերը պահպանել է 486,5 դրամ/դոլարի և 520 դրամ/եվրոյի մակարդակում, իսկ ռուբլու նկատմամբ աննշանն արժևորվել է` 8,2-ից մինչև 8,1 դրամ/ռուբլի:
Մինչ այդ, հունվարի առաջին տասնօրյակում դիտվել էր եվրոյի նկատմամբ դրամի ավելի կտրուկ արժեզրկում, քան դոլարի և ռուբլու նկատմամբ, ինչը շարունակվել էր երկրորդ տասնօրյակում: Համեմատության համար նշենք, որ 2016 թվականի սկզբին դրամը դոլարի նկատմամբ ձևավորվել էր 482 դրամ/դոլար մակարդակում, եվրոյի նկատմամբ 529 դրամ/եվրո, իսկ ռուբլու նկատմամբ` 6,9 դրամ/ռուբլի մակարդակում: Արտարժույթի բորսայական հարթակը 2016 թվականի սկզբից հազվադեպ է գործել` մեկական գործարք մարտ-մայիս ամիսներին, մասնավորապես, մարտին`100 հազ.դոլար, ապրիլին`2,950 դոլար և մայիսին`800 հազ.դոլար, որից հետո կրկին հաջորդել էր անդորր: Իսկ Կենտրոնական բանկը 2016 թվականի հունվար-օգոստոս ամիսներին արտարժույթի շուկայում դոլար էր գնել ապրիլին (2.4 մլն.դոլար), հունիսին (50.2 մլն.դոլար) և օգոստոսին (19.8 մլն դոլար), և վաճառել է հունվարին (53.1 մլն.դոլար), փետրվարին (41.5 մլն.դոլար):
Ինչպես ԱրմԻնֆո գործակալությանը հաղորդել են ՀՀ կենտրոնական բանկի մամուլի ծառայությունից, արտարժույթի միջբանկային շուկայում հունվարի 23-27-ը ընկած ժամանակահատվածքում իրականացվել է 9,8 մլն դոլարի գործարք (հունվարի 9-20-ի 29,849 մլն դոլարի դիմաց) 486,83 դրամ/1դոլար միջին կշռված փոխարժեքով (նախորդ շաբաթվա 486,33 դրամ/դոլարի դիմաց): Դրան զուգընթաց, ներբանկային շուկայում հաշվետու շաբաթվա ընթացքում դիտվել է արտարժութային գործարքների նվազման միտում, ընդ որում դոլարով գործարքների գծով պակաս էական, քան եվրոյով և ռուբլով: Այսպես, դոլարի առքի ծավալը նվազել է 36%-ով` վաճառքի 44% անկման պայմաններում, մինչդեռ եվրոյի առքուվաճառքը կրճատվել է 2-2,1 անգամ, ռուբլունը` 2,6-2,7 անգամ: Արդյունքում` գնվել է ավելի քան 101,4 մլն դոլար 485,74 դրամ/դոլար միջին փոխարժեքով, 7,8 մլն եվրո 518.59 դրամ/եվրո փոխարժեքով և 701 մլն ռուբլի 8,12 դրամ/ռուբլի միջին փոխարժեքով, իսկ վաճառվել է 104,3 մլն դոլար, 486,80 դրամ/դոլար միջին փոխարժեքով, 8,8 մլն եվրո, 523,2 դրամ/եվրո միջին փոխարժեքով և 303,1 մլն ռուբլի, 8,22 դրամ/ռուբլի միջին փոխարժեքով:
Աղբյուրի համաձայն, նախորդ շաբաթ (հունվարի 16-21-ը) Հայաստանի բանկերի կողմից տրամադրվել են 39.1 մլրդ դրամի և 22.1 մլն դոլարի վարկեր: Նախորդ ժամանակահատվածի (հունվարի 9-20) համեմատ տրամադրված վարկերի ծավալներն զգալիորեն կրճատվել են. դրամով տրամադրված վարկերի ծավալն նվազել է 3 անգամ, իսկ դոլարով տրամադրված վարկերի ծավալը` 8,7 անգամ:
Հիշեցնենք, որ 2015 թվականին արտարժույթի մանրածախ շուկայում դրամը դոլարի նկատմամբ 477 դրամից թուլացավ մինչև 482 դրամ/դոլար մակարդակ, եվրոյի նկատմամբ` 571,5-ից մինչև 529 դրամ / եվրո մակարդակ, իսկ ռուսական ռուբլու նկատմամբ` 8.2-ից մինչև 6.9 դրամ/ռուբլի մակարդակ: Ընդ որում, դեկտեմբերին 14-28-ը Կենտրոնական բանկը գրեթե ամեն օր միջամտում էր շուկային: Դրամի արժեզրկումային տրամադրությունները դիտվում էին երկրի արտաքին առևտրի շրջանառության անկմանը զուգահեռ (մոտ 20.6%), այդ թվում, ներմուծումը կրճատվեց մոտ 26.5%, արտահանումը` մոտ 3.9%, իսկ դեպի Հայաստան դրամական փոխանցումների ներհոսքը կրճատվեց ավելի քան 30%, և այդ ամենը տեղի է ունենում բնակչության առանց այն էլ ցածր վճարունակության և երկրի տնտեսական ցածր ակտիվության պայմաններում: 2016 թվականին Հայաստանի արտարժույթի մանրածախ շուկայում ՀՀ դրամը ԱՄՆ դոլարի և ռուսական ռուբլու նկատմամբ արժեզրկվել է մինչև 484 դրամ/դոլար և 8 դրամ/1ռուբլի, եվրոյի նկատմամբ արժևորվելով մինչև 505 դրամ/1եվրո, ինչը տեղի է ունեցել տնտեսական ակտիվության գրեթե լճացումային դանդաղման պայմաններում` մինչև 0,5%, որը շարունակվում է, սակայն ավելի դանդաղ տեմպերով: Դրան զուգընթաց 2016 թվականին դիտվել է արտաքին առևտրի շրջանառության դինամիկայի բարելավում` անկումից մինչև 7,4% աճ` արտահանման անկումից մինչև 20% աճի և ներմուծման անկումից մինչև 1,6% աճի, ինչպես նաև սպառողական շուկայում 1,4% դեֆլյացիայի շնորհիվ: 2017 թվականը դրամի համար սկսվել է արժեզրկմամբ` դոլարի նկատմամբ 484-ից մինչև 485 դրամ/1դոլար, եվրոյի նկատմամբ 505-ից մինչև 511 դրամ/1եվրո, ռուբլու նկատմամբ 8-ից մինչև 8,1 դրամ/1ռուբլի: